د روسیې د مرکچي پلاوی مشر، کریل دمیتریف، چې دا وخت په امریکا کې دی ویلي چې دامریکا لور سره د اوکراین جګړې د پای پر سر مذاکرات تر اوسه په رغوونکې توګه پر مخ ځي. دمیتروف خبریالانو ته وویل: «بحثونه په رغوونکي توګه ادامه لري.» د روسیې خبري آژانس تاس، د هغه له قوله ویلي چې دغه مذاکرات د شنبې په ورځ پیل شوي چې یکشنبه به هم ادامه ولري.
مذاکرات د امریکا د فلوريدا ایالت په میامي ښار کې روان دي چې په کې د امریکا د ولسمشر دونالد ترمپ ځانګړی استازی ستیف ويتکوف او زوم ېې جرید کوشنر هم ګډون لري.
روسیې څه باندې درې نیم کاله مخکې پر اوکراین پوځي یرغل وکړ. ترمپ په جنوري میاشت کې سپینې ماڼۍ ته له راتلو راهیسې هڅې روانې کړي تر څو دغه جګړه پای ته ورسوي.
د برلین د تېرې اوونۍ خبرو اترو وروسته په امریکا کې دا دوهم پړاو مذاکرات دي چې ترسره کيږي.
امریکا، اوکراین او د اروپايي هېوادونو رهبرانو د تېرې اوونۍ د یکشنبې او دوشنبې په ورځو په برلین کې په خپلو کې خبرې اترې درولودې او اوس د امریکا مرکچي پلاوی غواړي پر نتایجو ېې له روسي پلاوي سره وغږیږي. واشنګټن په دغو مذاکراتو کې خپل ځان ته د یو منځګړي په توګه ګوري. تمه ده د آلمان د صدراعظم فریدریش مېرڅ د خارجه پالیسۍ سلاکار، ګونتر زاوتر او همدارنګه د اوکراین او نور اروپايي استازي هم د فلوریدا خبرو اترو ته ځانونه ورسوي.
د روسیې د ولسمشر ولادیمیر پوتین ویاند ويلي پوتین چمتو دی په اوکراین کې د روانې جګړې پر سر د فرانسې له ولسمشر امانویل ماکرون سره خبرې وکړيانځور: Ludovic Marin/AFP/Getty Images رسنیو رپوټ ورکړی چې له ویتکوف سره یوه بله غونډه هم پلان شوې چې په هغې کې به د بریتانیا او فرانسې استازې هم ګډون ولري، خو د آلماني او روسي استازو تر منځ غونډه پلان شوې نه ده.
پوتين ماکرون سره خبرو ته چمتووالی ښوولی
د روسیې د ولسمشر ولادیمیر پوتین ویاند ويلي دي چې پوتین چمتو دی په اوکراین کې د روانې جګړې پر سر د فرانسې له ولسمشر امانویل ماکرون سره خبرې وکړي.
دمتري پېسکوف دغه څرګندونې په یوه مرکه کې چې د یکشنبې په ورځ خپره شوې، کړي دي. هغه ریانویستي خبري آژانس ته وویل چې پوتین «له ماکرون سره خبرو اترو ته خپل چمتووالی ښودلی دی.»
په ورته وخت کې د فرانسې ولسمشر امانویل ماکرون ويلي چې هغه په دې باور دی چې اروپا باید په اوکراین کې د جګړې د پای له پاره روانه اوونۍ له پوتین سره تماس ونیسي.
هغه وویل: «زه په دې باور یم چې دا د اروپايانو او اوکراینانو په توګه زموږ په ګټه ده چې د بیا خبرو اترو له پاره یوه مناسب چوکاټ پیدا کړو.»
له دغو خبرو سره جوخت اروپايي رهبران د جمعې په ورځ اوکراین ته د ۹۰ ميلیارډه یورو پور پر ورکړې سلا شول چې معادل د ۱۰۵ میلیارډه امریکايي ډالرو کیږي.
له آرشیف څخه (17.12.2022):
په اوکراین کې جګړه، بې برقي او سوړ ژمی
روسېې د اوکراین پر ملکي زېربناو لکه د برېښنا پر تاسیساتو خپلې حملې جاري ساتلي. په ملیونونو خلک په موقتي توګه له برېښنا بې برخې شوي دي، آن اوبو او ګاز ته لاسرسی نه لري. خلک د معمول خلاف سږکال له یو سخت ژمي سره مخ دي. انځور: Pool Philip Reynaers/dpa/Belga/picture alliance د اوکراین په دونيڅک سېمه کې يو ټانک ولاړ دی. دونیڅک ېوه له هغو سیمو ده چې تر ټولو ډیره جګړه په کې شوې ده. د ژمي پيل، ورښتونو او سړې هوا د عسکرو له پاره د جګړې ادامه او یا ېې درول ډير سخت کړي دي. له وضعيته ښکاري چې اوکراین له یو سخت ژمي سره مخ دی. په عین حال کې روسي ځواکونو خپلې حملې هم جاري ساتلي دي.
انځور: Metin Aktas/AA/picture alliance د اوکراین خیرسون ښار يو له هغو سیمو څخه ده چې اوکرایني ځواکونو بېرته له روسي ځواکونو څخه نېولې ده. په انځور کې د دغه ښار اوسیدونکي لیدل کيږي چې د مرستو ترلاسه کولو له پاره په کتار کې ولاړ دي. اوکراین خیرسون وروسته له هغې ونيو چې روسي ځواکونه ورڅخه ووتل او د دينپرو سیند هاخوا څنډې ته ولاړل.
