په پاکستان کې د نظامي لګښتونو په اړه په ولسي کچه مختلف ډول بحثونه او خبرې کیږي چې د پاکستان د مجموعي بودیجې تر ټولو ډېره برخه شاید د هیواد پر پوځ لګول کیږي. پاکستان چې په دې وروستیو کې له سخت اقتصادي ستونزو سره لاس او ګریوان دی، دغو بحثونو پکې لا زیات زور اخیستی دی.
د نړیوال بانک له خوا د «نړیوال پراختیایي شاخص» تر عنوان لاندې یوه سروې ترسره شوې چې په هغې کې د نړۍ په ټولو هیوادونو کې پر پوځ د مصرف کیدونکي پيسو او د دغو هیوادونو د ملي ناخالص تولید په هکله معلومات خپاره شوي دي.
د دغې سروې په راپور کې چې د ۲۰۲۴م کال په سپټمبر کې خپور شو، د پاکستان په ملي ناخالص تولید کې د کلنۍ پوځي بودیجې کچه هم ښودل شوې ده.
له ۲۰۱۲م کال څخه تر ۲۰۲۲ پورې د دغه رپوټ پر اساس په ۲۰۲۲م کال کې د پاکستان پوځي لګښتونه د ملي ناخالص تولید ۲،۶۳ سلنه وو. یعنې په ۲۰۲۲م کال کې دغه کچه له ۲۰۱۲ څخه وروسته تر ټولو د ټيټې کچې مصارف وو. په ۲۰۲۱م کال کې دغه مصارف د جي ډي پي ۲،۸۷ سلنه برخه وه.
کوم هيواد تر ټولو زیات وسله وال ځواک لري؟ ـ دلته يې وپېژنئ
زيات عسکر د يوه هيواد د پوځ د پياوړتيا نخښه نه وي، ځکه چي نظامي تجهيزات او نور لاملونه هم مهم وي. خو بیا هم د عسکرو شمېر د پوځ د پياوړتيا مهم عنصر وي. د عسکرو د شمېر له مخي د نړۍ تر ټولو لوی پوځونه دلته وپېژنئ: انځور: Getty Images/AFP/I. Mukherjee د نړيوال بانک د ۲۰۱۵م کال د راپور له مخي د جنوبي کوريا د عسکرو شمېر ۶۳۴ زره تنو ته رسيږي. د ستراتيژيکو څېړنو د نړيوال انسټيټيوټ (IISS) د راپور پر اساس دغه هيواد هرکال ۳۴ ميليارده ډالره پر دفاعي چارو لګوي. دغه هيواد نه يوازي د عسکرو د شمېر، بلکي د دفاعي بودجې د زياتوالي په فهرست کي هم په نړۍ کي لسم ځای لري.
انځور: Reuters/Yonhap/S. Myung-Gon د اندونيزيا د پوځ، نيمه پوځي عسکرو او نورو ټولو دفاعي ادارو د فعالو وسله والو شمېر تقريبا ۶۷۵ زره دی.
انځور: Getty Images/AFP/R.Gacad د برازيل د عسکرو شمېر ۷۳۰ زره او په دې توګه په نړۍ کي ۸ م لوی پوځ دی. خو د (IISS) د فهرست له مخي د دغه پوخ مقام په نړيواله توګه پنځلسم دی. د دغه فهرست له مخي د برازيل دفاعي کلنۍ بودجه تقريبا ۲۳ ميليارده ډالره ده چي په نړۍ کي دولسم ځای لري.
انځور: Reuters/R. Moraes د نړيوال بانک د شمېرو له مخي د مصر د پوځ د فعالو عسکرو شمېر تقريبا ۸۳۵ زره او په دې توګه د نړۍ ۷ ستر پوځ دی. خو د (IISS) د شمېرو له مخي د دغه هيواد د عسکرو شمېر د نړۍ لسم لوی د عسکرو شمېر دی.
انځور: Getty Images/AFP/F. Nureldine د پاکستان پوځ د عسکرو د شمېر له مخي د نړۍ شپږم لوی پوځ دی. د نړيوال بانک د راپور له مخي د پاکستان د پوځيانو، نيمه پوځيانو او د نورو امنيتي ادارو د فعالو وسله والو شمېر چي په سمدلاسه توګه د هيواد دفاع ته حاضر دی، تقريبا ۹۳۵ زرو ته رسيږي. د (IISS) د شمېرو له مخي د دغه هيواد عسکرو شمېر تر۶۰۰ زرو لږ زيات دی.
