د افغانستان دا پلاوی د شنبې په ورځ (۲۰۲۵ کال د فبرورۍ ۱۵) له کابله روان شو. د ځایي رسنیو د راپورونو له مخې دا سفر به یوه اونۍ دوام وکړي. د پلاوي غړي د لوړو زده کړو، بهرنیو چارو، او اقتصاد وزارتونو چارواکي دي.
د اقتصاد وزارت مرستیال لطیف نظري، چې د دې پلاوي برخه ده، د شنبې په ورځ په ایکس (پخوانی ټویټر) ولیکل: "موږ د نړۍ سره د باعزته تعامل غوښتونکي یو چې افغانستان يې یو قوي، متحد، پرمختللی، سوکاله او فعال غړی شي."
له ارشيف څخه: طالبانو په کابل کې د جاپان د کيودو نيوز سيمه ييز خبريال نيولى دى
دطالبانو حکومت معمولاً سیمه ایزو هیوادونو ته سفرونه کوي، په ځانګړي ډول منځنۍ اسیا، روسیې او چین ته. خو له دې پرته دوی یوازې په ۲۰۲۲ او ۲۰۲۳ کلونو کې ناروې ته د دیپلوماتیکو غونډو لپاره رسمي سفر کړی و.
د جاپان سفارت په کابل کې وروسته له هغه قطر ته انتقال شو چې په ۲۰۲۱ کې پخوانی حکومت نسکور شو او طالبان واک ته ورسېدل. خو دغه سفارت له هغه وروسته بیرته په کابل کې پرانستل شو او خپل دیپلوماتیک او بشري فعالیتونه یې بيا پیل کړل.
د جاپان د عامه خپرونو شبکې NHK د افغان دیپلوماتیکو سرچینو له قوله راپور ورکړی دی چې افغان پلاوی به د جاپان حکومت له چارواکو سره د نظرونو تبادله وکړي.
د جاپان د بهرنیو چارو وزارت، چې د فرانس پرس لخوا ورسره اړیکه نیول شوې، د دې سفر په اړه سمدستي تبصره ونه کړه.
پرافغان ښځو د طالبانو د بندیزونو کرونولوژي
له هغه وخت راهیسي (۲۰۲۱م کال په اګست میاشت کې) چې طالبان بيا واک ته رسېدلي، په ځانګړي توګه يې پر ښځو باندې بندیزونو ته دوام ورکړی دی. د ډسمبر میاشتې پر ۳ نېټه یې ښځې د روغتياپالنې په برخه کې هم له زده کړو منع کړي دي.
انځور: Wakil KOHSAR/AFPطالبانو د نجونو او هلکانو پر يوځايي زده کړې بندیز ولګاوه او نارينه یې نجونو ته له زده کړو ورکولو منع کړل.
طالبانو د ښځو پر سپورت بندیز وضع کړ.
نجونې تر شپږم ټولګي پورته له زده کړو منع شوې.
نجونې او ښځې په کابل پوهنتون کې له زده کړو څخه منع شوې.
طالبانو د محرم پرته له هېواده دباندې د ښځو پر سفر بندیز ولګاوه.
پوهنتونو ته د جنسيت پر بنسټ د جلا جلا ټولګيو لارښوونه وشوه.
طابانو د تلویزیون ښځينه وياندویانو ته د مخ پټولو لارښوونه وکړه.
طالبانو ورزشي کلبونو او پارکونو ته د ښځو او نجونو پر ورتګ بندیز اعلان کړ.
تر امر ثاني پورې دولتي او شخصي پوهنتونونه ته د ښځو پر تګ بندیز اعلان شو.
تر شپږم ټولګي وروسته نجونې شخصي کورسونو ته له تګ څخه هم منع شوې.
طالبانو په نړيوالو غیر دولتي موسسو کې د ښځو پر کار بندیز ولګاوه.
ښځې په بهرنيو غير دولتي موسسو کې په ښونیزو پروګرامونو کې له ونډه اخيستو څخه منع شوې.
د طالبانو د امر بالمعروف وزارت د ښځو پر سينګارتونونو بندیز اعلان کړ.
د طالبانو د روغتيا وزارت موسسو او پوهنیزو ادارو ته امر کړی دی چې ښځينه زده کوونکي دې نورې زده کړو ته نه ورپریږدي.
