فلمي لوبغاړی، ډایرکټر او امرېکایي-باهامیایي سفیر وو. هغه په ۶۰ کلني حرفوي فعالیتونو کې د اسکار یوه جایزه، د ګلډن ګلوب دوې جایزې، د بریټانیا د فلمونو اکاډمۍ او د ګرمي جایزې ترلاسه کړي دي. سیدني پواتیه په ۱۹۶۴ کال کې لومړنی تور پوستی وو چې د اوسکار د نارینه و د ترټولو غوره جایزې ګټونکی شو. پواتیه د ۲۰۲۲ کال د جنوري په ۶ نیټه په ۹۵ کلنی کې ومړ.

ایټالیاوۍ اداکاره مونیکا ویتي د ۱۹۶۰میلادي لسیزو په لومړیو کې د مایکل آنجیلو آنتونیوني په فلمونو کې د اداکارۍ له کبله خورا مشهوره وه. هغه د ډیویډ ډي ډوناتلو د ترټولو غورې اداکارې ۵ جایزې، د ایټالیا د ګلډن ګلوب غوره ښځینه ۷ جایزې، د ایټالیا ګلډن ګلوب د هنري لاسته راونو یوه جایزه او د سرو زرو زمري فسټیوال جایزه ترلاسه کړې ده. ویتي د ۲۰۲۲ د فبرورۍ په دوهمه نیټه په ۹۱ کلنۍ کې وفات شوه.

ماډلین البرایټ د ماریا جانا کوربلوا له اصلي نوم سره لومړنۍ ښځه وه چې د امرېکا په بهرنیو چارو کې وزیره وټاکل شوه. پلار یې لومړی د سفیر او بیا د ملګرو ملتونو لپاره د چکسلواکیا استازی شو. د کمونستانو له واکمنۍ سره په ۱۹۴۸ کال کې د هغه کورنۍ امرېکا ته ولاړه. بل کلنټن په خپله دوهمه دوره کې البرایټ د امریکا د بهرنیو چارو وزېرې په توګه وګماره. البرایټ د ۲۰۲۲ کال د مارچ په ۲۳مه د ۸۴ کلونو په عمر وفات شوه.

هغه د رونالډ ریګن د ولسمشرۍ پر مهال له ۱۹۸۳ تر ۱۹۸۵ کلونو پورې د امریکا د ملي امنیت سلاکار و. هغه د ۱۹۸۵ په دسمبر کې استعفا وکړه. د ۱۹۸۶ په نومبر میاشت کې د ایران کنترا معامله افشا او یو سیاسي جنجال رامینځته شو. دا دسیسه پر ایران د امریکايي وسلو د پټو پلورلو او په نیکاراګوا کې د کنترا ملاتړ له پاره یې پیسې انتقالول ول. هغه د ۲۰۲۲م کال د می میاشتي پر ۱۲ د ۸۵ کلني په عمر مړ شو.

خلیفه بن زاید بن سلطان آل نهیان د متحده عربي اماراتو دوهم رئیس او د ابوظبۍ واکمن و. هغه د زید بن سلطان آل نهیان زوی و چې د خپل پلار له مړیني وروسته په ۲۰۰۴م کال کې د اماراتو رئیس او د ابوظبۍ واکمن شو. نوموړی د ۲۰۲۲م کال په مي میاشت کې د ۷۲ کلني په عمر د مغزي سکتې له امله مړ شو.

هغه یو اسټرالیایی سندرغاړی، لوبغاړی او فعال و چې په انګلیستان کې زیږیدلی وو. هغه له جان تراولټا سره د میوزیک ګریس اصلي لوبغاړی و چې فلم او موسیقي یې د هالیوډ په تاریخ کې تر ټولو غوره وه. هغه د ۲۰۲۲ کال د اګست پر اتمه د ۷۴ کلني په عمر مړ شو.

اووه زيلر د آلمان د فوټبال د ملي لوبډلې پخوانی ستوری او د نړۍ یو له غوره فوټبالرانو څخه و. نوموړي لسیزې وروسته له دې چې له فوټبال څخه تقاعد شو لاهم په آلمان کې خورا مشهور و. زیلر یو قوي بریدګر و چې په اکروباټیک حرکتونو سره یې ښکلي ګولونه وکړل. زلر د ۲۰۲۲م کال د جولای مياشتي پر ۲۱ مه په ۸۶ کلنی کې ومړ.

له ۲۰۰۶ څخه تر ۲۰۰۷ کلونو پورې هغه د لومړي وزیر او د لیبرال دیموکراتیک ګوند د مشر په توګه دنده ترسره کړې او بیا له ۲۰۱۲ څخه تر ۲۰۲۰ پورې په یادو دندو بوخت وو. هغه د جاپان په تاریخ کې تر ټولو اوږدې دورې درلودونکی لومری وزیر پاته شوی دی. ۶۸ کلن ابي د ۲۰۲۲م کال د جولای مياشتي پر اتمه په یوه ټاکنیزه غونډه کې وويشتل شو.

ایسي میاکه د جامو، نندارتون او عطرونو د طراحی او تخنیک په مرسته له شرقي اسیا څخه په ټوله نړۍ کې د مډ تر ټولو غوره طراح پيژندل شوی دی. ایسي میاکه د ۲۰۲۲م کال د اګیست مياشتي پر ۵مه نیټه په ۸۴ کلنۍ کې ومړ.