انځور: Getty Images/AFP/SS Mirza ۵ مقام ـ امریکا متحد ايالات د (IISS) د راپور پر اساس امريکا متحد ايالات ۶۰۵ ميليارد ډالره کلنۍ دفاعي بوديجه لري چي د نړۍ په تر ټولو لويو دفاعي بوديجو کي شمېرل کيږي. خو د دغه هيواد د عسکرو شمېر تقريبا ۱۳سوه زره دی او په دې توګه په نړۍ کي پنځم لوی پوځ دی.
انځور: picture-alliance/dpa/B. Roessler د شمالي کوريا د فعالو پوځيانو ټول شمېر تر ۱۳ سوه زره اوړي او په دې توګه پر څلورم مقام دی.
انځور: picture-alliance/AP Photo/Wong Maye-E د روسيې فيدارسيون د وسله والو پوځيانو شمېر د نړيوال بانک د راپور له مخي تقريبا ۱،۵ ميليونه دی. خو په ۲۰۱۷م کال کي د ستراتيژيکو څېړنو د نړيوال انسټيټيوټ په خپاره سوي راپور کي د روسيې د فعالو وسله والو سرتيرو شمېر تقريبا ۸۵۰ زره ياد سوی دی. د دغه راپور له مخي روسيه هر کال تقريبا۶۰ ميليارده ډالره دفاعي بودجه لري چي په نړۍ کي دريمه لويه دفاعي بودجه ده.
انځور: Reuters/S. Karpukhin د هند دفاع ته دمګړی چمتو د نيمه پوځيانو، عسکرو او نورو ټولو امنيتي ادارو د وسله والو ځواکونو شمېر تقريبا ۲،۸ ميليونو ته رسيږي. د دغه هيواد کلنۍ دفاعي بودجه ۵۱ ميليارد ډالره ده چي په دې لحاظ د نړۍ شپږم نمبر تر ټولو لويه دفاعي بودجه ده.
انځور: Reuters د «خلکو د آزادۍ پوځ» په نوم د چين پوځ په ۱۹۲۷م کال کي رامنځ ته کړل سو. د نړيوال بانک د ۲۰۱۵م کال د يوه راپور پر اساس د چين پوځ د عسکرو شمېر تر ۲،۸ ميليونو زيات دی. د ستراتيژيکو څېړنو د نړيوال انسټيټيوټ (IISS) د معلوماتو پر اساس چين هرکال پر خپل پوځ ۱۴۵ ميليارد ډالره مصرفوي چي دا د بل هر هيواد تر نظامي بودجې ډېر دی.
انځور: Reuters/Xinhua
د Stista په نوم د سوداګریزو معلوماتو پلیټفارم په وسیله د را ټولو شوو شمیرو له مخې له پوځي لګښتونو څخه هدف د یوه هیواد پر وسله والو ځواکونو د مصرفیدونکو پیسو مجموعه ده، په کوم کې چې د امنیت د ټينګښت له پاره دفاعي فعالیتونه یا عملیات هم شامل دي.
دا بیا د هیواد د مجموعي ملي ناخالص عاید له تناسب سره وړاندې کیږي. خو باید په یاد ولرو چې دغه تناسب د حکومت د ټولو لګښتونو، یعنې د هیواد له بودیجې سره یوځای نه دی.
د دغو شمیرو په هغه لسیزه کې چې په ۲۰۲۲ کال کې بشپړه شوه، د ۲۰۱۴م کال پوځي لګښتونه د ملي ناخالص تولید په تر ټولو لوړه کچه کې ول او دغه کچه ۳،۴۹ سلنه وه.
تر دې مخکې دوو کلونو یعنې په ۲۰۱۲ او ۲۰۱۳ کلونو کې دغه مصارف د جي ډي پي ۳،۴۸ سلنه وه. په ۲۰۱۵ او ۲۰۱۶ کلونو کې بیا پکې کمښت راغلی او تر ۳ سلنه کمه وه، خو په ۲۰۱۷ کال کې پکې یو وار بیا زیاتوالی رامنځته شو او په راتلونکو څلورو کلونو، یعنې ۲۰۲۰ پورې کلنۍ کچه یې تر ۳ سلنه پورته پاتې شوې وه.
د سټیسټا په حواله کله چې د نړیوالو شمیرو پرتلنه کیږي، یوه بله خبره هم باید په پام کې ونیول شي چې ځنې وختونه دغه شمیر تغیر کوي، دا په دې خبرې پورې هم اړه لري چې کوم هیوادونه کوم شیان یا مصارف په پوځي لګښتونو کې شاملوي.
آژانسونه: ش.ن/ ن.ز
زموږ له آرشيف څخه:
This browser does not support the video element.
