د روسيې د پارلمان غړو وړانديز کړی دی چې دويچه ويله او د بریتانيا شورا دې په روسیه کې د «نامطلوبو» سازمانونو په څېر درجه بندي شي.
د روسيې د پارلمان یا (دولتي دوما) د امنیت او فساد د کنټرول کميټې مشر، واسیلي پيسکاروف، د سې شنبې په ورځ وويل چې په دې هکله غوښتنلیک، د روسيې فدراسیون لويې څارنوالۍ ته استول شوی دی.
پیسکاروف ويلي دي: «زموږ هدف د هغوی د حسابونو، شعبو او دفترونو بندول او د معلومات پر خپرولو ېې ممنوعیت دی. کوم کسان چې له هغوی سره همکاري یا اړيکو ته ادامه ورکوي، له اداري او قانوني مسئولیتونو سره به مخ شي.»
روسيې تر دې مخکې دویچه ويله «خارجي عامل» ګڼلی وو روسي چارواکو د ۲۰۲۲م کال د فبرورۍ په ۳مه، د دويچه ويله فعالیت په دغه هېواد کې ممنوع او د هماغه کال په مارچ کې ېې دغه رسنۍ د یو «خارجي عامل» په توګه اعلان کړه.
د دویچه ويله عمومي مشر پيتر ليمبورګ، هغه مهال د روسيې دغه اقدام وغانده او هغه يې «د روسي چارواکو یو خپلسری تصمیم» وښود.
ښاغلي ليمبورګ ويلي ول: «دا د رسنیو پر آزادۍ یوه بله حمله او له آزادو او خپلواکو رسنیو د روسیې د خلکو د ارتباط قطع کولو له پاره یوه نوې هڅه ده.»
په روسیه کې «نامطلوب» سازمانونه روسيې د روان کال په اګست میاشت کې په اصطلاح د «نامطلوب» سازمانونو په هکله یو نوی قانون تصویب کړ. خو تر هغه مخکې په روسيه کې یوازې یو شمېر غیردولتي سازمانونه د «نامطلوبو» سازمانونو په نوملړ کې شاملېدل، چې په هغو کې په ځانګړې توګه مخالف بنسټونه لکه سیاسي بنسټونه، د بشر حقونو د دفاع ډلې او د چاپېریال ساتنې ملاتړ کوونکي بنسټونه راتلل.
اوس د نوي قانون پر اساس، هر بهرنی سازمان چې موسس او شریکان ېې د یو بهرني هېواد بنسټونه وي، کېدای شي د «نامطلوبو» سازمانونو په نوملړ کې شامل شي.
د نوي قانون له مخې، د دا ډول سازمانونو په فعالیتونو کې برخه اخیستل تر ۴ کاله د حبس سزا او په یو لړ وظیفوي موقفونو د تصدۍ حق سلبول له ځانه سره لري. له دې نه علاوه، د دا ډول سازمانونو مالي تمویلول، کیدای شي د ۵ کاله حبس سزا سره مخ شي. له دې ټولو ورهاخوا، په نوي قانون کې د دا ډول سازمانونو د فعالیتونو له پاره تر شپږ کاله پورې د حبس سزا په نظر کې نيول شوې ده.
په روسیه کې د «نامطلوبو» سازمانونو شمېر، په اوکراین کې د دغه هېواد د جګړې تر پېلېدو وروسته په شدیده توګه لوړ شوی دی. د رپوټونو پر اساس، روسي چارواکو په ۲۰۲۲ ميلادي کال کې ۲۳ سازمانونه «نامطلوب» اعلان کړل. تېرکال د دا ډول سازمانونو شمېر ۵۸ ته ورسېد. خو د روان کال د اګست میاشتې له ۱۴مې راهیسې، په روسيه کې شاوخوا ۲۰۰ سازمانونه د «نامطلوبو» بنسټونو په توګه درجه بندي شوي دي.
