له کابو يوې لسيزې راهيسې په امريکا متحده آيالاتو کې د ګوزڼ پېښې نه وې، دغه ناروغي د نيويارک په آيالت کې آن د کابو شلو کلونو راهيسې نه وه. دغه ساري ناروغي په متحده آيالاتو کې له منځه وړل شوې بلل کېده. خو په دوبي کې يو ځوان سړی د ميليوني ښار نيويارک په شمال کې په دغه ويروس اخته شو. اوس يې پښې شلې شوې دي.
په نيويارک آيالت او نيويارک ښار کې هم له هغه وخت راهيسې د اوبو په نلونو کې د پوليو ويروسونه تشخيص شوي دي.آیا لاهم افغانستان کې د پولیو ضد واکسین سره مخالفت کیږي؟
د آلمان د روبرت کوخ انستيتوت د کارپوهې ديدريش په خبره »کله چې د ګوزڼ يو ناروغ شل شوی وي، سړی سمدلاسه پوهيږي چې ستونزه لا پسې پراخه ده.«دا ځکه چې له ۲۰۰ مواردو څخه يوازې يو تن شل کيږي، چې هغه هم بايد داسې څوک وي چې واکسين شوی نه وي.
يوه دغسې پېښه په دې معنی ده چې په سلونو تنه نور هم په مرض اخته شوي دي، خو علايم نه لري. د نيويارک ګورنرې، کاتي هوچول، اوس بېړنی حالت اعلان کړی دی.
هغې وويل چې د ګوزڼ خطر هر هغه چا ته متوجه دی چې د ناورغۍ په وړاندې يې واکسين نه وي کړی. نوموړې پر ټولو خلکو غږ وکړ چې واکسين دې تر لاسه کړي. د نيويارک د روغتيا مسئولې، ماري باسېټ، وويل »که ماشوم مو واکسين شوی نه وي يا د واکسيناسيون حالت تازه او اوسنی نه وي، نو د شل کېدنې د يوې ناورغۍ خطر درته واقعي دی.«د ګیټس خیریه بنسټ لخوا د پولیو سره د مبارزې لپاره د ملیاردو ډالرو مرسته
تقريباً ۱۴ سلنه ماشومان چې د شپږو مياشتو او پنځو کلونو ترمنځ عمرونه لري، د چارواکو په حواله په نيويارک ښار کې د ګوزڼ په وړاندې واکسين شوي نه دي. په ډېرو هېوادونو کې د ګوزڼ واکسيناسيون د پانديمۍ په کلونو کې آن درول شوی وو.
دغه ناروغي چې د ناولو لاسونو يا ناپاکو اوبو له لارې لېږدول کيږي، د شل کېدنې يا مړه کېدو باعث ګرځېدلی شي، په تېره واړه ماشومان په دايمي توګه ترې اغېزمن کېدای شي.
آ./ن.ص./ن.ز.
کرونا واکسین: څومره کسان په کوم هیواد کې واکسین شوي؟
په نړۍ کې د کرونا ضد واکسین پر ۲۱۲ میلیونه کسانو باندې تطبیق شوی دی. اسرائیل په دې سیالۍ کې تر ټولو مخکې دی چې ۵۰،۲ خلکو ته یې واکسن لګول شوي. په افغانستان او پاکستان کې وضعیت څه ډول دی؟
انځور: Tânia Rêgo/Agência Brasilد اسرائیل ۵۰،۲ سلنه اتباعو ته د کرونا ضد واکسین لګول شوي دي او د ټول نفوس ۳۴،۶ سلنه ته د کرونا دواړه دوزه ترزیق شوي دي. دغه ارقام د «نیویارک ټایمز» د کرونا اړونده پاڼې اخیستل شوي.
انځور: Corinna Kern/REUTERSد افریقا له لويي وچې ۱۵۰۰ کیلومتره د هند په سمندر کې له ټاپوګانو جوړ هیواد سیشل کې ۶۵،۵۷۶، واکسینه لګول شوي دي. دا د دغه هیواد د نفوس ۴۵،۴ سلنه جوړوي. په سیشل کې د ټول نفوس ۲۲،۳ سلنې ته د کرونا ضد واکسینو دواړه دوزه لګول شوي دي. په انځور کې د سیشل هیواد ولسمشر د واکسین لګولو دمخه معلومات ترلاسه کوي.
