د اوکراین د کورنیو چارو وزير ایګور کلیمينکو د سه شنبې په سهار (د نومبر ۱۲م)  وويل چې د پېښې په ځای کې د ژغورنې عملیات پای ته رسيدلي او زیاته ېې کړه چې په دغه حمله کې ۴ کسان وژل شوي او ۱۴ نور ټپیان شوي دي.

وزير په یوه اعلاميه کې چې پر ټولنیزې رسنۍ ېې خپره کړې، ويلی دي چې «د روسيې په دغه حمله کې تر ټولو کوچنی قرباني یوازې د دوو میاشتو یو ماشوم دی. په دغه توغندیز برید کې ۴ کسان وژلي شوي دي چې یوه مور او درې ېې ماشومان دي.»

د اوکراین لويې څارنوالۍ ويلي دې چې د وژل شوې ۳۲ کلنې مور او د هغې د دوه میاشتني ماشوم او د دوو نورو ماشومانو جسدونه ېې له ویجاړیو رايستلي دي. د دوو نورو ماشومانو عمرونه ۱۰ او ۲ کاله ښودل شوي دي.

اوکرايني چارواکو دغه راز ويلي دي چې د اوکراین په جنوبي ښار زاپريژیا کې هم روسي ځواکونو حمله کړې چې دوه کسان پکې ټپیان شوي دي.

زاپريژیا د اوکراین د هغو څلورو سیمو يوه ده چې مسکو په ۲۰۲۲م کال کې په خپله خاوره کې د الحاق اعلان وکړ سربېره پر دې چې پر هغو بشپړ پوځي کنټرول نه لري.

(AFP)mks/nz