د دغو درو هیوادونو پاسپورت لرونکي کولی شي، بې له کومې مخکینۍ ویزې ۱۸۱ هیوادونو ته سفر وکړي.

دوه اروپايي هيوادونه سلواکيا او ليتوانيا لسم ځای لري او پاسپورټ لرونکي يې ۱۸۲ هيوادونو ته بې له مخکنۍ ويزې سفر کولای شي.

د هنګري او پولنډ هیوادونو وګړي، ۱۸۳ هيوادونو ته بې له مخکنۍ ويزې سفر کولای شي.

د آسترالیا، کاناډا، چک جمهوریت، یونان او مالتا هیوادونو پاسپورټ لرونکي کولای شي چې ۱۸۵ هيوادونو ته بې له دې چي مخکې له مخکې يې ويزه ولري سفر کولای شي.

د غو شپږو بیلجیم، نیوزیلنډ، ناروې، سویس، بریتانیا او امریکا متحده ایالات په ګډه اووم مقام خپل کړی دی او پاسپورت لرونکي يې بې له مخکنۍ ويزې ۱۸۶ هيوادونو ته سفر کولای شي.

آیرلنډ او پورتګال بیا په دغه نوملړ کې پنځم ځای لري او اتباع یې کولی شي پرته له کومې مخکینۍ ویزې ۱۸۷ هیوادونو ته سفر وکړي.

د دغو پنځو هيوادونو تابعيت او پاسپورت لرونکي کولای شي چې ۱۸۸ هيوادونو ته بې له ويزې سفر وکړي. تر دې دمخه کال کې فرانسې او سویس ۶ مقام درلود.

دغه څلور هیوادونه فنلنډ، ایټالیا، لوګزامبورګ، او هسپانیا بیا د سږني شاخص په لومړۍ ربع کې دریم مقام لري او اتباع یې ۱۸۹ هیوادونو ته کولی شي بې له ویزې سفر وکړي.

سويلي کوريا او آلمان د اعتبار لرلو له مخې د قوي پاسپورتونو په دغه سيالي کي دويم مقام خپل کړی او وګړي يې ۱۹۰ هيوادونو ته بې له مخکینۍ ویزې سفر کولای شي. تر دې دمخه آلمان په دغه نوملړ کې دریم ځای درلود.

جاپانيان کولای شي چې ۱۹۲ هيوادونو ته بې له مخکنۍ ويزې سفر وکړي. جاپان تیر ځل هم په دغه مقام وو او دا ځل سنګاپور له دوهم مقام څخه د جاپان ترڅنګ لومړی ځای خپل کړی دی. جاپان د نړۍ له اکثرو هيوادونو سره ښې اړيکي لري او له دې کبله يې وګړو ته حتی بې له ويزې په اکثرو هيوادونو کې ښه راغلاست ويل کيږي.

د دغو درو هیوادونو اتباع د نړۍ ۵۹ هيوادونو ته بې له ويزې سفر کولای شي، خو تر دې دمخه کال کې هند په دغه نوملړ کې ۹۰ مقام درلود.

د دغو درو هیوادونو وګړي و ۴۲ هيوادونو ته بې له مخکنۍ ويزې سفر کولای شي.

د پاکستان وګړي ۳۱ هيوادونو ته بې ويزې سفر کولای شي او په دې توګه د دغه هيواد پاسپورت هم په دغه نوملړ کې د وروستیو څلورو هیوادونو په ډله کې دی.

د دغې ارزونې له مخي د افغانستان پاسپورټ د نړۍ تر ټولو کمزوری پاسپورټ دی چې پرې يوازې ۲۶ هيوادونو ته بې له مخکنۍ ويزې سفر کيدلای شي. خو په افغانستان کې لا هم د تیر حکومت پاسپورتونه ویشل کیږي. تر افغانستان دمخه په ترتیب سره عراق او سوریه دي.