د چين د «سي سي ټي وي» په نوم دولتي تلویزيون ويلی چې د يکشنبې په ورځ د ايورست غره د تبت له لوري ۳۵۰ غره ختونکي ژغورل شوي او دا چې له نورو بندو پاتو ۲۰۰ کسانو سره اړيکه ټينګه شوې ده. زياته شوې چې دغه کسان به په کوچنيو ډلو کې د کوډانګ کوچني ښارګوټي ته واستول شوي.
د چين د جيمو نیوز په نوم دولتي رسنۍ تر دې مخه خبر ورکړی وو چې شا او خوا زر تنه غره ختونکي د ايورست غره د شمال لوري تر بېس کمپ څخه په لاندې پرتې سيمه کې بند پاتې شوي ول.
جيمو نيوز ويلي ول چې غره ختونکي په هغو کمپونو کې ول چې د شا او خوا ۴۹۰۰ مترو په ارتفاع کې پراته دي.
د چين د «سي سي ټي وي» تلویزيون په رپوټ کې په دې اړه څه نه دي ویل شوي چې آیا هلته د ګرځندويانو سيمه ایز لارښود ډلې او د مرستې عمله موجوده وه او که نه.
د رپوټونو په حواله د غره ختونکو خیمې زيانمې شوي او د يو شمیر غره ختونکو د ټپي کيدو خبرونه هم ورکړل شوي خو تر اوسه د تلفاتو په اړه کوم خبر نه دی ورکړل شوی.
که څه هم چې د دغه غره ختونکو د ژغورنې له پاره عمليات روان دي چې د دوامدارې واورې او تېزو بادونو هغه ټکني کړي دي.
اړونده موضوع: ایران: پنځه غره ختونکي د واوري ښویدني له امله مړه شوي
د سيلانيانو د سفرونو برابرونکو سيمه ایزو شرکتونو ويلي دي چې له جمعې ورځې راهېسې په دوامداره توګه واورې اوري. کمپونو ته د غځيدلو لارو د پاکولو په موخه د سيمې خلک هم استخدام شوي دي.
په نړۍ کي تر ټولو هسک غر. بل هيڅ غر د غره ختونکو له پاره دومره په زړه پورې نه دی لکه دغه غر. په دې غره کي په سونو غره ختونکو خپل ژوند هم بايللی دی. معلومات او انځورونه.
انځور: picture alliance/AP Photo/T.Sherpaاورست غر، کوم اورغورځوونکی غر نه دې. دغه غر ۸۸۴۸ متره لوړوالی لري، چې په نيپال او تيبت کې د غرونو دغه سلسله د ځمکي پر مخ تر ټولو لوړ غرونه دي.
ځليدونکی شين آسمان او سپيني واورې. د رڼا په وړانګو کې د نړۍ د لوړ غره څوکه، دا کيداي شي يو عاشقانه انځور وي. دغه غره ته هرکال په سونو غره ختونکي ورځي. ډير غره ختونکې چې نه شې کولې پر مخ ولاړ شی، بیرته ګرزيدل ورته ممکن نه وي. اکسيجن کم وي او د سانتي ګراد په منفي ۳۵ درجو کې ژوند ته خطر وې.
د اورست په غره کې هغوی راغونډيږي، ځکه د غره ختونکو له پاره زماني واټن ډير لنډ وي. په ټوليزه توګه د اپريل مياشتې تر پايه او په می کې هغوی دغه غره ته خيژي. که يو څوک له آلمان څخه د اورست غره ختلو له پاره هلته ولاړ شي له ۴۰ تر۶۰ ورځو پورې دوام کوي او تقریباً له پنځو تر شپږ زرو يورو پوري باید ورکړي.
د هندۍ غره ختونکې اميشا شاوهان د ډيري سړې هوا له کبله مخ يخ وهلی. تر اوسه اورست غره ته له ختونکو څخه تر ۳۰۰ کسانو پوري خپل ژوند بايللی دی. يوازي د روان کال په می مياشت کې يوولس کسان مړه شوي دي.
امیشا شاوهان د کټماندو په يوه روغتون کې خپلې پښې په تودو اوبو کې نيولي. تر ټولو زيات بیا د کيڼې پښې ګوتې يې ډيري يخ وهلي دي. ځينو غره ختونکو بیا د پښو ګوتي له لاسه ورکړي دي.
په دغه عکس کې په ۲۰۱۸م کال يو چينايي غره ختونکي کسیا بویو ښکاري، چې د اورست غره ته ختلو له پاره يې په لومړي کوښښ کې دواړي پيښې له لاسه ورکړي دي. وجه يې دا ده چې هلته هوا ډيره سړه ده. لږه موده وروسته هغه په ساختګي پښو سره وتوانید چي دغه غره ته وخيژي.
ويل کيږي چې انسانان توانيدلي دي د اورست غره سر ته وخيژي.
که څه هم ډير کسان پر اورست غره ورختلي، خو ټول هغه کسان چې دغه ځای ته سفر کوي، غره ته نه خيږي. ځيني سيلانيان د اورست پرغره د منډو سيالي کوي. د اورست تر ټولو ستره سيالي د تیري شنبې په ورځ د می مياشتي پر ۲۹ نيټه تر سره شو.
په اورست غره کي د سياليو انځور.
دا په داسې حال کې ده چې ټوله سيمه دمګړۍ له واورو او اورښتونو سره مخامخ ده. په نيپال کې هم پرله پسې ورښتونو د ځمکې ښوېدو او سېلابونو باعث شوي چې د يو شمیر کسانو ژوند یې اخیستی دی.
ایورست د نړۍ تر ټولو لوړ غر دی چې څوکه یې د سمندر له سطحې ۸۸۴۸ متړه لوړه ده.
دا غر خونړۍ بلل کيږي او له ۱۹۵۳م کال راهېسې چې تنزينګ نورګی، او ايدموند هيلري، د لومړيو غره ختونکو په توګه ور ختلي ول، په سونو غره ختونکو د دې هڅې په ترڅ کې خپل ژوندونه بايللي دي.
