د فرانسې خبري آژانس، د پاکستان د پوځ له قوله لیکلي دي چې د اورپکو قوماند حسن الیاس سجنا، د سه شنبې په ورځ (د ۲۰۲۱م کال د فبروري ۲۳مه) په یوه وسله واله نښته کې هغه مهال ووژل شو چې عسکرو د شمالي وزیرستان په میر علي کې پر یوه کلي باندې چاپه ووهله.
د پاکستان پوځ په یوه بیانیه کې ویلي دي: «حسن الیاس سجنا، تیره ورځ [د دوشنبې ورځ] په میرعلي کې د څلورو ښځو په وژلو کې ښکیل وو.»
په بیانه کې وړاندې راغلي دي چې «وژل شوی ترهګر د امنیتي ځواکونو او سوله ایزو ملکیانو پر ضد په ترهګریز فعالیتونو کې ښکیل پاتې شوی دی.» زیاته شوې ده چې دغه کس په لاس د جوړو شوو بمي چاودنو، د تاوان په موخه د خلکو د تښتولو، هدفي وژنو، شوکو او د ترهګرو په جذب کې هم لاس درلود.
څلور میرمنې چې د یوه غیر دولتي موسسې سره یې کار کاوه د دوشنبې په ورځ یې د دوو وسله والو له لوري پر موټر برید شوی وو.
چارواکو ويلي وو چې وژل شوو ښځو د سباوون په نوم يوې پاکستانۍ خیريه موسسې کې کار کاوه. د دغې موسسې په اړه ويل شوي دي چې دوی هغو ښځو ته د سوداګرۍ په برخه کې روزنې ورکوي چې په خپلو کورونو کې کار کوي او دغه راز هغوی ته د ښځو د حقونو په اړه پوهاوی هم ورکوي.
د پاکستان په شمال ختیځ کې په وروستیو کلونو کې د ځایي او بهرنیو اورپکو پر ضد پوځي عملیات هم ترسره شوي دي.
په ۲۰۱۴م کال کې د پاکستان پوځ په دې موخه عملیات پېل کړل، څو په شمالي وزیرستان کې د یاغیانو پاخه سنګرونه له منځه یوسي او د یوې لسیزي یاغیتوب ته د پای ټکی کیږدي، چې په زرونو انسانان پکې وژل شوي دي. خو پر دې سربیره اوس هم یاغیان پر دې توانیږي چې تیت او پرک بریدونه ترسره کړي.
وروستیو بریدونو چې پکې پر نورو سربیره امنیتي ځواکونه هم په نښخه کیږي د جهادي ډلو د بیا فعالیت په هکله اندیښنې راپورته کړي دي.
زموږ له آرشیف څخه:
په افغانستان کې مېشت د شمالي وزیرستان کډوال
د پاکستان پوځ څه د پاسه دوه کاله ترمخه په شمالي وزیرستان کې د وسله والو یاغیانو پر وړاندي د ضرب عضب، په نوم پوځي عملیات پېل کړل. د دغه عملیاتو له کبله په زرونو ځای کسانه بې کوره شول چې ځيني يې افغانستان ته کډوال شول.
انځور: DW/N. Matoonwalدغه مهاجر د خوست او پکتیکا ولایت په ولسوالیو کې له خلکو او همداشان په یوه کمپ کې اوسیږي.
انځور: DW/N. Matoonwalچارواکي خوست ته د کډه شوو دغو کسانو شمیر شا او خوا ۳۰ زره کورنۍ اټکلوي.
انځور: DW/N. Matoonwalیوازې د خوست په جنوب کې د گربز ولسوالۍ په گلان نومې کمپ کې لس زره کورنۍ اوسیږي.
انځور: DW/N. Matoonwalهمداشان د خوست په گاونډوي ولایت پکتیکا کې هم زرونو کورنۍ اوسیږي.
انځور: DW/N. Matoonwalد خوست او پکتیکا خلک له دغو بې ځایه شوو کسانو سره دواطلبانه مرستې کوي. دوی تش لاس دغو سیمو ته ورغلي او هر څه ترې په شمالي وزیرستان کې پاتې شوي.
انځور: DW/N. Matoonwalافغان چارواکو له دغو کسانو سره «تر خپل وسه بورې» مرستې کړي او هغوی ته د نړیوالو مرستو د راجلبولو په هڅه کې دي.
انځور: DW/N. Matoonwalاوس هم ډیر شمیر بې ځایه شوي کسان په دې گرمه هوا کې په خیمو کې ورځې شپې سبا کوي.
انځور: DW/N. Matoonwalپاکستان له دغو کډوالو څخه غوښتي چې بیرته خپل هیواد ته وروگرځي، خو هغوی وایي چې هلته هر څه وران دي، کورونه، بازارونه او باغونه یې نشته. بیرته له تلو څخه هم په ویره کې دي.
انځور: DW/N. Matoonwalځینې خلکو ځان ته اوس د خیمو پر ځای خټین کورونه جوړ کړي دي او په هغې کې مېشت دي.
انځور: DW/N. Matoonwalد خوست ځايي چارواکي وايي چې پاليسي يې دا ده، چې تر څو پورې دا کډوال وغواړي دلته پاتې شي، دوى ورته د اوسيدو اجازه ورکوي.
انځور: DW/N. Matoonwalپه پکتيکا ولايت کې هم له پنځو زرو زياتې کورنۍ د شمالي وزيرستان کډوال ميشت دي، چې د خلکو او چارواکو په وينا تر اوسه دلته په امن کې اوسيږي.
انځور: DW/N. Matoonwalپه عین وخت کې په پاکستان کې مېشتو افغان مهاجرو باندې فشار زیات شوې دی چې خپل وطن ته ستانه شي. په دې ترڅ کې د افغانستان د کډوالو او بیا راستنیدو چارو وزارت او په پیښور کې افغان قونسلگرۍ د «خپل وطن گل وطن» په نوم هم یو کمپاین پیل کړې، څو کډوال په خپله خوښه وطن ته ولاړ شي.
انځور: DW/N. Matoonwal