د نوموړي ورځپاڼې په حواله د المان حکومت د دغو کسانو د خوشې کیدو په هکله «په سیمه کې د جي آی زیډ د پاتې کارکوونکو د امنیت په پام کې نیولو سره» له نظر څرګندولو ډډه وکړه.
د خراب امنیتي وضعیت له کبله دغه المانۍ موسیسه غواړي په راتلونکي کال کې له افغانستان څخه ووځي. دا چې د GIZ دغه څلور تنه کارکوونکي په کوم جرم تورن او نیول شوي وو، تر اوسه پورې معلومه نه ده.
د دغه رپوټ پر بنسټ له دغو څلور تنو لږ تر لږه درو یې دغه هیواد (افغانستان) پریښی دی. د طالبانو یوه ویاند دغې ورځپاڼې ته ویلي دي چې هغه نشي کولی «په اوس وخت کې» د دې موضوع په هکله څه ووایي.
همدارنګه د «ویلټ ام زونټاګ» ورځپاڼې هم معلومات ترلاسه کړي دي چې د دغو څلور کسانو تر خوشې کیدو وروسته، طالبانو په دې وروستیو کې د یوه بل کس چې هغه هم د GIZ له پاره کار کولو، د نیولو امر کړی دی.
د دې قضیې په هکله هم نه د المان حکومت او نه هم د نړیوالو همکاریو له پاره د المان ټولنې (GIZ) خپل نظر څرګند کړی دی.
آژانسونه: ش.ن/ ا. خ. ح
په افغانستان کي کرهڼيز توليدات
په کابل کي په يوه درې ورځني نندارتون کي په نزدې ۲۰۰ غرفو کي مېوې، اصلاح سوي تخمونه او کرهڼيز وسايل نندارې ته وړاندي سوي دي. د دې نندارتون يوه ملاتړ کوونکې د آلمان د GIZ ټولنه ده. ويل کيږي چي دا په خپل ډول ستر نندارتون دی
انځور: DW/H. Sirat
د کندهار آنار ډير ښه نړيوال بازار لري او تقريباً هر کال پر پاکستان، هندوستان او عربي اماراتو سر بيره يو شمېر اروپايي هيوادونو ته هم صادرات لري.
انځور: DW/H. Sirat
په دغه نندارتون کي چي سره سیب هم نندارې ته وړاندي سوي دي د عقرب د مياشتي تر لسمي نېټې پوری به دوام وکړي.
انځور: DW/H. Sirat
په دغه نندارتون کي نه يوازې مېوې بلکي سبزيجات هم نندارې ته وړاندي سوي دي. همدا اوس افغانستان نورو ګاونډيو هیوادونو ته سبزيجات صادروي.
انځور: DW/H. Sirat
په دغه نندارتون کي اصلاح سوي تخمونه هم نندارې ته وړاندي سوي دي. د دغه نندارتون يوه موخه هم دا ده چي بزګرو ته د کرهڼي ښه شېوه ور وښيي.
انځور: DW/H. Sirat
دا هم په دغه نندارتون کي د زيني ونو نهالان دي چي نندارې ته وړاندي سوي دي.
انځور: DW/H. Sirat
د کارپوهانو په خبره د دغه شان نندارتونونو جوړول د توليداتو په پيژندلو او بازار موندلو کي ډېره مرسته کوي
انځور: DW/H. Sirat
په دغه نندارتون کي له مختلفو ولايتونو څخه افغاني محصولات نندارې ته وړاندي سوي دي.
انځور: DW/H. Sirat
د افغاني مېو مرباوي هم ننداې ته وړاندي سوي دي
انځور: DW/ H. Sirat
پر تازه مېوو سربيره وچي مېوې هم په دغه نندارتون کي د ننداره کوونکو پام ځان ته اړولی دی.
