زيلنسکي په پاريس کې: اوکراین له فرانسې ۱۰۰ جنګی الوتکې پيري
۱۴۰۴ آبان ۲۶, دوشنبه
د فرانسې ولسمشر امانویل ماکرون د «ویلاکوبله» په هوایې اډه کې د اوکراین د ولسمشر ولادیمیر زیلنسکي هرکلی وکړ.
تر اوسه پورې د خریدارۍ د دې تړون د ارزښت او مالي تمویل د څرنګوالي په هکله معلومات نه دي خپاره شوي. زیلنسکي د یکشنبې په ورځ په ایکس تولنیزه شبکه کې ویلي و چې پاریس ته د فرمایش ورکولو محور له فرانسې سره «تاریخي موافقې» ته لاسرسی دی.
د دې موافقې هدف د روسیې د پوځي حملو په مقابل کې د اوکراین د هوایي دفاعي وړتیا زیاتول په ګوته شوي دي. په هر حال له دې عصري جنګي الوتکو څخه د عملیاتو له پاره استفاده به د پیلوټانو د روزنې د پيچلي او اوږدمهاله بهیر له کبله ډیر وخت ونیسي.
ماکرون تیره میاشت ژمنه کړې وه چې د کیف په اختیار کې د میراژ ډول نورې جنګي الوتکې او د آستر-۳۰۰ توغندیو محموله چې اوکراین یې د SAMP/T هوایي دفاع په دستګاه کې ترې استفاده کوي، ورکوي.
د باخبره سرچینو په حواله د زیلنسکي سفر ممکن د SAMP/T د لا زیاتو دستګاو پر سر د موافقې سبب شي. د مکرون دفتر له دې سفر مخکې اعلان کړی و چې هدف د اوکراین دفاع ته د فرانسې د بهتره وسلو په اختیار کې ورکول دي.
د «رافایل» تړون خبر له خپریدو وروسته د دغې الوتکې د جوړونکي شرکت «داسو» د سهامو ارزښت شاوخوا ۵ سلنه زیات شوی دی.