د روسیې ولسمشر ولاديمير پوتين دا څرګندونو د چهار شنبې په ورځ په داسې حال کې وکړې چې له افغانستان څخه د امريکا ټول عسکر د دوشنبې په ورځ د شپې ناوخته ووتل.

په مسکو کې حکومت تل په افغانستان کې د امريکا پر تګلاره نيوکې کولې. پوتين وويل چې امريکايي ځواکونو په تېرو دوو لسیزو کې په جګړه ځپلي هېواد افغانستان کې د خپلو نورمونو د تطبيقولو هڅه وکړه چې دا يوه بې ګټې هڅه وه.

هغه وويل: «د دې پايله يوازې د امريکايانو او تر هغه زيات پر افغان خاوره د اوسيدونکي له پاره يوازې فاجعې او زيانونه ول.» هغه وويل: «له دباندې څخه پر يو چا د يو څو تطبيقول هيڅ امکان نه لري.»

ولسمشر ولاديمير پوتين دا څرګندونې په لويديځ کې پراته ښار ولاديوستوک کې ځوانانو ته د يوې وينا په ترڅ کې وکړې.

ولسمشر پوتين تیره اونۍ ويلي ول چې هيواد به یې په افغانستان کې مداخله ونه کړي ځکه چې حکومت یې د پخواني شوروي اتحاد له تجربو زده کړې ده.

نوموړي په دې ترڅ کې په دې اړه شکايت وکړ چې لوېديځ هڅه کوي افغان مهاجر د منځنۍ آسيا په هېوادونو کې چې د روسیې متحدين دي، ځای پر ځای کړي.

د مسکو حکومت په کابل کې نوي مشرتابه ته په محتاط ډول خوشبينه دی او وايي چې په داخلي چارو کې به مداخله ونه کړي.

ب . ص/ ن . ز (AFP)