هغه د شوروي اتحاد وروستی مشر و. هغه له ۱۹۸۵ تر ۱۹۹۱ د شوروي اتحاد د کمونست ګوند عمومي منشي و. هغه د شلمې پیړۍ په دوهمه نیمایي کې د یو مهم شخص په توګه د هغه د پروګرامونو له امله پيژندل کيدی. د هغه پروګرامونه پیریسټروکا او ګلاسنوست، او د سړې جګړې په پای ته رسول او په اروپا کې د ختیځ بلاک له سقوط وروسته د نظامي مداخلې څخه ډډه کول ول. ګورباچوف د ۲۰۲۲م کال د اګست مياشتي پر ۳۰ نېټه په ۹۱ کلنۍ کې مړ شو.

ملکه الزابت دوهمه د ۱۹۵۲م کال د فبرورۍ مياشتي له ۶ مې نیټې د مړینې تر وخته د بریتانیا ملکه وه. هغې د خپل ژوند په اوږدو کې پر ۳۲ هيوادونو حاکمه ملکه وه چې د مړینې تر وخته یې شمېر ۱۵ ته راټيټ شوی وو. د هغې ۷۰ کاله او ۲۱۴ ورځي واکمني د بریتانیا په سلطنت کې تر ټولو اوږده واکمني ده. ملکه الزابت دوهمه د ۲۰۲۲م کال د سبتمبر مياشتي پر ۸ مه نېټه په ۹۴ کلنۍ کې مړه شوه.

ډیټریش ماته شیټز د اتریش متشبث او پانګوال و چې په ۱۹۸۴م کال کې یې د ریډبول شرکت او درې کاله وروسته د ریډبول برانډ تاسیس کړ. هغه د فوټبال ټیمونه، موټر ځغلوني، رسټورانتونو او آیس هاکي په برخو کې د ریډ بول انرژي څښاک برانډ او سپورتي ټیمونه په نړیواله کچه مشهور کړل. ماته‌‌ شیتز د ۲۰۲۲م کال د اکتوبر مياشتي پر ۲۲ مه نیټه په ۷۸ کلني کې ومړ.

مشهورې انګلیسۍ لوبغاړې چې په لسګونو فلمونو او تلویزیونونو کې یې کار کړی دی. لانسبري د ګولډن ګلوب شپږ جایزې ګټلې. لانسبري په ۱۹۴۵، ۱۹۴۶او ۱۹۶۳ کلونو کې درې ځله د اکاډمۍ جایزې له پاره نومول شوې وه او په ۲۰۱۴م کال کې د خپل هنري ژوند له پاره جایزه ترلاسه کړه. هغه د ۲۰۲۲م کال د اکتوبر میاشتي پر ۲۲ په ۹۷ کلنۍ کې مړه شوه.

پییر کارټنر یو هالنډی سندرغاړی، کمپوزر او تولیدونکی چې شاوخوا ۱۶۰۰ شعرونه یې لیکلي دي. د خپل هنري ژوند په جریان کې، هغه په خپل هنري فعالیتونو کې ۱۲۸ زرینې پاڼې او له نورو البومونو سره ۱۲۹ پلاټینیم او زرینې پاڼې ترلاسه کړې. تر دې دمه د هغه د اثارو ميلیونونه کاپي پلورل شوي دي. کارټنر د ۲۰۲۲م کال د نومبر مياشتي پر ۸ په ۸۷ کلنۍ کې مړ شو.

امریکایی فلمي لوبغاړی د فلمونو له پاره پیژندل شوی لکه د دوبي ښوونځی، مین هلک، هیري داستانونه، د بډایه یا غریب له پاره او د ستورو سره نڅا، او همدارنګه د فضا مخینې فلم«د خان غضب» د د لیونارډ نیمو سره یوځای پیژندل شوي دي. نوموړی د ۲۰۲۲م کال د دسمبر پر ۵ مه د ۷۱ کلونو په عمر مړ شو.

اډسن ارانتیس دو ناسیمینټو مشهور په پلې د فوټبال نړۍ تر ټولو غوره فوټبالر بلل کیږي. هغه د خپل ژوند په پای کې د کولمو په سرطان اخته شو. پلې له اوږدې ناروغۍ وروسته د ۲۰۲۲م کال د دسمبر مياشتي پر ۲۹ مه په برازیل کې د ساو پاولو ښار په یوه روغتون کې په ۸۲ کلني کې مړ شو.

ویویین ویسټ ووډ نوم په ۱۹۷۰ لسیزه کې په "پانک" او "نوې څپې" فیشن کې د ټرانسسیکسیو (انډروژن) ډیزاینونو او ټي شرټونو له شعارونو سره مشهوره شوه. هغه د لندن فیشن اونۍ کې د نارینه او ښځو جامو راټولولو وړاندې کولو کې د هغه انعطاف او زړورتیا له پاره خورا مشهوره ده. دوی د ویسټ ووډ د کار په اړه وايي: "د قوي میرمنو له پاره قوي فیشن". ویسټ ووډ د ۲۰۲۲م کال د ډسمبر مياشتي پر ۲۹ په ۸۱ کلنۍ کې مړه شوه.

په ۲۰۰۵م کال کې کارډینل جوزف رتزینګر د نوي پاپ په توګه وټاکل شو. هغه چې خپل نوم یې شپاړسم بینډیکټ غوره کړی، لومړی آلمانی پاپ و. په ۲۰۱۳م کال کې د هغه استعفا هم تاریخي او په تیرو ۶۰۰ کلونو کې بې ساري وه. شپاړسم بینډیکټ د ۲۰۲۲م کال د ‌ډسمبر مياشتي پر ۳۱ مه په ۹۵ کلنۍ کې مړ شو.