د مهاجرو له پاره د اروپايي ټولني کمېسيون مرستيال، مارگاريتيس سکيناس څو وخته مخکي له نوموړي هيواد څخه د ممکنه مهاجرو د شمير اټکل د ۲۰ زرو او څه د پاسه يو ميليون ترمنځ کړي وو. د ملگرو ملتو د کډوالو چارو ادارې په حواله همدا اوس لا شاوخوا ۱۰۰ زره انسانان له اوکراين څخه د تېښتي په حال کي دي.
آيا اروپايي ټولنه له اوکراين څخه د مهاجرو راتگ ته آماده ده؟
د اروپايي ټولني کمېسيون د مشري اورزولا فون دير لاين، په حواله د اروپايي ټولني له ټولو ختيځو هيوادونو سره داسي يو«اضطراري پلان» جوړ سوی چي له مخي به يې له اوکراين څخه سمدستي مهاجر ومنل سي. فون دير لاين وويل: »موږ تمه لرو چي د امکان تر حده لږ مهاجر وي، خو بيا هم موږ ورته پوره آمادگي لرو.« د اروپايي ټولني د داخله چارو کميساري، ايلوا يوهانسن ويلي دي، پولند چي ښايي ډېر زيات اغيزمن سي، د مالي ملاتړ وعده ورکړل سوې ده، همدارنگه د اروپايي ټولني د سرحدي دفاع سازمان فرونتکس له لاري هم ممکنه مرستي تياري دي.
آلمان ته څه شي ګوري؟
د جرمني د کورنيو چارو وزيري نانسي فيزر په خبره، د آلمان حکومت له اوکراين څخه د مهاجرت څپې ته آماده دی. هغې د اوکراين مستقيمو گاونډيو هيوادونو په خاص ډول پولنډ ته د ملاتړ ژمنه وکړه. د آلمان ايالتونه په تيره بيا برلين او نيدرزاکسن د دغو مهاجرو منلو ته آمادگي ښودلې ده.
فيزر د اروپايي ټولني له يوې پريکړي څخه خبره وکړه ترڅو له جگړو مهاجرتونه پرته له کومي بيوروکراسۍ څخه ممکن سي.
د بشري حقونو سازمان «پرو ازيول» په دې اړه خپل ږغ پورته کړی چي، هغه کسان هم بايد ومنل سي چي مخکي له دې د نورو جگړو له امله اوکراين ته راتښتيدلي دي. د نوموړي سازمان په حواله په هغو کي د افغانستان، سوريې، چيچنيا او سوماليا اتباع شامل دي.
د اوکراين ګاونډي هيوادونه دغو مهاجرو ته څه ډول تياری نيسي؟
پولند له اوکراين سره څه د پاسه ۵۰۰ کيلومتره اوږد سرحد لري او اعلان يې کړی دی چي د اوکرايني مهاجرو له پاره د ځای پرځای کولو لومړني مرکزونه جوړوي.
د دغه هيواد د کورنيو چارو وزارت په حواله به دغه سرپناوي د دواړو هيوادونو ترمنځ په سرحدي لارو کي جوړي سي. د پولند داخله وزير ماريوڅ کامينسکي ويلي: «پولند به دومره ډېر انسانان ومني، هغومره چي يې په سرحد کي د ځای پرځای کيدو امکان وي.»
هنګري په روانه اونۍ کي اعلان وکړ چي خپل سرتيري به د بشري او امنيتي دلايلو له امله له اوکراين سره پولي ته واستوي، ترڅو د ممکنه راغلو مهاجرو غم وخوري.
همدارنگه د مالداويا جمهوريت هم چي د اروپايي ټولني غړی نه دی او له اوکراين سره سرحد نه لري. ولسمشري مايا ساندو د پنجشنبې په ورځ په تويتر کي ليکلي چي، تر اوسه پوري څه د پاسه ۴۰۰۰ انسانان له اوکراين څخه د هغوی هيواد ته رارسيدلي دي.
GP/NZ/AG
د اوکراين او روسیې د نظامي قدرت مقايسه په انځورونو کې
د روسیې او اوکراين ترمنځ کړکېچ ورځ تر بلې پراخيږي او روسیې خپل ډېر عسکر او تجهيزات د اوکراين پولې ته څېرمه ځای پر ځای کړي دي. د روسیې او اوکراين د نظامي قدرت مقايسه په دې انځوریز راپور کې. انځور: picture alliance/dpa/Russian Defence Ministry له اوکراين سره پر پوله د روسي پوځ ځای پر ځای کیدل روسيې خپل تر ۱۰۰ زرو ډېر عسکر له اوکراين سره پر پوله مستقر کړي دي. امريکا هم په اوکراين کې د خپلو ديپلوماتانو له کورنيو غوښتنه کړې ده چې له دغه هيواده ووځي او اوکراین ته نظامي مرسته روانه کړې ده. د کړکېچ په پراخيدو سره د دواړو هيوادونو ترمنځ د جګړې امکان هم ډېر شوی دی.
