ټاکل شوې ده چې اوکراين او روسيې راتلونکې اونۍ مستقمې خبرې اترې پیل کړي. دغه خبرې اترې د لومړي ځل له پاره په متحده ایالاتو کې ترسره کیږي او د درې اړخیزو خبرو اترو بڼه به ولري.
د اوکراین ولسمشر ولادیمیر زیلنسکي خبرداری ورکړی دی چې د روسیې او امریکا ترمنځ دوه اړخیزې خبرې اترې ممکن د دوو هیوادونو ترمنځ د یوې سترې موافقې له پاره د جیو پولیتیک ارزښت لرونکی چوکاټ وي چې کېدلی شي د اوکراین په ضرر تمام شي.
زیلنسکي د خپلو استخباراتي سرچینو په حواله ویلي دي چې امریکا او روسیه د ۱۲ تریلیونه ډالرو په ارزښت د اقتصادي موافقتنامو مجموعې د طرحې جوړولو په حال کې دي.
نوموړي په یوه خبري غونډه کې وویل چې د هغې متن د شنبې (د فیبرورۍ میاشتې ۷ نیټه) په ورځ خپور شوی دی. زیلنسکې د موافقتنامو دغه مجموعه د «دیمیتریف بسته» وبلله چې کیریل دیمیتریف ته اشاره کوي، کوم چې د روسیې د ملي شتمنۍ د صندوق مشر او له اوکراین سره په مذاکراتو کې د ولادیمیر پوتین استازی دی.
نوموړي وویل چې د دې موافقتنامې جزویات لا تر اوسه پورې اوکراین ته روښانه شوي نه دي، خو کیف په دې هکله د معلوماتو د را ټولولو په حال کې دی.
د اوکراین جګړه کې تر ۶۰ کلونو زاړه اوکرایني سرتیري
This browser does not support the video element.
د امریکا متحده ایالاتو ولسمشر دونالد ترمپ مخکې تر دې د بندیزونو د کمولو امکان او له روسیې سره یو ځل بیا د اقتصادي همکاریو پيلولو ته، د جګړې بندولو ته د مسکو د تشویقولو وسیلې په توګه یادونه کړې وه.
په هر حال، پوتین ټینګار کړی دی چې روسیه به په هر ممکن شکل خپلې موخې ترلاسه کوي.
د «واشنګټن پوسټ» د رپوټ پر بنسټ دیمیتریف د امریکا له ځانګړي استازي ستیو ویتکاف او د ترمپ له زوم جرد کوشنر سره په ګډه د سولې یوه ۱۸ ماده یي طرحه جوړه کړې ده.
د دې رپوټ پر بنسټ په دې طرحه کې، په تدریجي ډول پر روسیې د بندیزونو کمول او د روسیې او اوکراین ترمنځ د اوږدمهاله اقتصادي پراختیا پروژو رامنځته کول شامل دي.
زیلنسکي بیا د روسیې پر وړاندې د بندیزونو د دوام او زیاتولو غوښتنه کوي او استدلال کوي چې د بندیزونو دوام به د دې سبب شي چې د روسیې د مالي سرچینو او د لویدیځ ټکنالوژۍ ته د دې هیواد د لاس رسي[ چې په جګړه کې ترې استفاده کوي] مخه ونیول شي.
زیلنسکي یو وار بیا ټینګار وکړ چې هیواد به یې د هیڅ داسې موافقې ملاتړ ونه کړي چې پرته د کیف له رضایت څخه یې صورت نیولی وي، حتی که دغه موافقتنامې «بالقوه» هم وي.
واشنګټن او مسکو تر اوسه پورې په مشخص ډول د دې احتمالي موافقې [له یاد شوو مالي ابعادو سره] په هکله څه نه دي ویلي. په هغو مذاکراتو کې چې تر اوسه پورې د اوکراین د جکړې بندولو په هکله شوي دي، تل په کې پر اقتصادي اړخونو بحث شوی دی.
په راتلونکي کې د زاپوریژیا د اټومي انرژۍ بټۍ مدیریت او همدارنګه د اوکراین د طبیعي ګازو منابع او د هغوي انتقالول، که هغه د روسیې له خوا د اشغال شوو ځمکو له لارې وي او که د اوسنۍ لومړۍ کرښې ته نزدې سیمو له لارې وي، اوسمهال له اختلافي موضوعاتو څخه ګڼل کیږي.
