د روسیې دولتي خبري آژانس «تاس» د سواتوپول د والي میخایل راسوژایف، په تلګرام شبکه کې د خپور شوي خبر په حواله رپوټ ورکړی چې د شنبې ورځې په سهار یوه بی پیلوټه الوتکه په سواتوپول کې په توره بحیره کې د روسیې د سمندري بیړیو یوه بندر ته نږدې ویشتل شوې ده.
دغه بندر مخکې تر دې هم څو ځله د اوکراین له خوا د بی پيلوټه الوتکو تر برید لاندې نیول شوی دی، په دې وروستي ځل د جنورۍ په ۴ نیټه دوه بی پیلوټه الوتکې را وغورځول شوې.
د ارتدوکس عیسوي اختر یا کریسمس په مناسبت د ولادیمیر پوتین له خوا د اعلان شوي یو طرفه اوربند سربیره، په اوکراین کې جګړه یو وار بیا پیل شوې ده.
پوتین د کریميا پر پله چاودنه تروریستي کړنه او د اوکراين کار وباله
دغه ۳۶ ساعته اوربند چې ټاکل شوې وه د جمعې په ورځ د مسکو د وخت مطابق د غرمې په ۱۰ بجو پیل شي، د تیر کال د فیبرورۍ په ۲۴ نیټه پر اوکراین د روسیې د یرغل له پیل راهیسې به د جګړې په لومړۍ کرښه کې لومړنې اوربند وای.
د اوکراین ارتدوکس کلیسا عموماً خپل عنعنوي اختر د جنورۍ په ۷ نیټه جشن نیسي یا په بل عبارت لمانځي.
راسوژایف د خپلو خبرو په دوام شکایت وکړ چې حتی «مقدس کرسمس» ونه شو کولی چې زمونږ د «اتلانو پر ښار» د دغو «غیر انساني موجوداتو» د برید مخه ونیسي.
اوکراین د ارتدکس کریسمس په مناسبت د روسیې له خوا وړاندیز شوی اوربند، د روسي بریدګرو پام غلطونکی مانور او شیطاني چال بللی او هغه یي رد کړی دی.
د اوکراين او روسیې د نظامي قدرت مقايسه په انځورونو کې
د روسیې او اوکراين ترمنځ کړکېچ ورځ تر بلې پراخيږي او روسیې خپل ډېر عسکر او تجهيزات د اوکراين پولې ته څېرمه ځای پر ځای کړي دي. د روسیې او اوکراين د نظامي قدرت مقايسه په دې انځوریز راپور کې. انځور: picture alliance/dpa/Russian Defence Ministry له اوکراين سره پر پوله د روسي پوځ ځای پر ځای کیدل روسيې خپل تر ۱۰۰ زرو ډېر عسکر له اوکراين سره پر پوله مستقر کړي دي. امريکا هم په اوکراين کې د خپلو ديپلوماتانو له کورنيو غوښتنه کړې ده چې له دغه هيواده ووځي او اوکراین ته نظامي مرسته روانه کړې ده. د کړکېچ په پراخيدو سره د دواړو هيوادونو ترمنځ د جګړې امکان هم ډېر شوی دی.
انځور: Maxar Technologies/AFP د پوځي پرسونل د شمېر مقايسه د روسیې او اوکراين د نظامي قدرت ترمنځ د پرتلنې له پاره ټولو سترو او کوچنيو بعدونو ته بايد کتنه وشي. د اوکراين پوځ ۲۰۹ زره پرسونل او ۹۰۰۰ د ذخيرې عسکر لري. د روسیې پوځ بيا يو ميليون او ۱۴ زره نفر پرسونل او ۲ ميليون کسان د ذخېرې عسکر لري.
انځور: Gleb Garanich/REUTERS د روسیې پوځ ۱۲ زره او ۴۲۰ ټانکونه لري په داسې حال کې چې د اوکراين پوځ بيا ۲ زره او ۵۹۶ ټانکونه په اختيار کې لري. (انځور په اوکراين کې د استقلال د ورځې دی)
انځور: Efrem Lukatsky/AP/dpa/picture alliance د روسیې پوځ ۶ زره او ۵۷۴ او د اوکراين پوځ بيا يو زر او ۶۸ توپونه لري.
انځور: picture alliance/dpa/Russian Defence Ministry د روسیې د پوځي موټرو شمیر ۳۰ زرو او ۱۲۲ ته رسېږي. د اوکراين پوځ بيا ۱۲ زره او ۳۰۳ نظامي موټر لري.
