1. محتوا ته تګ
  2. اصلي مینو ته تګ
  3. د دویچه ویله نورو پاڼو ته تګ

د افغانستان د هېرو شوو کیسو له سوژو سره دوه نوي فلمونه

۱۴۰۱ آذر ۶, یکشنبه

که څه هم نړۍ د اوکراین پر جکړې تمرکز کړی دی، خو افغانستان او خلکو ته یي د پام را اړولو په خاطر دوه مهم او نوي مستند فلمونه جوړ شوي چې تیر کال په بیړه د بهرنیو ځواکونو تر وتلو وروسته له یاده ایستل شوي دي.

Streaming Plattform Netflix Logo
انځور: picture-alliance/NurPhoto/J. Porzycki

د «Retrograde» یا «شاتګ» په نوم د نیشنل جیوګرافیک فلم د یوه افغان جنرال کیسه کوي چې بې فایدې یې په ۲۰۲۱م کال کې د طالبانو د پرمختګ د مخنيوي هڅه کړې ده. نټ فلکس هم د «In her Hands» يا «د هغې په لاسونو» په نوم فلم په تولیدولو سره په دغه هیواد کې د یوې تر ټولو ځوانې ښاروالې کیسه کړې ده چې د اسلامپاله طالبانو په واکمنیدو سره له خپل هیواده تيښتې ته اړه شوې ده.

د Retrograde  فلم ډایرکټر متیو هاینمن وویل: «زمونږ له یاده وتلي دي چې په وروستي ځل مو کله د افغانستان د جګړې په هکله بحث کړی او یا مو په اړه یي مقاله لوستلې ده، دا څه وخت و؟»

اړوند: 

د تور باز خان په فلم کې له افغان ستوري سره بنډار

This browser does not support the audio element.

هغه زیاته کړه: «مشخصه ده چې تر اوسه پورې د دې هیواد په اړه یو شمیر رپوټونه موجود دي، خو ډیري خلک د هغه هیواد په هکله چې مونږ له یاده ایستلی دی، خبرې نه کوي.»

د ميدان ښار پخوانۍ ښارواله ظریفه غفاري چې د «In her Hands»  فلم په خپریدو سره ورته پام را اړول شوی دی د فرانسې خبري آژانس ته وویل چې د طالبانو د واکمنۍ پر مهال «اوسمهال افغانستان په نړۍ کې داسې یو هیواد دی چې یوه ښځه په کې کولی شي خپل بدن، اولادونه او خپل هر څه ؤپلوري؛ خو ښوونځي ته د تلو اجازه نه لري.»

په نړیوالو سیاسي غونډو کې افغانستان د بحثونو له اجنډا څخه وتلی دی، خو د دغو دواړو فلمونو کار له افغانستان څخه د متحده ایالاتو د ځواکونو له وتلو مخکي میاشتو کې پيل شوی و، ځکه هغه کسان چې د دې فلمونو سوژه دي هڅه یي کوله چې د خپل هیواد له پاره لا زیات امن او د مساواتو پر بنسټ راتلونکی جوړ کړي.

اړوند: «د افغانستان د سکیټ بورد نجونې» مستند فلم د اوسکار جایزه وگټله

دا دوه فلمونه داسې پای ته رسيږي چې اصلي کرکټرونه یي مجبوره دي چې له خپل له هیواد څخه بهر د دغو فلمونو ننداره وکړي، ځکه طالبانو په چټکۍ سره د دوی ټول کارونه له منځه وړي دي.

په یوه د لومړیو صحنو کې لیدل کیږي چې امریکایي ځواکونه مجبوره دي خپل تجهیزات له منځه یوسي او هغه اضافي مهمات چې افغان متحدینو یي ورته ډير سخت ضرورت درلود ویجاړ کړي.

په Retrograde فلم کې د افغان جنرال سمیع سادات پر فعالیتونو تمرکز شوی دی. وروسته له دې چې امریکایان په هلمند کې له خپلې اډې ووتل، سمیع سادات موافقه وکړه چې د هاینمن د فلمبردارۍ کامرې هغه تعقیب کړي، ځکه نوموړي د طالبانو د پرمختګ د مخنیوي له پاره د وروستیو هڅو مسئولیت په غاړه اخیستی و.

آژانسونه: ش.ن/ ن.ص

افغانې نجلې څرنګه د سندرو له لارې د خپل واده مخه ونیوله

04:59

This browser does not support the video element.

د د دویچه ویله د ورځي موضوع له برخې تیريدل

د دویچه ویله د ورځي موضوع

د د دویچه ویله نور مطالب له برخې تیريدل