پاکستان امريکا ته د تگ منتظر افغانان له اخراجه مستثنی کړي
۱۴۰۲ آبان ۱۴, یکشنبه
د پاکستان حکومت خپلو چارواکو ته امر کړی دی چې هغه افغانان نه ونيسي چې انتظار کيږي د امريکا متحده ايالاتو ته به انتقال شي. پاکستان غواړي په سلونو زره افغانان اخراج کړي.
افغانان له پاکستان څخه خپل هيواد ته ستنيږيانځور: Farooq Naeem/AFP/Getty Images
اعلان
د اسلام آباد له لوري پر سند نه لرونکو افغانانو د وتلو د ږغ کولو راهيسې تر ۱۸۰ زرو څخه زيات افغانان له پاکستان څخه افغانستان ته واپس تللي دي. ياد عدد سرحد ساتونکو چارواکو وړاندې کړی دی. د پاکستان حکومت و ټولو هغو کسانو ته چې په پاکستان کې د پاته کېدو لپاره اړين اسناد نه لري امر کړی و چې د نوامبر تر لومړۍ نېټي دي له پاکستان څخه ووځي. د دا ډول افغانانو شمېر ۱،۷ مليون اټکل شوی دی.
له دې مخکې د بشري حقونو د څار سازمان خبرداری ورکړی و چې هغه افغانان چې د امريکا متحده ايالاتو، بريتانيې، آلمان يا کاناډا ته د لېږدول کېدو په انتظار دې، د اخراج د خطر سره مخامخ دي. د ياد سازمان په وينا دا ځکه چې د دغو کسانو د پاکستان د ويزو ميعاد پای ته رسېدلی دی. دغه افغانان په افغانستان کې د طالبانو د پر واک راتلو وروسته پاکستان ته راغلي ول.
يو شمېر لوېديځوهيوادونو لا د هغو افغانانو د راوستلو پروسه نه ده بشپړه کړې، کوم چې د طالبانو د پر واک راتلو وروسته د خپلو کورنيو سره پاکستان ته تللي ول. د افغانانو زيات شمېر دغه کورنۍ په پاکستان کې په دې انتظار دي چې و لوېديځو هيوادونو ته د تلو پروسه يې بشپړه شي. خو هغوی د ناڅرگند برخليک سره مخامخ دي.
اعلان
۱۱۵۰ افغانان امريکا ته د تگ په انتظار
د پاکستان د کورنيو چارو د وزارت په يو ليک کي راغلي: »د امريکا د سفارت په وينا ۱۱۵۰ افغان اتباع د امریکا د متحده ايالاتو له خوا سپانسر شوي د منل کېدنې په پروگرام کې داخل دي.« د نوامبر مياشتې په دويمه نېټه ليکل شوي دغه خط يو نقل د فرانس پرېس خبري آژانس لخوا هم کتل شوی دی.
د طالبانو له واکمنۍ راهیسې د ځينو رسنيو تړل کېدو، امنیتي ننګونو او پر رسنیو د محدودیتونو له امله ځینو ژورنالیستانو افغانستان پرېښود او اوس په ګاونډیو هیوادونو لکه ایران او پاکستان کې له نامعلوم برخلیک سره مخامخ دي.
انځور: Z. F.
د تخلیې په تمه د انتظار سختې شیبې
اغلې پوپلزۍ وايي چې «ما خپل کیس ډېرو سفارتونو ته ولېږو، ځينو یې ځواب را نه کړ او ډېرو زما له خوا د پناه غوښتنې وړاندیز رد کړی.» پر افغانستان د طالبانو تر بیا حاکمیت وروسته ډېر خبریالان بهرنیو هیوادونو ته د تخلیې په تمه ایران او پاکستان ته تللي دي. د دوی زیاتره د نامعلوم برخلیک په هکله شکایت لري.
اغلې پوپلزۍ وايي، تراوسه هیڅ نړیوالې ادارې مالي مرسته نه ده ورسره کړې او له تیرو نهه میاشتې راهیسې يې مصارف به بهر کې مېشت مشر ورور ورکوي. خو پاکستان ته په تللو افغان خبریالانو کې بیا ډېر نور داسې هم شته چې، مالي لګښتونه يې خپل دي او له بې سرنوشتۍ ځورېږي.
انځور: Z. F.
مهاجرت او اقتصادي ستونزې
افغان خبریال شریف شګېوال نهه میاشتې کیږي چې په پاکستان کې ژوند کوي او په دغه هیواد کې له اقتصادي ستونزو شکایت کوي: «زما دوسیه د بېپولې خبریالانو له ټولنې سره ثبت ده، په لومړي سر کې يې رد ځواب راکړی و، خو ترهغې وروسته چې مې جزییات ورسره شریک کړل، تېره اوونۍ يې مثبت ځواب و.»
افغان ویډیو ژونالیست او اېډيټر رمان پناه وايي چې هر ځای یې دوسیې رد شوي. رمان زیاتوي: «هغه راپورونه چې ما جوړ کړي، یادونه پکې نه شوې چې ايډيت يې ما کړی، نو چې هر ادرس ته چې خپله دوسیه لېږم، زما د ژورنالیستک کار بېلګه غواړي، څو زما کار ورته ثابت شي، همدا لامل دی چې هر ځای مې دوسیه رد کېږي.»
انځور: Z. F.
د خبریالانو د ستونزو اوریدو له پاره اقدام
په اسلام اباد کې یو شمېر افغان خبریالانو د ''Afghan Journalists at Risk'' په نوم حرکت رامنځ ته کړی، څو د تخليې په تمه پاکستان ته د تللو افغان خبریالانو له پاره لابي وکړي. د دغه حرکت د رهبرۍ بورډ غړی عبدالله همیم مني چې تراوسه يې کومه مثبته پایله نه ده ترلاسه کړې خو هڅې به دوامداره ساتي.
انځور: Z. F.
په خپله لاس په کار کیدل
دغه حرکت، پاکستان ته تللي شاوخوا ۲۰۰ افغان خبریالان لیست کړي، خو وايي، دا شمېر ښايي تر دې هم ډېر وي. د افغانستان د خپلواکو ژورنالیستانو ټولنې رئیس حجت الله مجددی وايي، په تېر یوه کال کې له ۷۰۰ تر ۱۰۰۰ پورې رسنيزو کاروونکو هيواد پرېښی، چې ځینې يې لا هم په ګاونډيو هېوادونو کې بې سرنوشته پاتې دي.