د نړۍ تر ټولو بډای شخص او د امازون شرکت مالک، جف بزوس د جولای مياشتې په ۲۰مه په فضا کې د امازون شرکت سفينې «بلو اوریجین» ته سفر کوي. له بزوس سره د هغه ورور او ۸۲ کلن پيلوټ، والی فانک هم ملګري دي.
د دغه پرواز یوه بله چوکۍ مزايدې ته وړاندې شوې چې پر یوه شخص باندې په ۲۸ ميلیونه ډالره پلورل شوې، خو د دغه شخص نوم تر اوسه افشا شوی نه دی.
د بلو اوریجين فضايي شرکت مالک، جف بزوسانځور: Blue Origin/ZumaPress/picture alliance
برانسون پر خپل ټويټر لیکلي دي: «زه تل یو خیال جوړونکی انسان وم. مور مې راته راوښودل چې هيڅ کله په پښو کښيننم او ستورو ته ورسیږم. اوس د دې وخت رارسيدلی چې هماغه خیال عملی کړم.»
دغه ۷۱ کلن ميليارډر ویلي دي چې باید ډیر انسانان فضا ته د سفر کولو چانس ولري. د برانسون له قوله ویل شوي چې هغه په پام کې لري د جولای په ۱۱مه د يوې «ډیرې هیجاني» رسمې اعلاميې له لارې د خپل سفر جزئیات اعلان کړي.
اوس مهال د جف بزوس شرکت، بلو اوریجین او د ریچارد برانسون شرکت، ویرجین ګالاکتیک پر سختې سیالۍ بوخت دي تر څو فضا ته دوامداره توریستي سفرونه ممکن کړي.
د فضانوردۍ د خصوصي شرکتونو په بازار کې يو بل شرکت هم شتون لري. دا د سپیس ايکس شرکت دی چې مالک يې د تسلا موټرو د توليدونکي شرکت خاوند، ایلان ماسک دی. سپيس ایکس تر دې وړاندې له نړۍ څخه فضانوردان د آی اس اس فضايي اډې ته بيولي دي.
دویچه ویله ف/م.ک.ص./ا.خ.ح.
پر ورته موضوع زموږ له آرشيف څخه یو انځوریز البوم وګورئ!
۲۰۱۶م کال د فضانوردۍ په تاریخ کې یو له هیجانه ډک کال وو. د بریتانوي فضانورد د مراتون ځغاسته او د یوه ستورمزلي ځان وژنه د دغه لا یتناهي کهکشان د پيښو یوه کوچنۍ برخه ده.
انځور: picture alliance/dpa/ESA ATG-medialab
(Sentinel-3A)
په فبرورۍ میاشت کې د (Sentinel-3A) یا ای۳ - ماموریت سپوږمکۍ فضاء ته واستول شوه. دغه سپوږمکۍ په ځمکه کې رامنځته کیدونکي اقلیمي بدلونونه تر نظر لاندي ساتي او په دې اړه راټول کړي معلومات ځمکې ته رااستوي. دغې سپوږمکۍ تر اوسه پورې له فضاء څخه د فضاء او هغې ځمکې چې موږ پرې ژوند کوو بې ساري انځورونه را استولي دي.
انځور: Eumetsat
په آسیا کې په بشپړ ډول د لمر نیول کیدل
د مارچ په نهمه سپوږمۍ د یوي لنډې مودې له پاره پر لمر خپل سیورې وغوړاوه او یوه بشپړ لمر نیونه یې رامنځته کړه چې د اندونیزیا او آرام سمندر په یو شمیر برخو کې لیدل شوی وو. په سپټمبر کې یو وار بیا سپوږمۍ د لمر مخ ته واقع شوه، خو دا وار په دې توپير سره چې سپوږمي له لمر څخه ډیره فاصله درلوده او په بشپړ ډول لمر نیونه رامنځته نه شوه. دا وار یوه حلقوي لمر نیونه رامنځته شوې وه چې تر ښکلاء ډیر څه نه وه.
انځور: picture-alliance/dpa/Kyodo
په فضاء کې مراتون
په اپریل میاشت کې د (ISS) په نړیوال فضایې ستیشن کې بریتانوي ستورمزلي تیم پیک، په داسې حال کې چې د ځمکې پر سر په لندن کې د مراتون ځغاستې جریان درلود له دغو لسونو زرو کسانو سره یې په دغه سیالۍ کې ګډون وکړ، البته په مجازي توګه. پيک په ۳ ساعته او ۳۵ دقیقو کې له ۴۲ کیلومتره منډي وهلو سره خپل نوم د ګینس د نړیوالو ریکاډونو په کتاب کې (په فضاء کې د مراتون د تیزې منډې وهونکي) په توګه ثبت کړ.
انځور: picture alliance/dpa/H. Kaiser
کوچنۍ عطارد د لوې لمر مخکې ته
د می میاشتې په ۹ د شمسي نظام تر ټولو کوچنۍ سیاره د ځمکې او لمر تر منځ واقع شوه او په دې توګه یو کوچنی او مینیاتوري لمر نیونه رامنځته شوه. دغه لمر نیونه ۷ نیم ساعته دوام وکړ. په ندرت سره پيښیږي چې عطارد، ځمکه او لمر دې په محور کې سره راشي. یوه پيړۍ کې له ۱۳ څخه تر ۱۴ واره داسې پيښیږي.
د «جونو» له دیده
د "جونو" په نوم فضایې تحقیقې سپوږمکۍ د جولای میاشتې پر ۴مه د شمسي نظام تر ټولو لوې سیارۍ مشري په مدار کې واقع شو. «جونو» د خپل ماموریت دورۍ له پیل څخه تر اوسه پورې ډیر په زړه پورې اطلاعات او انځورونه ځمکې ته استولي دي. سره له دې چې دغه سپوږمکۍ له لمر څخه ډیره فاصله لري، خو خپل د اړتیا وړه انرژي د لمر له وړانګو څخه ترلاسه کوي.
د "شیاپارلي" په نوم د اروپا د فضایې سازمان فضایې بیړۍ باید د اکتوبر میاشتې پر ۱۹ نیټه د مریخ پر مخ ناسته کړې وایې، خو له بده مرغه یې د مریخ له سطحې سره ټکر وکړ او لمنځه ولاړه.
انځور: picture alliance/dpa/ESA
گالیلئو
د سټلایټ گالیلئو په نوم اروپایې اتحادیې او اروپا د فضایې سازمان ګډ محصول دی چې د دسمبر میاشتي پر ۱۵مه نیټه یې خپل کار پيل کړی دی. دغه سپوږمکۍ د جهت او موقعیت معلومولو، په برخه کې مرسته کوي.
