جرمونهآلمان
برلین کې ډزې؛ یو تن وژل شوی دوه ټپیان دي
۱۴۰۳ شهریور ۱۵, پنجشنبه![پولیسو تر اوسه پورې د ډزو د عامل او دلیل په هکله څه نه دي ویلي او زیاتوي چې د قتل په هکله یې څیړنې روانې دي.](https://static.dw.com/image/67667115_800.webp)
اعلان
د پنجشنبې په ورځ (۲۰۲۴م کال د سپتمبر میاشتې پر ۵) د آلمان پولیسو وویل چې په پلازمېنه برلین کې د ډزو په نتیجه کې یو تن وژل شوی او دوه نور ټپیان شوي دي.
د پولیسو د راپورونو په حواله، ډزې د برلین په شونه بیرګ سیمه کې د شپې شاوخوا یوه بجه شوي چې په نتیجه کې یې یو ۴۲ کلن کس تر ټپي کیدو وروسته د روغتون پر لار مړ شوی دی.
د دغو ډزو په نتیجه کې سیمې ته د پولیسو د بیړنیو خدماتو ګڼ شمیر افسران رسیدلي ول. د پولیسو په وینا په ډزو کې یو تن جدي ټپي شوی او دویم کس بیا سطحي ټپي دی. پولیسو زیاته کړې ده چې دواړه ټپیان یې د درملنې له پاره روغتون ته انتقال کړي دي.
پولیسو تر اوسه پورې د ډزو د عامل او دلیل په هکله څه نه دي ویلي او زیاتوي چې د قتل په هکله یې څیړنې روانې دي.