mks(nz/Aj/af/(dw)
له آرشیف څخه:
رپوټ: وروستۍ دوه لسیزې نړۍ کې ۱۶۶۰ خبریالان وژل شوي
د بې پولې خبریالانو د بنسټ د رپوټ له مخې، تېرو شلو کلونو کې په ټوله نړۍ کې شاوخوا ۱۶۶۰ خبریالان وژل شوي دي. په دغه رپوټ کې له سوریې وروسته افغانستان او عراق د خبریالانو له پاره تر ټولو خطرناک هېوادونه ښودل شوي. انځور: DIPTENDU DUTTA/AFP/Getty Images تېرو شلو کلونو کې څومره خبریالان وژل شوي؟ د بې پولې خبریالانو د بنسټ د رپوټ له مخې، تېرو شلو کلونو کې په ټوله نړۍ کې شاوخوا ۱۶۶۰ خبریالان وژل شوي دي. په دغه رپوټ کې له سوریې وروسته افغانستان او عراق د خبریالانو له پاره تر ټولو خطرناک هېوادونه ښودل شوي.
انځور: Reuters/O. Sobhani ۹۵ سلنه نارینه خبریالان وژل شوي RSF یا د بې پولې خبریالانو بنسټ د جمعې پر ورځ اعلان وکړ، چې وروستۍ دوه لسیزې ټوله نړۍ کې ۱۶۶۰ خبریالان په مستقیمو او غوښتل شویو وژنو، بریدونو او جګړو له امله په جګړهییزو سیمو کې وژل شوي دي. د دغه بنسټ په حواله، وژل شوي ۹۵ سلنه نارینه خبریالان دي.
انځور: picture-alliance/AP/H. Sarbakhshian د خبریالانو له پاره خطرناک هېوادونه له ۲۰۰۳ ز کال راهیسې تر اوسه یوازې په عراق کې ۳۰۰ خبریالانو او رسنیز کارکوونکي وژل شوي. له هغې وروسته افغانستان، یمن، د فلسطین ځینې سیمې او سومالیا په نړۍ کې د خبریالانو له پاره خطرناک هېوادونه دي.
انځور: Mohamed Abdiwahab/AFP شل کاله وړاندې د اپریل په اومه د آلمانۍ فوکوس اونیزې یو خبریال کریستیان لیبیک په داسې حال کې عراق کې د یوه راکیټي برید ښکار شو، چې هغه هېواد کې یې د امریکا متحده الاتو له یوه پوځي واحد سره ملتیا کوله. راکیټ د پوځ پر قرارګاه لګېدلی و. په دغه راکیټي برید کې د ال موندو هسپانوۍ ورځپاڼې هسپانوی خبریال جولیو انګویتا پارادو او دوه نور سرتېري هم وژل شوي وو.
انځور: Manuel Velasquez/AA/picture alliance د دغه بنسټ په حواله، په تېرو دوو لسیزو کې د جګړهيیزو سیمو پرتله په امن او خوندي سیمو کې ډېر خبریالان وژل شوي دي په ځانګړي ډول مکسیکو، برازیل او کلمبیا کې د پلان شویو جنایتونو او فساد په اړه څېړنیزه خبریالي «ډېره سخته» خطرناک وه.
انځور: AP د بې پولې خبریالانو د بنسټ یا آر ایس ایف په خبره؛ په ۲۰۲۱ کال ټوله کې ۵۱ او او همدا تېر ۲۰۲۲ کال بیا ۶۰ خبریالان وژل شوي دي.
انځور: Madalena Sampaio/DW د بې پولې خبریالانو د بنسټ د رپوټ تر مخه، روسیه اوس هم د هغو هېوادونو په سر کې ده، چې ډېر خبریالان پکې وژل شوي.
انځور: Zoeringer/Imagespic Agency/IMAGO له هغه مهاله چې ولادیمیر پوتین واک ته رسېدلی، پر رسنیزو ازادیو سیستماتیک بریدونه شوي، چې له دې جملې د ۲۰۰۶ کال د اکتوبر پر اومه د انا پولیتکوفسکایا د وژنې په ګډون ۳۷ وژونکې پېښې دي.
انځور: picture-alliance/AP/M. Ugarte افغانستان کې د خبریالانو وژل له سوریې وروسته افغانستان او عراق د خبریالانو له پاره تر ټولو خطرناک هېوادونه ښودل شوي.
انځور: DIPTENDU DUTTA/AFP/Getty Images