انځور: Maxar Technologies/AFP د پوځي پرسونل د شمېر مقايسه د روسیې او اوکراين د نظامي قدرت ترمنځ د پرتلنې له پاره ټولو سترو او کوچنيو بعدونو ته بايد کتنه وشي. د اوکراين پوځ ۲۰۹ زره پرسونل او ۹۰۰۰ د ذخيرې عسکر لري. د روسیې پوځ بيا يو ميليون او ۱۴ زره نفر پرسونل او ۲ ميليون کسان د ذخېرې عسکر لري.
انځور: Gleb Garanich/REUTERS د روسیې پوځ ۱۲ زره او ۴۲۰ ټانکونه لري په داسې حال کې چې د اوکراين پوځ بيا ۲ زره او ۵۹۶ ټانکونه په اختيار کې لري. (انځور په اوکراين کې د استقلال د ورځې دی)
انځور: Efrem Lukatsky/AP/dpa/picture alliance د روسیې پوځ ۶ زره او ۵۷۴ او د اوکراين پوځ بيا يو زر او ۶۸ توپونه لري.
انځور: picture alliance/dpa/Russian Defence Ministry د روسیې د پوځي موټرو شمیر ۳۰ زرو او ۱۲۲ ته رسېږي. د اوکراين پوځ بيا ۱۲ زره او ۳۰۳ نظامي موټر لري.
انځور: Russian Defense Ministry/AP/picture alliance د روسیې پوځ د ۳ زره او ۳۹۱ توغنديو خودکاره سيسټمونه لري، په داسې حال کې چې اوکراين بيا د ۴۹۰ خودکاره توغنديو سیسټمونه لري. (انځور د روسیې د توغنديو د «بوک ام ۳» سيستم دی)
انځور: Evgenia Novozhenina/REUTERS د روسیې پوځ د ۷۰۰ او ۷۲ جنګي الوتکو په درلودو سره پر اوکراين برلاسی دی. دغه هېواد يوازې ۶۹ جنګي الوتکې لري. (انځور د روسیې د پوځ د هوايي مانورو پر وخت اخیستل شوی).
انځور: picture-alliance د نظامي څرخي الوتکو مقايسه بله هغه ساحه چې روسیه پکې پر اوکراين برلاسې ده د جنګي څرخي الوتکو برخه ده. روسيه ۵۴۴ هیلي کاپترونه لري. دا په داسې حال کې ده چې اوکراين يوازې ۳۴ جنګي څرخي الوتکې په اختيار کې لري. (انځور د اوکراين د ترابري ميل ۸ څرخي الوتکې دی چې د روسیې جوړې څرخې الوتکې دي).
انځور: Preston Hammon/Us Army/Plane/ZUMA/picture alliance په سمندر کې هم د روسیې پوځ د اوکراين د پوځ په مقابل کې بشپړ برلاسی دی. د روسیې سمندري ځواکونه ۶۰۵ جنګي بيړۍ لري. د اوکراين پوځ بيا يوازې د ۳۸ جنګي کښتيو خښتن دی. (عکس د روسیې د يوه جنګي بيړۍ دی چې تر غږ چټک توغندي د توغولو پر مهال اخيستل شوی).
انځور: Russian Defence Ministry/picture alliance/dpa د اوبو په ژورو کې هم روسیه د ۶۴ اوبتلونو په درلودو سره پر اوکراين چې يوازې يو اوبتل لري، برلاسې ده. (عکس د روسیې د ديمتري دونسکوي په نوم اوبتل دی).
انځور: picture-alliance/TASS/P. Kovalev په داسې حال کې چې اوکراين عملاً هیڅ دافع هوا سیسټم نه لري، روسیه د « اس – ۳۰۰ » او «اس – ۴۰۰» ډېر عصري دافع هوا سيسټمونه لري. په دې وروستیو ورځو کې روسیې په سپینه روسیه کې د نظامي مانورو د یوې برخې په توګه د توغنديو اس – ۴۰۰ سيسټم نصب کړ.
انځور: Maksim Blinov/Sputnik/dpa/picture alliance په ۲۰۲۰م کال کې د روسيې نظامي بودجه ۶۶ مليارده او ۷۰۰ ميليون ډالر وه. د دې په مقابل کې بيا په همدې کال کې د اوکراين پوځي بودجه ۵ ميليارده او ۹۲۴ ميليون ډالر وه.
انځور: Aleksey Nikolskyi/Sputnik/dpa/picture alliance