انځور: Rassin Vannier/AFP/Getty Imagesپه متحده عربي اماراتو کې د کرونا ضد ۵۵۵۷۷۹۳ واکسینه لګول شوي دي. په دې هکله کوم د معلوماتو کومه زیرمه نشته چې د نفوس څومره برخې ته واکسین ترزیق شوي، خو په اوسط ډول له هرو سلو کسانو شا او خوا ۵۷ کسانو ته واکسین لګول شوي.
انځور: picture-alliance/AP Photo/J. Gambrellبریتانیا په دې سیالۍ کې څلورم مخکښ هیواد دی. هلته د فبروري تر ۲۴مې نیټې ۱۸۳۴۸۱۶۵ کسانو ته د کرونا ضد واکسین لګول شوي دي. د ټول نفوس ۲۶،۷ سلنې ته واکسین لګول شوي او ۰،۹ سلنه خلکو ته د واکسین دواړه دوزه لګول شي.
انځور: Danny Lawson/empics/picture allianceپه امریکا متحده ایالاتو کې له هرو سلو کسانو شا او خوا ۱۹ کسانو ته د کرونا ضد واکسین لګول شوي. په ټولیز ډول ۶۴۱۷۷۴۷۴ کسانو ته واکسین ورکړل شوی. که د ټول هیواد د نفوس په کچه وکتل شي نو ۱۳،۳ سلنه امریکايي اتباعو ته واکسین لګول شوي او ۵،۹ سلنه خلکو ته واکسین دواړه دوزه ترزیق شوي. په انځور کې د متحده ایالاتو ولسمشر جو بایدن ته واکسین لګول کیږي.
انځور: Alex Edelman/AFP/Getty Imagesپه بحرین کې په اوسط ډول له هرو سلو کسانو شا او خوا ۱۷ کسان واکسین شوي. په دغه خلیجي هیواد کې په مجموعي ډول ۱۷۸۲۲۲ واکسین لګول شوي دي.
انځور: picture-alliance/AP/H. Jamaliپه چلي کې د کرونا ضد د لګول شوو واکسینونو مجموعي شمیر ۲۹۹۴۱۳۹ ته رسیږي. په دغه هیواد کې د ټول نفوس ۱۵،۷ سلنه خلکو ته واکسین لګول شوی او د هغو خلکو شمیر چې دواړه یا بشپړ دوزه یې ترلاسه کړي ۰،۳ دی. په انځور کې د دغه هیواد ولسمشر ته واکسین لګول کیږي.
انځور: Chilean Presidency/REUTERSپه مالديو کې په اوسط ډول له هرو سلو کسانو څه د پاسه ۱۴ کسانو ته د کرونا ضد واکسین ترزیق شوي. په دغه هیواد کې د واکسین ۷۵۰۱۳ دوزه تطبیق شوي دي.
انځور: Sergi Reboredo/picture allianceپه سربستان کې هم له هرو سلو کسانو څخه ۱۴،۱ سلنه خلکو ته کرونا ضد واکسین لګول شوي دي. په ټولیز ډول ۹۸۷۰۰۰ کسانو دغه واکسین ترلاسه کړي دي. د نفوس له مخې د دغه هیواد ۱۱،۵ سلنه خلکو ته د کرونا ضد واکسین لګول شوي دي او ۲،۶ سلنه خلکو ته دواړه دوزه لګول شوي دي.
انځور: Vladimir Zivojinnovic/AFP/Getty Imagesپه پاکستان کې د کرونا ضد ۷۲۸۸۲ واکسین لګول شوي دي، په دې ترتیب د ټول نفوس یوازې ۰،۱ سلنه خلک واکسین شوي دي.
انځور: Aamir Qureshi/AFP/Getty Imagesکه څه هم افغانستان څه موده وړاندې د کرونا ضد واکسین له هند څخه ترلاسه کړي وو خو د سه شنبې په ورځ د افغانستان د ولسمشر په حضور کې لومړی واکسین یوې خبریالې او یوه سرتیري ته ولګول شو. د روغتیا چارو وزارت په دې هکله زموږ پوښتنه ځواب نه کړه.
انځور: ASSOCIATED PRESS/picture alliance