د المان د حکومت له خوا د مهاجرو د منلو پروګرام بندولو په بحث کې چې د ائتلاف له خوا مطرح شوی دی، په ځانګړي توګه له افغانستان څخه د پناه غوښتونکو د منلو موضوع د توجه په مرکز کې ځای نیولی دی. خو دغه موضوع په نورو هیوادونو کې تر تعقیب لاندې کسان هم اغیزمنوي.
د بشري حقونو د سازمانونو استازي نیوکه کوي چې د المان حکومت له خوا د مهاجرو د منلو پروګرام له بندیدو سره، به د روسیې او بلاروس یا سپینې روسیې د رژیم مخالفینو ته هم د ویزو ورکولو لړۍ بنده شي.
د روسیې له بشري حقونو سازمان «میموریال» څخه چې مرکز یې په برلین کې دی ایرینا شیرباکووا، د ریډکسیون نیټڅ ورک شبکې (RND) ته وویل: «دا په بشپړ ډول یو ناقابل تشریح پریکړه ده.» او دا د سیاسي پناه غوښتونکو پر ضد ده.
همدارنګه د «لیبرکو» سازمان عمومي مشر مارکو فیبر، د ریډکسیون نیټڅ ورک شبکې ته وویل: «د المان د پناه غوښتونکو د منلو پروګرام بندول، په بلاروس کې د انسانانو ژوند په خطر کې اچوي.»
په دغه هیواد کې ډیری خلک په میاشتو او حتی په کلونو بندیان ول. فیبر چې سازمان یې د سپینې روسیې د مهاجرو د حفاظت په برخه کې فعالیت کوي، زیاته کړې ده چې یواز هغه کسان چې په المان کې پناه ترلاسه کوي له دې وضعیت څخه ځان ساتلی شي.
د کوم هيواد په څه شمير مهاجر په خپله خوښه بيرته ستانه شوي دي؟
د مهاجرت نړيواله اداره هغو مهاجرو سره مرستي کوي چې په داوطلبانه توګه خپلو هيوادونو ته ستنيږي. په دغه انځوريز رپوټ کې به لس هغه هيوادونه وپيژنۍ چې په روان کال کې يې له دغه پروګرام AVRR څخه تر نورو زياته ګټه پورته کړې ده.
انځور: Getty Images/AFP/W. Kohsarالبانيا هغه هيواد دی چې د روان کال په لمړيو شپږو مياشتو کې يې ۴۴۲۱ تنه اتباع د مهاجرت نړيوالې ادارې د دواطلبانه بيرته ستنيدو پروګرام په چوکاټ کې خپلو هيوادونو ته ستانه شوي دي. دغه شميره په ۲۰۱۶ کال کې نژدې ۱۸ زره وو.
د روان کال په لمړيو شپږو مياشتو کې ۴ زره عراقي مهاجر په داوطلبانه توګه بيرته خپل هيواد ته ستانه شوي دي. په ۲۰۱۶ کال کې هم دغه شميره لوړه يعنې ۱۳۰۰۰ وه. د مهاجرت نړيواله اداره د خپل دغه پروګرام له لارې مهاجرو سره په خپل هيواد کې د نوي ژوند د جوړيدو په برخه کې هم مرستې کوي.
دريم مقام کې افريقايي هيواد ايتوپيا راځي. د ۲۰۱۷ کال په لمړيو شپږو مياشتو د دغه هيواد ۲۳۰۰ اتباع د «آي. او. ام» د اړوند مرستندويه پروګرام په چوکاټ کې په خپله خوښه بيرته خپل هيواد ته ستانه شوي دي. په ټول ۲۰۱۶ کال کې دغه شميره ۷۰۰۰ وه.
تيرکال څه باندې ۷ زره افغان مهاجر، د مهاجرت نړيوالې ادارې (آي. او. ام) پروګرام له لارې په خپله خوښه بیرته افغانستان ته ستانه شوي ول، خو سږکال دغه شميره لويدلې ده. د روان کال په لمړيو شپږو مياشتو کې نژدې ۲۱۰۰ تنه افغان مهاجر بيرته خپل هيواد ته په داوطلبانه توګه ستانه شوي دي.
