د پاکستان د پولیو د لمنځه وړلو پروګرام په یوه اعلامیه کې ويلي چې تازه پېښې د خیبر پښتونخوا ایالت په دیره اسمعیل خان علاقه کې تشخیص شوي دي.

پاکستان هڅه کوي چې د واکسيناسیون د کور په کور کمپاینونو په لاره اچولو سره د پولیو پېښې راکمې کړي. د رسمي ارقامو له مخې پاکستان په ۲۰۲۰ کال کې د پولیو ۸۴ پېښې، په ۲۰۲۱ کې یوه او په ۲۰۲۲ کې ۲۰ پېښې درولودې. 

د رسمي ارقامو له مخې، پاکستان تېر کال د پولیو شپږ پېښې درلودې چې دا د ۲۰۱۹م کال ۱۴۷ پېښو ته په کتو یو ډېر ټيټ رقم وو.

خو چارواکي وايي چې په دغه هېواد کې وروستيو تاوتريخوالو په لسونو زره ماشومان له واکسين کولو بې برخې کړي چې دا سبب شوي سږکال د پولیو پېښې بېرته لوړې شي.

د پاکستان صدراعظم، شهباز شریف، د پولیو له ويروسه د پاکستان د بشپړ پاکولو په موخه، تېره میاشت د ټول هېواد په سطحه د پولیو واکسيناسیون د یو سرتاسري کمپاین پرانیسته وکړه.

یوه لویه ستونزه دا ده چې په پاکستان کې د پولیو کمپاينونه د وسله والو تر برېدونو لاندې راځي. تر اوسه پر دغو کمپایونو شوو حملو کې د پاکستان په لسونو امنيتي ځواکونه او روغتيايي کارکوونکي وژل شوي دي.

پاکستان او افغانستان د نړۍ د هغو محدود شمېر هېوادونو په کتار کې راځي چې اوس هم د پولیو تازه پېښې په کې تشخیص کیږي.

(dpa)mks/bs

له آرشیف څخه: