د جمعې ورځې دغه بريد درې ورځې وروسته له هغه کيږي چې په عين سيمه کې يوه ځانمرګي د پوليسو د يوې حوزې له دروازې سره خپل موټر ټکر کړ چې پنځو نورو تنو ورپسې ډزې پيل کړې وې. په دغه سږکال تر ټولو خونړي بريد کې ۲۳ امنيتي ځواکونه وژل شوي ول.
د پوليسو ځايي مشر افتخار شاه ويلي، اوس په ډېره اسمعيل خان پورې مربوط ټانک ښار کې دوه پوليس وژل شوي او درې نور ټپيان دي. په دغه بريد کې دوه بريد کوونکي هم وژل شوي دي.پاکستان لویدیځ ته د تلونکو افغانانو د پاتې کیدو مهلت غځولی
د هغه په خبره يو بل دريم بريدګر هم د عسکرو له خوا پر څېرمه پرتې پوستې د بريد پرمهال ووژل شو. يو څو ساعته وروسته بيا پاکستاني طالبانو د خيبر په سرحدي سيمه کې پر يوې پوځي پوستې بريد وکړ چې دوه عسکر پکې ووژل او پنځه نور ژوبل شول.
دغه خبره د پوليسو ځايي چارواکي سليم خان کړې ده. د جمعې ورځې د دغو بريدونو مسئوليت کوم چا نه دی منلی، خو ګمان کيږي چې پاکستاني طالبان به يې ترشا ولاړ وي. دغه ډله د افغانستان له طالبانو څخه جلا ده، خو د هغوی متحده بلل کيږي.پاکستان د وروستي برید په تړاو د طالبانو سفیر احضار کړی
د سه شنبې ورځې موټربم بريد پړه د تحريک جهاد پاکستان په نوم نوې ډلې منلې ده چې د پاکستاني طالبانو څخه بېله شوې ډله بلل کيږي. پاکستان د ۲۰۲۲م کال راهيسې د بريدونو زياتوالی مشاهده کړی له کله راهيسې چې پاکستاني طالبانو اوربند پای ته ورساوه.
تر ټولو مرګونې مياشت جنوري وه کله چې يوه ځانمرګي بريدکوونکي چې د پوليسو جامې يې اغوستي وې، په پېښور کې يې پر یوه جومات بريد وکړ چې ۱۰۱ تنه يې ووژل. په دې کې ډېر پوليس ول.پاکستان: د امنيتي ځواکونو پر مرکز په بريد کې ۲۳ کسان وژل شوي
پاکستان د سه شنبې ورځې د بريد په نتيجه کې د طالبانو يو استازی احضار کړ. خو د طالبانو وياند، ذبيح الله مجاهد ياد بريد وغانده او د پلټنې ژمنه يې وکړه.
پاکستان څه ډول توغندي لري؟
د پاکستان د اتومي انرژۍ کمېسيون، کهوټا تحقيقاتي ادارې، سپارکو او د دفاعي علومو او تکنالوژۍ سازمان په ګډه د توغنديو پر تخنيک څېړنې پېل کړې وې. په دې ګالرۍ کې د پاکستاني توغنديو په اړه جزيات ترلاسه کولی شئ:
انځور: ISPRپاکستاني توغندي او واټن یې
د پاکستان د بالستيک ميزايل پروګرام له نزدې واټن څخه نيولې تر منځني واټن ويشتلو پوري وړتيا لرونکي ميزايل لري.
حتف ون يا حتف يو د لنډ واټن لومړی بالستېک میزايل وو چې پاکستان جوړ کړی وو او په لومړي سر کې یې له ۷۰ تر ۱۰۰ کلوميترو پورې واټن وهلای شوای. دا ميزايل د سپارکو شرکت د نورو په مرسته په ۱۹۸۹م کال کې جوړ کړی وو. دا په ۱۹۹۲م کال کې د پاکستان پوځ ته وسپارل شو.
حتف اته يا رعد دوه توربو جېټ پاور کروز ميزايل دی. پاکستان د ۲۰۰۷م کال په اګست کې د دې آزموينه پيل کړې وه. د رپوټونو په حواله تر يو شمير تجربو وروسته د ۲۰۱۶م کال په جنورۍ کې ترسره شوې تجربه یې تر اوسه تر ټولو بريالۍ وه. دا ميزايل تر ۳۵۰ کيلومترو پوري واټن وهي.
حتف شپږ، شاهين دوه توغندی
شاهين دوه د منځني واټن بالستېک توغندی په اصل کې د شاهين ون توغندي عصري شکل دی چې په لومړي سر کې د شاهين ون توغندي سره د دويمې درجې د موټور په توګه لګول شوی وو. په ۲۰۰۰م کال کې د جوړ شوي دې توغندي آزموينه په ۲۰۰۴م کال کې وشوه، په داسې حال کې چې د نصبولو وروستۍ تجربه یې په ۲۰۱۴م کال کې ترسره شوه. دا ميزايل د ۱۵۰۰ او ۲۰۰۰ ترمنځ واټن وهلې شي.
حتف دوه يا د لنډ واټن ابدالي بالستېک توغندي ته په لومړي سر کې د حتف ون میزايل د دويمې مرحلې د بڼې په سترګه کتل کيدل او دا د حتف ون میزايل په لاندنۍ برخه کې نصب شوی وو. له دې کار څخه موخه د ميزايل واټن زياتول وو. د توغندی د ۲۸۰ څخه تر ۴۰۰ کلوميترو پورې واټن وهلی شي.
د پاکستان د حتف پنځه توغندي د جوړولو کار په اتيايمه لسیزه کې پیل شوی وو چې وروسته د غوري په نوم ونومول شو او په ۱۹۹۸م کال کې و آزمويل شو. غوري دوه بالستېک میزايل کې د فولادو پر ځای المونيوم کارول شوي ول چې له کبله یې دا تر ۱۸۰۰ کلوميترو پورې واټن وهلی شي.
په ميزايل تکنالوژۍ کې د پاکستان تر ټولو مهمه وسله د ابابيل توغندی دی. دا ميزايل په يوه وخت کې تر ۲۲۰۰ کيلومترو واټن پورې څو اهدافه په نخښه کولی شي. دا توغندی د کهوټا تحقيقاتي مرکز ساينس پوهانو او انجينرانو جوړ کړی او لومړۍ آزموينه یې د ۲۰۱۷م کال په جنورۍ مياشت کې شوې وه.
حتف څلور، شاهين ون توغندی
د حتف څلور يا شاهين ون توغندي د جوړولو چارې په ۱۹۹۳م کال کې پېل شوې وې او لومړۍ آزموينه یې د ۱۹۹۹م کال په اپريل مياشت کې ترسره شوې وه. د ۲۰۰۲ او ۲۰۱۰م کالونو ترمنځ موده کې یې تخنيک عصري کړل شو او نورې آزموينې یې ترسره شوې. دا ميزايل له ۷۵۰ څخه تر ۹۰۰ کيلومتره پورې واټن وهلی شي او د ۲۰۰۳م کال په مارچ مياشت کې د پاکستان پوځ ته وسپارل شو.
له پاکستانه د افغان مهاجرو اخراجپښتونخواپاکستان