سږکال نژدې ۱۷۰۰ سربيايي مهاجر د مهاجرت نړيوالې ادارې په مرسته بيرته خپل هيواد ته ستانه شوي دي. دوی په مختلفو هيوادونو کې میشت ول. تيرکال (۲۰۱۶) نژدې ۳۰۰۰ سربيايي مهاجر په خپله خوښه خپل هيواد ته ستانه شوي ول.
د مهاجرت نړيوالې ادارې د مرستندويه پروګرام له لارې د روان کال په لمړيو شپږو مياشتو کې ۱۵۰۰ او په ټول ۲۰۱۶ کال کې ۵۰۰۰ مقدونيايي مهاجر په خپله خوښه بيرته خپل هيواد ته ستانه شوي دي. مقدونيه په ختيځې اروپا کې پروت هيواد دی.
د۲۰۱۷ کال په لمړيو شپږو مياشتو کې نژدې ۱۵۰۰ پاکستاني مهاجر په خپله خوښه بيرته خپل هيواد ته ستانه شوي دي، په داسې حال کې چې په ټول ۲۰۱۶ کال کې له دې څخه لږ يعنې ۱۲۷۸ تنه پاکستاني مهاجر خپل هيواد ته ستانه شوي ول. د تيرکال په پرتله سږنۍ شميره ډيره لوړه ده.
سينګالي مهاجرو هم د مهاجرت نړيوالې ادارې له AVRR پروګرام څخه ښه ګټه پورته کړې ده. یوازې د روان کال په لمړيو شپږو مياشتو کې د لويديځې افريقا دغه هيواد نژدې ۱۳۵۰ تنه اتباعو د ياد پروګرام له برکته د مهاجرت ژوند پريښی او په خپله خوښه بيرته خپل هيواد ته ستانه شوي دي.
د روان کال په لمړيو شپږو مياشتو کې نژدې ۱۳۰۰ اوکرايني مهاجر بيرته په خپله خوښه خپل هيواد ته ستانه شوي دي. اوکراين يو اروپايي هيواد دی چې روسيې سره په ګاونډ کې پروت دی. اوکراينيان د اکراين او روسيې ترمنځ د اړيکو د خرابيدو له امله اروپا ته مهاجر شوي دي.
روسي مهاجر هم د مهاجرت نړيوالې ادارې له AVRR پروګرام څخه ګټه پورته کوي. د روان کال په لمړيو شپږو مياشتو کې څه باندې ۱۱۵۰ تنه روسي مهاجر د دغه پروګرم په مرسته له اروپا څخه بيرته خپل هيواد ته ستانه شوي دي.
د المان د کورنیو چارو وزارت د د ریډکسیون نیټڅ ورک شبکې ته ویلي چې د ۲۰۲۲م کال د می راهیسې ۲۴۹۰ روسي اتباع او د ۲۰۲۱م کال له مارچ میاشتې راهیسې ۴۱۰ کسان له بلاروس څخه د المان حکومت د موقتي حفاظت پروګرام د ۲۲ مادې په اساس منل شوي دي.
د المان د کورنیو چارو وزارت یوه ویاند د المان د سوسیال دیموکرات ګوند او اتحادي ګوندونو ائتلاف هغې موافقې ته اشاره وکړه چې له مخې د امکان تر حده پورې په داوطلبانه شکل د المان د پناه غوښتونکو د منلو پروګرام د پای ته ورسولو غوښتنه شوې ده.
د ویاند په خبره اوسمهال یې پر عملي کولو غور کیږي. تر یوې پریکړې پورې ټولې اړوندې پروسې «د المان د سیاسي ګتو د ساتنې له پاره په بشپړه توګه ځنډول شوي دي.» په دې کې له روسیې او سپینې روسیې څخه افراد هم شامل دي.
د المان حکومت د پناه غوښتونکو د منلو پروګرام د پای ته رسولو په بحثونو کې، په ځانګړي توګه له افغانستان څخه د پناه غوښتونکو د راوستلو پروسې درول، د توجه په مرکز کې ځای لري.
ایا المان د مهاجرت له بحران سره مخ دی؟
This browser does not support the video element.