انځور: Chris McGrath/Getty Images بخموت د اوکراین په دونیڅک سیمه کې واقع دی. په انځور کې ښکاري چې د روسي ځواکونو په حملو کې یو ساختمان تخریب او بیا ېې اور اخیستی دی. اوکرایني چارواکو په وروستيو کې ويلي دي چې روسي ځواکونه هڅه کوي د بخموت ښار پر لور تللې لوی لارې بندي کړي چې په همدی موخه ېې پر شاوخوا کليو باندې بمباري او بریدونه ډير کړي دي.
انځور: YEVHEN TITOV/AFP/Getty Images د ټول هیواد په کچه د برېښنا پرچاوي په دغه انځور کې د اوکراین مرکز اړوند د برېښنا د لوړ ولتاژ یو تخریب شوی ستيشن ښکاري. روسي ځواکونو د اوکراین د انرژۍ پر تاسیساتو خپلې حملې وروسته له هغې لاپسې ډيرې کړې چې دغه ځواکونه له ځينو سیمو ووتل او یا ېې د اوکرايني ځواکونو پر وړاندې ماتې وخوړې. پر تاسیساتو حملو، په اکتوبر میاشت کې زور واخیست.
انځور: Ed Ram/Getty Images د جګړې د قربانيانو له پاره دا په اوکراين کې د سږني ژمي لومړنۍ واوره ده چې په اورېدو سره ېې په خلکو کې د یو سخت ژمي وېره راپېدا کړې ده. په انځور یوه ښځه د کيف ښار په خپلواکۍ میدان کې د جګړې د قربانيانو په یاد یوه شمعه بلوي.
انځور: Jeff J Mitchell/Getty Images د اوکراین د برېښنا پر تاسیساتو د روسي ځواکونو له دوامداره بریدونو سره په ټول اوکراین کې د برېښنا پرچاوۍ کيږي. د اوکراین ولسمشر ولودیمیر زیلنسکي، په وروستیو ورځو کې د پخواني شوروي اتحاد پر وخت په اوکراین کې د راغلې قحطۍ د نويمې کلیزې په مناسبت غونډه کې وويل: «هغه وخت هغوی غوښتل موږ له لوږې مړه کړي او اوس په سړې هوا او تیارو سره.»
انځور: Metin Aktas/AA/picture alliance ګرمو جامو ته ډيره اړتيا ده... په اوکراین کې خلک له يو او بل سره د ګرمو جامو مرستې کوي. د اوکراین په لويديځ کې د ونيز د رضاکارانو مرکز وايي چې تر ټولو ډير ګرمو جامو لکه پشمي خولۍ، دستکشې او کمپلو ته اړتیا ده. حکومت په کیف کې د لا ډيرو جنراتورنو او ترانسفارمرونو د لګولو امر کړی خو دغه وسایل ډير کم عرضه کيږي.
انځور: Hudak Serhii/Ukrinform/ABACA/picture alliance ۴۴ کلن ولادیمیر چې د لويو ښار اوسيدونکی دی د خپل کور په تهکاوۍ کې د مربا په مرتبانونو کې ساتلي خوراکي مواد چې د هغه مور تیار کړي دي کنټرولوي. ډيرو اوکراینيانو په ګرم موسم کې ځانونو ته خوراکي مواد زيرمه کړي، څو په ژمي کې ورڅخه استفاده وکړي. په وروستیو کې د کيف ښاروال هم له خلکو غوښتي ول چې د احتیاط له پاره په کورونو کې خوراکي مواد زيرمه کړي.
انځور: Gaelle Girbes/Getty Images یو خیریه بنسټ د کیف په یوه واټ کې له خلکو سره د ګرمو خوړو او دستکشو مرسته کوي. په وروستیو کې د ناټو د بهرنيو چارو وزیران د رومانيا په بخارست کې راټول شوي ول. دوی په خپلو غونډو کې د اوکراین د انرژۍ زیربناو د بېا رغاونې په ګډون له دغه هیواد سره د لاډیرو مرستو په اړه بحثونه وکړل.
انځور: Jeff J Mitchell/Getty Images دغه انځور د ۲۰۲۲م کال د مارچ میاشتې یا د جګړې د لومړيو اوونيو دی. په انځور کې ښکاري چې د اوکراین د ايرپين ښار څخه ملکيان د روسي قواوو د بریدونو له کبله د تېښتې په حال کې دي. دغه لړۍ لا هم ادامه لري. په بريتانيا کې د آلمان سفير شاوخوا یوه اوونۍ مخکې د روسېې بریدونو ته په اشارې، په ژمي کې آلمان ته د اوکرایني مهاجرو د ېوې نوې احتمالی څپې څخه خبره کړې وه.
انځور: Emin Sansar/AA/picture alliance د اوکراین حکومت په ټول هیواد کې بې ځایه شوو خلکو له پاره له خیمو څخه موقتي سرپناوې جوړې کړي دي. په دغو خیمو کې بخارۍ او برېښنا هم شته او راغلو خلکو ته پکې ډوډۍ هم ورکول کيږي. په انځور کې دغه مهاجره جوړه په بوچا کې ېوې ګرمې خيمې ته پناه وروړې ده، خو په دغو خیمو کې انټرنيت ډیر ضعیف دی.
انځور: Evgeniy Maloletka/AP/picture alliance په آلمان کې له اوکراین سره د مرستو ټولو لړۍ په چټکۍ روانه ده. په دغه انځور کې د آلمان ولسمشر فرانک والتر شتاین ماير، د آلمان له پاره د اوکراین سفیر اولیکسي مکایوف او د المان د سره صلیب ادارې مشره ګیردا هاسیل فېلدت ليدل کيږي. د آلمان حکومت په کراتو اوکراین څخه د ملاتړ خبره کړې ده.
انځور: Bernd von Jutrczenka via REUTERS
