د جنوبي کوریا رسنیو د دوشنبې په ورځ (د جولای ۲۹مه) رپوټ ورکړ چې د شمالي کوریا رهبر کیم جونګ اون، خپله مشره لور په رسمي توګه تر داسې روزنو لاندې نيولې، تر څو یوه ورځ وشي کړی د هغه ځای ناستې وګرځي.
د جنوبي کوریا خبري آژانس یونهاپ د دغه هيواد د استخباراتو ملي ادارې له قوله ويلي دي چې جو آئه، په وروستیو ورځو کې له خپل پلار سره له ګڼو عامه ځایونو څخه د کتنې پر مهال لېدل شوې چې تر هغه وروسته د روزنو ترلاسه کولو په حال کې ده.
جنوبي کوریا وايي د شمالی کوریا رهبر کیم جونګ اون په وروستیو کې په ګڼو عامه ځایونو کې له خپلې لور کیم جو آئه، سره لېدل شوی دیانځور: KCNA/AP Photo/picture alliance د شمالي کوريا د رهبر کیم جونګ اون، کورنۍ تر ډېره مخفي ده. د هغه د مېرمنې، ري سول جو او درې اولادونو په هکله ډېر کم معلومات شته. کیم آئه ظاهراً د کیم په اولادونو کې منځنی اولاد دی.
په غرب کې د کیم د ورثې د نومونو په هکله ظاهري معلومات هم یوازې د امریکاييباسکتبالر دنیس رودمن د رپوټونو له مخې دي، هغه څوک چې په ۲۰۱۳م کال کې ېې له کیم جونګ اون، سره د ملاقات اجازه ترلاسه کړې وه. د کیم جو آئه، د عمر په هکله ويل کیږي چې د ۱۱ او ۱۲ کلونو به وي.
کیم جو آئه څه وخت په عامه ځایونو کې ليدل شوې؟
د شمالي کوریا رهبر کیم جونګ اون له خپلې لور، کیم جونګ آئه سره چې عمر د ۱۱ او ۱۲ ترمنځ ښودل کیږيانځور: KCNA/REUTERS جو آئه، په ۲۰۲۲م کال کې له خپل پلار سره په ګڼو عامه مراسمو، له هغې جملې د توغندیو د کارخانې څخه د کتنې او ځواکونو سره د روغبړ په مراسمو کې ملتیا کوله.
شنونکي په دې باور دي چې په عامه ځایونو کې له زیاتو راڅګندېدو څخه موخه، دننه په پیونګ یان کې د داخلي رقابتونو غلي کول او یا د کیم کورنۍ د یوې سلطنتي کورنۍ په څېر ښودل دي.
د شمالي کوريا اوسني رهبر کیم جونګ اون، ته دغه مقام له خپل پلار کیم جونګ ایل څخه په ميراث ورپاته دی. کیم جونګ ايل د شمالي کوریا د بنسټګر کیم ایل سونګ زوی وو.
mks/nzes/rc (Reuters, Yonhap)
له آرشیف څخه انځوریز البوم:
هغه کمونیست رهبران چې تر مرګ وروسته یي جسدونه ساتل شوي
دا یو تاریخي حقیقت دی چې کمونیست رهبرانو د خپل ژوند پر مهال له خپل شخصیت سره ډیره مينه درلوده. شاید په همدې دلیل د دوی تر مړينې وروسته یې جسدونه په اصطلاح مومیايي او محفوظ ساتل شوي دي.
انځور: picture-alliance/dpa/Ropiولادیمیر لینن د پخواني شوروي اتحاد په بنسټ ایښودونکو کې تر ټولو مطرح کس وو. نوموړی همدارنګه د اکتوبر میاشتې د انقلاب یو مخکښ رهبر وو چې په پایله کې یې واک ته ورسید. د هغه دور ته د سرې ویرې وخت ویل کیږي چې د انقلاب په زرګونو مخالفين په کې ووژل شول. په ۱۹۲۴م کال کې د هغه تر مړينې وروسته یې ماغزه وایستل شول او پاتې جسد یي محفوظ کړای شو. د هغه جسد د مسکو په «ریډ سکوایر» کې ساتل شوی دی.
انځور: picture-alliance/akg-imagesد چين د خلق جمهوریت کمونیستي مشر ماو
ماو زي تنګ، د چين د خلق جمهوریت بنسټ ایښودونکی وو. ماو د شلمي پيړۍ یو له با رسوخه کسانو څخه وو چې دلیل پر یوه نړیوال قدرت د چين بدلیدل ګڼل کیږي. په دې هڅه کې اووه میلیونه انسانانو خپل ژوند له لاسه ورکړی وو. نوموړی په ۱۹۷۶م کال کې ومړ چې د وروستي دیدن له پاره یي یو میلیونه انسانان را ټول شوي وو. د ماو زي تنګ، مړی تر محفوظ کولو وروسته په بیجینګ کې ساتل شوی دی.
انځور: picture-alliance/dpa/Ropiکیم ال سنګ د شمالي کوریا لومړی رهبر وو. نوموړی د کمونیستي حکومت د قیام ترڅنګ د کوریا د جګړې د رامنځته کیدو لامل هم بلل کیږي. شمالي کوریا د پخواني شوروي اتحاد تر ختمیدو وروسته له سختې قحطۍ سره مخامخ شوې وه. نوموړی په ۱۹۹۴م کال کې د ۸۲ کلنې په عمر ومړ. د لس ورځني ویر تر مراسمو وروسته د هغه جسد محفوظ او په یوه مزار کې چې په کومسوسان آسامبلي کې واقع دی ایښودل شوی دی.
انځور: picture-alliance/AP Photo/KCNAپه شمالي کوریا کې د کِم ال سُنګ تر مړینې وروسته د هغه زوی کِم جونګ اِل هم د جابرانه حکومتي نظام لړۍ جاري وساتله. هغه هم په دې هڅه کې وو چې ولس ورته تر اندازې ډیره عقیده ولري. نوموړی په ۲۰۱۱ م کال کې د قلبي سکتې په نتیجه کې ومړ. کِم جونګ اِل تر مړینې وروسته ابدي رهبر وبلل شو. د هغه جسد هم تر محفوظ کولو وروسته د کومسوسان په ماڼۍ کې کیښودل شو.
انځور: picture-alliance/AP Photo/KCNAهو شي مین په ویتنام کې د فرانسې استعماري حکومت ته ماته ورکړه او د شمالي او سویلي ویتنام د یوځای کولو جنګ یي پیل کړ، خو په بشپړ ډول تر بریا مخکې مړ شو. هغه غوښتل چې تر مرګ وروسته یي مړی وسوځول شي او ایره یي د هیواد په دریو غرونو وشیندل شي، خو برعکس تر مړيني وروسته یي جسد محفوظ او د هنويي په یوه مزار کې وساتل شو. د ځینو سرچينو په حواله د هغه پوزه خاورې شوې او ږیره یي هم له مخ څخه رژیدلې ده.
انځور: picture-alliance/AP Photo