انځور: Russian Defense Ministry/AP/picture alliance د روسیې پوځ د ۳ زره او ۳۹۱ توغنديو خودکاره سيسټمونه لري، په داسې حال کې چې اوکراين بيا د ۴۹۰ خودکاره توغنديو سیسټمونه لري. (انځور د روسیې د توغنديو د «بوک ام ۳» سيستم دی)
انځور: Evgenia Novozhenina/REUTERS د روسیې پوځ د ۷۰۰ او ۷۲ جنګي الوتکو په درلودو سره پر اوکراين برلاسی دی. دغه هېواد يوازې ۶۹ جنګي الوتکې لري. (انځور د روسیې د پوځ د هوايي مانورو پر وخت اخیستل شوی).
انځور: picture-alliance د نظامي څرخي الوتکو مقايسه بله هغه ساحه چې روسیه پکې پر اوکراين برلاسې ده د جنګي څرخي الوتکو برخه ده. روسيه ۵۴۴ هیلي کاپترونه لري. دا په داسې حال کې ده چې اوکراين يوازې ۳۴ جنګي څرخي الوتکې په اختيار کې لري. (انځور د اوکراين د ترابري ميل ۸ څرخي الوتکې دی چې د روسیې جوړې څرخې الوتکې دي).
انځور: Preston Hammon/Us Army/Plane/ZUMA/picture alliance په سمندر کې هم د روسیې پوځ د اوکراين د پوځ په مقابل کې بشپړ برلاسی دی. د روسیې سمندري ځواکونه ۶۰۵ جنګي بيړۍ لري. د اوکراين پوځ بيا يوازې د ۳۸ جنګي کښتيو خښتن دی. (عکس د روسیې د يوه جنګي بيړۍ دی چې تر غږ چټک توغندي د توغولو پر مهال اخيستل شوی).
انځور: Russian Defence Ministry/picture alliance/dpa د اوبو په ژورو کې هم روسیه د ۶۴ اوبتلونو په درلودو سره پر اوکراين چې يوازې يو اوبتل لري، برلاسې ده. (عکس د روسیې د ديمتري دونسکوي په نوم اوبتل دی).
انځور: picture-alliance/TASS/P. Kovalev په داسې حال کې چې اوکراين عملاً هیڅ دافع هوا سیسټم نه لري، روسیه د « اس – ۳۰۰ » او «اس – ۴۰۰» ډېر عصري دافع هوا سيسټمونه لري. په دې وروستیو ورځو کې روسیې په سپینه روسیه کې د نظامي مانورو د یوې برخې په توګه د توغنديو اس – ۴۰۰ سيسټم نصب کړ.
انځور: Maksim Blinov/Sputnik/dpa/picture alliance په ۲۰۲۰م کال کې د روسيې نظامي بودجه ۶۶ مليارده او ۷۰۰ ميليون ډالر وه. د دې په مقابل کې بيا په همدې کال کې د اوکراين پوځي بودجه ۵ ميليارده او ۹۲۴ ميليون ډالر وه.
انځور: Aleksey Nikolskyi/Sputnik/dpa/picture alliance
د جمعې په ورځ په ټول اوکراین کې د اوربند سربیره دوه ساعتونه په پرله پسې ډول د هوایي برید د خطر زنګ وهل کیده. د تاس د رپوټ پر بنسټ په همدې حال کې د روسیې ولسمشر ولادیمیر پوتین د ارتدوکس کلیسا د کریسمس په مراسمو کې ګډون وکړ.
زیلنسکي د روسیې پر ضد لا زیاتو بریدونو ته د امادګۍ خبر ورکړی
روسیه تر ټولو په لومړي قدم کې د اوکراین په سویل کې کریمیا کې خپل اشغالګر ځواکونه تجهیزوي. اوکراین په پرله پسې ډول په دغه ټاپو کې د روسیې لوجستیکي او پوځي اهداف په نښه کوي.
وروسته له دې چې په دې وروستیو میاشتو کې په مخ پر ډیریدونکي ډول د روسیې د تیري کوونکي جګړې مخه شوې ده، د کریمیا بیرته نیول د کیف یو له اعلان شوو اهدافو څخه دی. د اوکراین ولسمشر ولادیمیر زیلنسکي اعلان کړی دی چې دا کار کیدای شي په دیپلوماتیک او یا هم پوځي لاره ترسره شي.
آژانسونه: ش.ن/ ا.و.ا
