د پاکستان پوليسو ويلي دي چې د جمعې په ورځ (۲۰۲۱م کال د می ۲۱) رامنځته شوې دې پېښه کې يو شمير کسان ټپيان شوي هم دي. د پوليسو سيمه ایز مشر خان محمد د آلمان خبري آژانس ته وويل چې چاودنه د افغانستان پولې ته په څېرمه پراته ښار ګوټي چمن کې شوې ده.
خان محمد زياته کړې چې ظاهراً د بمي بريد هدف د جميعت علماء اسلام نظرياتي بلوچستان ایالتي مشر مولانا عبدالقادر لوڼی وو. نوموړی په سيمه کې ډېر نفوذ لرونکی بلل کیږي.
د روغتون د يوه کارکوونکي عثمان احمد په حواله په دې چاودنه کې نوموړی عالم سخت ټپي شوی دی د چمن سيمه ایز روعتون ته انتقال شوی دی.
هغه زياته کړه چې دولس کسان نور هم روغتون ته ور وړل شوي دي.
د چمن مظاهره په ټول پاکستان کې د جمعې په ورځ د اسرائيلو د غندنې په موخه د جوړو شويو ډېرو مظاهرو څخه يوه وه.
تر اوسه د بمي بريد د نوعيت په اړه نور معلومات نه شته، خو پلټنې دوام لري او د يوه موټرسايکل ټوټې ارزول کيږي چې ښايي په چادونه کې ترې کار اخيستل شوی وي.
تر اوسه هیڅ کومې ډلې د بريد پړه نه ده منلې، خو طالبان او د داعش تندلارې ډله په دغه سيمه کې هم ديني عالمان او هم مسجدونه په نښه کوي.
پاکستاني طالبانو هم له افغانستان څخه د امريکایي ځواکونو د ايستلو نېټې تر اعلان وروسته زور زياتی ډېر کړی دی.
ب. ص/ ن. ز (DPA)
زموږ له آرشيف څخه:
د کویټې چاودنه؛ هر خوا ته مړي، وینه او اوښکې
د پاکستان په کویټه کې یوې چاودنې ۷۰ تنه ووژل او ۱۲۰ تنه نور یې ټپیان کړل. چاودنه د یوه روغتون مخې ته وشوه. د برید پړه د داعش او جماعت الاحرار ډلو پر غاړه اخیستې. انځور: Getty Images/AFP/B. Khan د چاودنې په پایله کې د وژل شویو کسانو په ډله کې ډیر شمیر وکیلان هم شامل دي. د پیښې د قربانیان خپلوان د روغتون مخې ته راټول شوي دي.
انځور: Getty Images/AFP/B. Khan د برید پړه د داعش ډلې منلې ده. خو تر دې ډلې څو ساعته مخکې په پاکستان کې فعالې بلې ترهګرې ډلې جماعت الاحرار هم د دغه برید مسوولیت منلی وو.
انځور: Getty Images/AFP/B. Khan د پاکستان لومړي وزیر نواز شریف دغه برید په کلکو ټکو غندلې ده او ویلي یې دي چې د وکیلانو او خبریالانو د ساتنې له پاره دې ژر تر ژره امنیتي تدابیر زیات کړل شي.
انځور: Reuters/Naseer Ahmed د بلوچستان د کورنیو چارو ایالتي وزیر سرفراز بګتی، تر چاودنې وروسته خبریالانو ته وویل چې په دغه برید کې د وکیلانو او په نښه کولو هڅې شوې ده.
انځور: Getty Images/AFP/B. Khan تر دغې وژونکې چاودنې وروسته د کویټې په ټولو روغتونو کې بیړنۍ حالت اعلان شو. د چاودنې له کبله رامنځ ته شوې مرګژوبله ډیره لوړه ده.
انځور: Reuters/N. Ahmed پولیسو ویلي دي چې چاودنه هغه وخت رامنځ ته شوه چې د کویټې سول روغتون مخې ته ډیر شمیر وکیلان د همدې ورځې په پیل کې د یوه بل وکل د وژل کیدو پر ضد اعتراض په توګه راټول شوي وو.
انځور: Getty Images/AFP/B. Khan چاودنې ۷۰ تنه وژلي چې په ډیر شمیر وکیلان هم شامل دي. چاودنې ۱۲۰ تنه نور ټپیان کړي هم دي.
انځور: Getty Images/AFP/B. Khan تر چاودنې وروسته امنیتي ځواکونه سیمې ته ورسیدل. لومړنۍ څیړنې ښيي چې انفجار د یوه ځانمرګي برید له کبله رامنځ ته شوی دی.
انځور: Getty Images/AFP/B. Khan
