ماکائو د چین د خاوري یو خاص اداري واحد دی. هغه چي اوس یوه خودمختاره سیمه ده، تر ۱۹۹۹ م کال پوري د پرتگال مستعمره وه. د افغانستان اتباع کولای سي د هغه قلمرو ته په رسیدو سره د۳۰ ورځو له پاره ویزه په لاس راوړي.

د قطر دولت افغانانو ته اجازه ورکوي، چي د انلایني ویزې په درلودلو سره دغه موړ عربي هیواد ته سفر وکړي.

د اتحاد قُمُ هیواد یا د قمرمجمع الجزایر ، چي په عربي ورته جزر القمر هم ویل کیږي، د افریقا په جنوب شرق د موزمبیک د شرق په سواحلو او مدغاسگر په شمال غرب کي د بحر هند سره موقعیت لري. د افغانستان اتباع کولای سي دغه هیواد ته په رسیدو سره د ۴۵ ورځو له پاره ویزه په لاس راوړي.

مدغاسگر ته د سفر کولو په خاطر د افغانستان پاسپورټ لرونکي کولای سي د انترنیت له لاري او یا هلته په رسیدو سره د ۹۰ ورځو له پاره معتبره ویزه په لاس راوړي. مدغاسگر د دنیا څلورمه لویه جزیره ده.

بولیویا، چي رسمي نوم یې د بولیویا جمهوریت دی، دجنوب امریکا په مرکز کي پروت هیواد دی. د افغانستان اتباع کولای سي دغه هیواد ته په رسیدو سره د ۹۰ ورځو له پاره ویزه په لاس راوړي. افغانان کولای سي مخکي تر سفر د انترنیت له لاري هم د ویزې غوښتنه وکړي.

د افغانستان اتباع کولای سي، موریتانیا ته په رسیدو سره ویزه واخلي. د دغه هیواد رسمي نوم د موریتانیا اسلامي جمهوریت دی او د افریقا په شمال کي موقعیت لري.

د افغانستان اتباع کولای سي رواندا ته په رسیدو سره او یا دانترنیت له لاري د ۳۰ ورځو له پاره ویزه په لاس راوړي. رواندا د افریقا په براعظم کی یو کوچنی هیواد دی.

د سورینام جمهوریت د جنوبي امریکا په شمال کي یو کوچنی هیواد دی. هغه د خپل مساحت او نفوسو په سبب ددغه براعظم تر ټولو کوچنی هیواد دی. افغانان کولای سي د انترنیت له لاري ددغه هیواد ویزه په لاس راوړي.

د سیشل جمهوریت په بحر هند کي یو جزیره اي هیواد دی .هغه د افریقا د براعظم ډیر کوچنی هیواد دی. افغانان کولای سي د سیلانیانو او توریسټانو په حیث ځانونه ثبت او راجستر کړي او بیا د ۹۰ ورځو له پاره ددغه هیواد ویزه په لاس راوړي.

په افغاني پاسپورټونو باندي سړی کولای سي، دشرقي تیمور دیموکراتیک جمهوریت ته په رسیدو سره د ۳۰ ورځو له پاره ویزه په لاس راوړي. شرقي تیمور ، چي د اندونیزیا څخه جلا سوی یو مستقل هیواد دی، د اسیا په جنوب شرق او اسټرلیا په شمال غرب کي پروت دی.

د افغانستان اتباع کولای سي بې له ویزې څخه سنیگال ته سفر وکړي او د افریقا په غرب کي پروت دغه هیواد ته په رسیدو سره د ۳۰ ورځو له پاره ویزه په لاس راوړي.

د کمپوچیا رسمي نوم د کامبوج شاهي دولت دی. د افغانستان اتباع کولای سي د اسیا په جنوب شرق کي پروت دغه هیواد ته په رسیدو سره او یا انلایني ویزې له لاري د ۳۰ ورځو له پاره ویزه په لاس راوړي.

سنت او نست او گرنادینونه د کاربیک په دریاب کي یو کوچنی جزیره اي هیواد دی. د افغانستان اتباع کولای سي بې له ویزې څخه دغه هیواد ته سفر وکړي او ۳۰ ورځي هلته پاته سي.

تووالو په آرام سمندر کي یو جزیره اي هیواد دی. هغه مجموعأ ۹ جزیرې لري، چي ۶ یې مرجانی دي. د افغانستان اتباع کولای سي بې له ویزې څخه هلته سفر وکړي او په رسیدو سره د ۳۰ ورځو له پاره ویزه په لاس راوړي.

د افغانستان اتباع کولای سي یوگاندا ته ته په رسیدو سره ویزه تر لاسه کړي او او یا د انترنیت له لاري انلایني ویزه په لاس راوړي. د یوگاندا جمهوریت د افریقا په شرق کي موقعیت لري او د تانزانیا، کینیا او څو نورو هیوادونو سره سرحد لري.

سومالیا د افریقا په ښکر او د دغه براعظم په شرق کي موقعیت لري. افغانان کولای سي، دغه هیواد ته په رسیدو سره د ۳۰ ورځو له پاره ویزه په لاس راوړي.

