د پاکستان محکمې د عمران خان د نیولو عمليات ځنډولي دي
۱۴۰۱ اسفند ۲۵, پنجشنبه![د پاکستان پخوانی ولسمشر عمران خان د لاهور په زمان پارک سيمه کې](https://static.dw.com/image/65003664_800.webp)
د پاکستان د تحريک انصاف ګوند مشر عمران خان مشاور فواد چوهدري وويل چې د لاهور عالي محکمې د خان د نيولو عمليات تر جمعې ورځې پورې وځنډول. د پنجاب ايالت د اطلاعاتو وزير عامر مير هم د محکمې دغه امر تائيد کړی دی.
زموږ د فيسبوک پاڼه هم درسره تعقيب کړئ
د چهار شنبې او پنجشنبې په ورځو د عمران خان په لسونو پلويانو چې کوتکونه او لېندې ورسره وې، د نوموړي کور کلابند کړی وو څو یې د پوليسو له خوا د نيول کيدو مخه ونيوله شي.
عمران خان د صدراعظمۍ په خپله دوره کې د دولتي ډاليو په غير قانوني توګه پلورولو په تړاو قضيه کې بايد محکمې ته حاضر شوی وای. خو نوموړی دا تورونه ردوي او وايي چې د امنیتي دلایلو پر اساس محکمې ته نه حاضريږي.
اړونده موضوع: عمران خان: «زما نيول نه، بلکې زما تښتول او وژل یې هدف دی»
له همدې کبله محکمې د هغه د نيولو امر کړی وو چې همدا څه له سه شنبې ورځې راهېسې د لاهور په زمان پارک سيمه کې چېرې عمران اوسي، د پوليسو او د نوموړي د پلويانو ترمنځ د اخ و ډب باعث شول.
په ټولنیزو رسنيو کې په خپرو شويو ويديوګانو کې عمران خان په داسې حال کې چې د ګاز ضد ماسک يې اغوستی دی، د خپلو پلويان تر منځ ليدل کیږي.
ب. ص/ ن. ز Reuters))
زموږ له آرشيف څخه: