د فیفا په نوم د فوټبال نړيوالې ادارې پر ښځينه فوټبالرانو باندې د حجاب په سر بنديز تقريبا لس کاله پخوا لېرې کړ. ترمخه د خونديتوب په اړه اندېښنې موجودې وې. ۲۵ کلنه د دفاعي برخې لوبغاړې بنزينا په مراکش کې لوبيږي.
هغه اوس د آستراليا په آډليد کې د سويلي کوريا په وړاندې په سيالۍ کې تاريخ جوړ کړ. بنزينا په ټولنيزو رسنيو کې د حجاب د اغوستلو په هکله ليکنې شريکې کړې، خو د آستراليا او نوي زيلنډ رسنيو ته يې په دې هکله څه ونه ويل.
دغه مطلب هم ولولئ: نیمه فاینل ته د مراکش تر ورداخلیدو وروسته خوشالۍ
په دې وروستيو کې نوموړې د الجزيره رسنۍ ته ويلي ول چې دا د وياړ يوه شېبه ده. د هغې په خبره »د ډېرو کلونو په اوږدو کې ډېر کار وشو او د خدای په فضل نتيجه يې مثبته وه.« بنزينا زياته کړه چې »موږ هيله لرو چې په لوړه کچه ولوبيږو او مراکش ته وياړ وبخښو.«
په دې وروستيو کلونو کې د نورو سپورټونو په برخه کې هم پر حجاب بنديزونه رفع شول لکه په باسکټبال کې، خو په فرانسه کې د فوټبال په لوبو کې دغه بنديز تر اوسه پورې جاري دی. د نوحيلا بنزينا لوبډله چې روزونکی يې فرانسوی رينالد پېدروس نوميږي، اوس په لومړي ځل د ښځو په نړيوال جام کې ګډون کوي. په لومړۍ لوبه کې دوی د آلمان په وړاندې شپږ په صفر لوبه وبايلله چې بنزينا په دغه لوبه کې په فعال ډول ګډون نه و کړی.
آ./ن.ص./ا.ا.
په سعودي عربستان کې د «حجاب لرونکي موډ» انځورونه
د مسلمانو ښځو له پاره موډ کیدای شي له رنګارنګیو ډک، خو په عین وخت کې ستونزې زیږونکی وي. په تازګۍ سره د سعودي عربستان او اروپايي ګډ موډ یوه ننداره په ریاض کي وړاندي شوه. ځينې انځورونه يې دلته لیدلی شئ.
انځور: Reuters/T. Hanaiد سعودي د شاهي کورنۍ شهزادګۍ صفیه حسین غراس او د موډ بلجیمۍ طراحې کریستوف بیوفایس، په ریاض کې د بلجیم د سفارت په انګړ کې د مسلمانو ښځو له پاره د جامو د موډ ننداره وړاندې کړه. په سعودي عربستان کې د لومړي ځل له پاره ښځو او نارينه وو په ګډه د ښځو د موډ د نندارې اجازه درلوده.
د سعودي عربستان د شاهي کورنۍ د سختګیرانه قواعدو پر اساس د بیوفایس او شهزادګۍ غراس طرحه کړې جامې باید ساده او د مسلمانو ښځو له پاره مناسبې وای. خو برخلاف د دغه نمایش اکثره نندارچیانو بیا د لویدیځوالو په موډ جامې اغوستې وې.
په ریاض کې د «خلیکې شیک» په نامه د طراحۍ په دې مجموعه کې روښانه او نقش لرونکي ډیزاینونه لږ لیدل کیږي. دا چپنې ته ورته کریمي لباس په عربي هیوادونو کې دود لباسونو ته ډیر ورته والی لري.
یو شی چې له ساده او متواضع فیشن سره یې ورته والی نه درلود د کاوبایي خولې پر سرول وو. دې موډلې له تورو جامو سره کوبایي سپينه خولې پر سر کړې ده.
د دې نندارتون برخلاف په ۲۰۱۷م کال کې د دوبی موډ اونۍ کې د جامو موډ زیاتره عربي شکل درلود او پکښې له ډیرو مختلفو رنګونو څخه کار اخیستل شوی وو. دغه ماډله د «مسلمه وییر» لیبل د جامو نمایش وړاندې کوي. دا لیبل یا مارک د ترکیې دی چې په متحده ایالاتو، اروپا، بریتانیا، روسیه او دوبی کې هم نمایندګۍ لري.
د مسلمانو ښځو د جامو برانډ
همدارنګه د «مسلمه وییر» یا د مسلمانو ښځو د جامو موډ مارک چې زیاتره د ځوانو نجونو له پاره جامې برابروي له روښانه رنګونو نه استفاده کوي. دغه مارک په اینستاګرام کې تر۴۰ زرو ډیر کارونکي تعقیبوي.
د اسلامي مود مشهوره ماډله
د دوبۍ موډ اونۍ ۲۰۱۷م کال په نمایش کې مشهورې عربي موډلانې هم راڅرګندې شوې وې. د هغو له ډلې مشهوره امریکایي ماډله حلیمه عدن هغه د ترکي مارک مسلمانو ښځو لباس موډ سره په دغه ننداره کې را ښکاره شوې وه.
د محجوب موډ په هکله د نظر اختلاف
د مسلمانانو له پاره محجوب موډ نه یوازې د سکولارو، بلکې د عقیدوي مسلمانانو له خوا هم له نیوکو سره مخامخ شوی دی. سومالیې الاصله امریکایي ماډله چې د دې نندارې یوه له مشهورو څیرو څخه وه، په ۲۰۲۰م کال کې د فیشن له ریشتې سره یي خپلې اړیکې پرې کړې، ځکه په خبره یي په دې برخه کې د هغې عقیدې ته په لازمه توګه درناوی نه کیږي. نوموړۍ د «یونیسف» د سفیرې په توګه له خپل موقعیت څخه هم لاس په سر شوې ده.
