سياستپاکستان
شریف: راتلونکې میاشت واک ځای ناستې حکومت ته پریږدم
۱۴۰۲ تیر ۲۳, جمعه
اعلان
د پاکستان لومړي وزیر شهباز شریف پنجشنبه د شپې د پاکستان ولس ته په وینا کې وویل، حکومت یې په ۱۵ میاشتو کې د ۴ کلونو ویجاړۍ رغاولي دي.
هغه اعلان وکړ چې راتلونکي اګست میاشت کې به واک یو سرپرست حکومت ته وسپاري: «خوږو هېوادوالو! د ۲۰۲۲م کال په اپریل کې مو چې د لومړي وزیر په توګه کوم ذمه واري راسپارلې وه، د هېواد د لوړتیا، ستاسو د خیرښېګڼې په موخه د خدمت دغه مقدس امانت د ۲۰۲۳م کال په اګست کې یو نګران حکومت ته سپارم، ان شاالله»
اړوند مطالب:«د پاکستان حکومت په عملي ډول فلج شوی»
د پاکستان د قانون سره سم، نګران یا سرپرست حکومت باید له ۶۰ تر ۹۰ ورځو کې ټاکنو ته لاره هواره کړي.