د پوتين د روغتيا او له واکه د گوښه کيدو په اړه گنگوسې
۱۳۹۹ آذر ۱۰, دوشنبه
په روسيه کې له څو ورځو راهيسې د ولاديمير پوتين د روغتيا په اړه گنگوسې اوريدل کيږي، خو د کريملن وياند دا گنگوسې او اټکلونه رد کړي دي. ويل کيږي چې پوتين په پارکيسنون او سرطان اخته دی او له ژور خفگانه هم کړيږي.
انځور: picture-alliance/Russian Look/V. Listsyn
اعلان
له څو ورځو راهيسې په روسيه کې له واکه د ولسمشر پوتين د احتمالي ليري کيدو په اړه اټکلونو ډېر زور اخيستی دی. داسې گنگوسې دي چې پوتين ډېر ناروغ دی او د واک د انتقال له پاره یې يو هر اړخیز پلان طرحه کړی دی.
سولووي ادعا کوي چې د راتلونکي کال په جنورۍ میاشت کې به روسيه د سترو سياسي بدلونونو شاهده وي. هغه په دې آند ده چې د مرکزي بانک رئيس بدليږي او آن دا گنگوسې هم کیږي چې ولاديمير پوتين ښايي له دندې گوښه شي.
دا په داسې حال کې ده چې د کريملن وياند ديميتري پيسکوف د پوتين د ناروغتيا او له واکه د گوښه کيدو گنگوسې رد کړي دي او د روسیې د ولسمشر د بشپړې روغتيا خبره يې کړې ده.
يو شمير کارپوهانو هم چې د سياسي علومو کارپوه ستانيسلاو بلکووسي هم پکې شامل دی، دا ډول ادعاوې بې بنسټه بللي دي او ويلي يې دي چې دا ادعاوې د روسیې د پولو دباندې د خلکو له خوا رامنځته شوي دي او د هغوی له خوا خپريږي.
بايد وويل شي چې د پوتين د شديد ټوخي او د هغه د لاسو او پښو د رېږدېدو په اړه خپرې شوي ويديوگاني د دې ډول گنگوسيو او اټکلونو باعث شوي دي.
