دغه منع کړای شوې ډله په سیمه کې وسله وال بریدونه کوي او د پاکستان له امنیتي ځواکونو سره په جګړه کې دي.
د چین او پاکستان تر منځ د میلیاردونو ډالرو په ارزښت جوړیدونکي د اقتصادي کوریدور پر څو پروژو کار روان دی. د دغو پروژو په ترڅ کې د انرژۍ، سړک جوړونې او کرهڼې یو شمیر پروژې تر لاس لاندې دي.
د اګست میاشتې په ۱۴ نیټه د چنایي انجینرانو پر موټرو برید کې چې لس تنه چینایي کارګر او دری تنه پاکستانیان په کې وژل شوي و. د پاکستان د بهرنیو چارو وزیر شاه محمود قریشي د هند او افغانستان استخباراتي ادارې په دې برید کې په لاس درلودلو تورن کړي و.
شاه محمود قریشي ویلي وو چې د «داسو» سیمې برید کې استعمال شوی له چاودیدونکو توکو ډک موټر له افغانستان څخه پاکستان ته راوړل شوی و.
خو دوه ورځې ورسته بیا د هند د بهرنیو چارو وزارت د پاکستان دغه تورونه رد کړي ول. پاکستان پر هند تور لګوي چې په بلوچستان کې له دغو منع کړای شویو ډلو سره مالي مرستې کوي.
هند مخکې تر دې هم په دې دلیل د سي پیک د پروژې مخالفت کړی و، چې ګواکې د دغې پروژې ځینې سیمې د پاکستان تر کنترول لاندې شخړیزو سیمو څخه تیریږي.
آژانسونه: ش.ن/ ا.و.ا
په بلوچستان کې هزاره لږکۍ: ویره، حوصله او پر ځان باور
هغه هزاره ګان چې د پاکستان په بلوچستان ایالت کې ژوند کوي، د ترهګرو د بریدونو له ویرې مجبوره دي ځانونه د لوړو دیوالونو تر شا پټ کړي. خو سربیره پر دې د دې اقلیت پورې اړوندې ټولنې خپل دود دستور او کلتور ساتلی دی.