د افغانستان اتباع کولای سي د پالائو جمهوریت ته بې له ویزې سفر وکړي او دغه هیواد ته په رسیدو سره ویزه په لاس راوړي. دغه جزیره اي هیوادپه ارام سمند کي موقعیت لري . د فلیپین په ۸۰۰ کیلومتری او ټوکیو په ۳۲۰۰ کیلومترۍ کي واقع دی.

میکرونزي د بحر اوقیانوس د درو لویو مجمع الجزایرو له جملې څخه دی. هغه د فلیپین، اندونیزیا او نورو جزیره اي هیوادونو سره پروت هیواد دی. د افغانستان اتباع کولای سي هغه ته په رسیدو سره د ۳۰ ورځو له پاره ویزه په لاس راوړي.

افغانان کولای سي د سامووا مستقل ایالت ته ، چي د سامووا په نوم پیژندل کیږي، سفر وکړي او دغه هیواد ته په رسیدو سره د ۳۰ ورځو له پاره ویزه په لاس راوړي. دغه جزیره د هاوای جزیرې په ډول د ارام سمندر په یوه لیري نقطه کي پرته ده.

توگو اجازه ورکوي، چي افغاني پاسپورټ درلودونکي بې له ویزې څخه دغه هیواد ته سفر وکړي او د ۷ ورځو له پاره ویزه په لاس راوړي. د توگو جمهوریت د افریقا په غرب کي موقعیت لري.

ددغه هیواد رسمي نوم د بنگله دیش د خلق جمهوریت دی، د هندوستان په شرق او جنوبي اسیا کي موقعیت لري. د افغانستان اتباع کولای سي دغه هیواد ته په رسیدو سره د ۳۰ ورځو له پاره ویزه په لاس راوړي.

موزمبیک یو افریقايی هیواد دی او رسمي نوم یې د موزمبیک جمهوریت دی. افغانان کولای سي دغه هیواد ته په رسیدو سره ویزه په لاس راوړي.

کاپ ورد یو جزیره اي هیواد، چي د لسو اورغورځونکو جزیرو څخه جوړ او د اوقیانوس اطلس په مرکز کي موقعیت لري. کاپ ورد د افغانستان پاسپورټ درلودونکو ته په رسیدو سره ویزه ورکوي.

گانا د افریقا په شمال غرب کي پروت او په اوقیانوس اطلس کي قرار لري. د افغانستان اتباع کولای سي د انترنیت له لاري د ۹۰ ورځو له پاره ددغه هیواد انلایني ویزه په لاس راوړي.

ددغه هیواد رسمي نوم د جیبوتي جمهوریت دی او د افریقا په ښکرکي پروت هیواد دی. د افغانستان اتباع کولای سي دغه هیودا ته د سفر په خاطر د انترنیت له لاري د انلایني ویزې غوښتنه وکړي.

مالاویا د افریقا په جنوب شرق کي موقعیت لري. د مالاویا جمهوریت تر ۱۹۶۴ م کال پوري د بریتانیا مستعمره وه. د افغانستان اتباع کولای سي د انترنیت له لاري د ۹۰ ورځو له پاره انلایني ویزه په لاس راوړي.

ددغه هیواد رسمي نوم د دومینیک جمهوریت دی، چي یو جزیره اي هیواد اود کارابین په دریاب کي موقعیت لري. افغانان کولای سي بې له ویزې څخه دغه هیواد ته سفر وکړي.

د غربي افریقا ددغه هیواد رسمي نوم د گابون جمهوریت دی، چي د گانا د خلیج څنگ او اوقیانوس اطلس په شرقي سواحلو کي موقعیت لري. هغه د کانگو، کامیرون او استوايي گانا سره سرحد لري. د افغانستان اتباع کولای سي د انترنیت له لاري دغه هیواد ته د سفر په خاطر انلایني ویزه په لاس راوړي.

لیسوتو د افریقا د جنوب یو شاهي هیواد دی او اوبو ته لار نه لري. افغانان کولای سي د انترنیت له لاري دغه هیواد ته د سفر په خاطر د ۱۴ ورځو انلایني ویزه په لاس راوړي.

هایتي د افغانستان پاسپورټ درلودونکو ته اجازه ورکوي، چي دغه هیواد ته بې له ویزې څخه سفر وکړي. هغوی هلته کولای سي ۹۰ ورځي پاته سي. د جنوبي امریکا دغه هیواد د کارابین په دریاب کي موقعیت لري.

گیني بیساو د افریقا په غرب او د اوقیانوس اطلس په بغل کي موقعیت لري. د افغانستان اتباع کولای سي دغه هیواد ته په رسیدو سره د ۹۰ ورځو له پاره ویزه په لاس راوړي.

د ایتوپیا رسمي نوم د ایتوپیا دیموکراتیک فدرالي جمهوریت دی، چي د افریقا په ښکر کي موقعیت لري. اوبو ته هیڅ لار نه لري. دا د افریقا په براعظم کي دوهم پرنفوسه هیواد دی. د افغانستان اتباع کولای سي د انترنیت له لاري دغه هیواد ته د سفر په خاطر انلایني ویزه په لاس راوړي.