په پاکستان کې منتظر هغه افغانان چې د المان حکومت له افغانستان څخه پاکستان ته انتقال کړي، یو شمېر یې پولیسو نیولي او بېرته یې افغانستان ته اخراج کړي دي. ځينې کورنۍ یې بیا تر څو ورځې بند وروسته د المان حکومت په غوښتنه بېرته خوشې کړې دي، خو دغه کورنۍ وايي، لاهم په وېره کې ژوند کوي. هملته یو شمېر داسې کورنۍ هم شته چې وايي، د المان حکومت له وطنه پاکستان ورغوښتي، خو اوس یې هیچا هم پوښتنه نه ده کړې.