مسکو کې پوځي پریټ؛ پوتین وايي په اوکراین کې بریا د مسکو ده
د مسکو په سره ميدان کې پر نازي آلمان باندې د بريا د ۸۰يمې کلیزې په مناسبت رسم ګذشت ترسره شوه. پوتين، په دې ترڅ کې په اوکراين کې د مسکو د بريا خبره وکړه. د دغه پوځي پريټ نور جزيات د انځورونو په دې ګالري کې کتلی شئ:
انځور: van Sekretarev/Host agency RIA Novosti/Handout/REUTERSد دويمې نړيوالې جګړې يادون او سياسي او اديالوژيکي اهداف
د می نهه نیټه چې هر کال د روسي کورنيو له لوري د «بريا د ورځې» په توګه د شخصي یادونو سره لمانځل کيږي، خو حکومت تل هڅه کوي چې دا ورځ د خپلو سياسي موخو له پاره وکاروي. دا څرګندونې په خټه روسی کارپوه اليکس يوسپوف، وکړي. د روسیې ولسمشر ولاديمير پوتين، د جمعې په ورځ د می ۹مه د مسکو په سره مېدان کې د پوځي پریټ پر مهال پر اوکراين د بريا خبره وکړه.
د يو شمیر کارپوهانو په آند پوتين، هڅه کوي چې دا پريټ تر ډېره بريده «نړيوال ښکاره» کړي او نړيوال مشران به هم دلته د دغه بريا د لمانځلو په موخه راځي. خو پوتين هڅه کوي د هغوی له حضوره څخه د يوه ابراز په توګه ګټه پورته کړي. په دې انځور کې له پوتین سره له پوځي پريټ څخه د کتنې پر مهال د هغه نژدې متحدینو له هغې جملې څخه ېې چینايي سیال شی جین پینګ، هم حضور درلود
په انځور کې د رهبرانو په ډله کې د چین ولسمشر شي جین پينګ، د تاجیکستان ولسمشر امامعلی رحمانوف، او د سلواکیا صدراعظم رابرت فیتسو، هم لیدل کیږي.
پوتین له خپلو کلیدي متحدینو سره په دوهمه نړېواله جګړه کې د نازي آلمان پر ضد د پخواني شوروي اتحاد د بریا ۸۰مه کلیزه لمانځي. له کيڼ څخه ښي پر لور: د روسیې ولسمشر ولادیمیر پوتین، د چین ولسمشر شي جین پینګ، د قزاقستان ولسمشر صدر جباروف، د قزاقستان ولسمشر قاسم جومارت توقایف، د بلاروس ولسمشر، الکساندر لوکاشینکو او د ارمنستان صدراعظم نیکول پاشینیان.
مخکې له دې چې په پریټ کې زغروال وسایط او ټانکونه وښودل شي، روسي عسکر ځانګړي پوځي مراسم ادا کوي
په دغه انځور کې د روسي فوینیکس زغروال جنګي موټر او د لنزا په نوم زغروال امبولانس لیدل کیږي چې د مسکو په سره مېدان کې د پوځي پریټ پر مهال تېریږي.
رپوټونه وايي د مسکو په پوځي پريټ کې هغه ماډل ډرونونه او ټانګونه وښودل شول چې په اوکراین جګړه کې کارول شوي دي.
د مسکو سور میدان، پياده ځواکونه
په مسکو کې د ۲۰۲۵م کال د می میاشتې په ۹مه د نازي آلمان پر وړاندې د پخواني شوروي اتحاد د بریا په مناسب پوځي پریټ. په دغه انځور کې د مختلفو پوځي واحدونو ځواکونه لیدل کيږي.
په دغه انځور کې د روسي عسکر د می نهمې پوځي پریټ پر مهال د لوژ له مخې د تېرېدو په حال کې لیدل کيږي
روسیه معمولا خپل د پوځي پريټ مراسم د مسکو په سره میدان کې ترسره کوي. روسیه په دا ډول سترو پوځي مراسمو کې خپل پوځي قوت هم نندارې ته وړاندې کوي.
روسیه په پوځي پریټ کې خپل ډول ډول توغندي هم ښيي. د آرشیف په دغه انځور کې د روسي اس-۴۰۰ ترویمف ډوله له ځمکې څخه هوا ته ويشتونکي توغندي ښودل کيږي
د بلاروس ولسمشر، الکساندر لوکاشینکو
د بلاروس ولسمشر، الکساندر لوکاشینکو چې د پوتین له نژدې متحدینو څخه دی، د می په ۹مه له پوتین سره د روغبړ پر مهال
د مصر ولسمشر، عبدالفتاح السیسي
دوهمه نړېواله جګړه کې د نازي آلمان پر وړاندې د پخواني شوروي اتحاد د بریا ۸۰مې کلیزه؛ د مصر ولسمشر، عبدالفتاح السیسي هم په دغه مناسبت د می میاشتې په ۹مه په مسکو کې له پوتین سره وليدل.
د سربیا ولسمشر الکساندر ووچیچ
د سربیا ولسمشر، الکساندر ووچیچ هم مسکو ته ورغلی. هغه په سره مېدان کې د پوځي پریټ له پېلیدو مخکې د مراسمو ځای ته وروان دی.
د ونیزویلا ولسمشر، نیکولاس مادورو
د ونیزویلا ولسمشر، نیکولاس مادورو، هم د می په ۹مه په مسکو کې د روسې پوځي پريټ په مراسمو کې حضور درلود.
