ټيک ټاک هغه آپلکیشن دی چې کارونکي يې پر انټرنيت خپلې ويډيو ګانې خپروي. د ټيک ټاک ډيری کارونکي ځوانان دي. پاکستان دغه آپلکيشن د جمعې په ورځ په داسې حال کې بند کړ چې تر دې يوه مياشت مخکې يې د ټینډر په ګډون دې ته ورته نورآپلکيشونه هم بند کړي وو.
د پاکستان د مخابراتو سازمان (PTA) په يوه اعلاميه کې ويلي دي چې د ټيک ټاک آپلکيشن «د ټولنې د مختلفو اقشارو له خوا د دغه آپلکيشن د غیراخلاقي او ناوړه محتوياتو په اړه د شکايتونو په نتيجه کې بند کړل شو.»
د پاکستان د مخابراتو سازمان چارواکي وايي چې دوی ټيک ټاک ته خبردرای ورکړی وو چې د غيرقانوني محتوياتو درلودونکي مطالب مديريت کړي، خو دغه ټولنيزه انټرنيټي شبکه په دغه کار کې پاتې راغله.
د پاکستان د لومړي وزير، عمران خان، يو سلاکار، ارسلان خالد، چې د پاکستان د مخابراتو ادارې له اقدام څخه ملاتړ کوي، په جون مياشت کې يې ټيک ټاک شرکت ته د خپلو «ناوړه محتویاتو» د فلټر کولو څخه خبرداری ورکړی وو.
هغه ادعا کوي چې په «ټيک ټاک کې د ځوانو نجونو له خوا ناوړه استفادې، اعتراضونه (او) جنسي مسايل د والدينو له پاره پر یوه سرخوږي واقع شوی دی.»
خو د پاکستان د مخابراتو ادارې د جمعې په ورځ دا هم وويل چې دوی تيار دې چې پر خپل دغه تصمیم له سره کتنه وکړي. په دې معنی چې دوی «د ټيک ټاک له خوا د ناوړه محتوياتو د مديريت کولو يو مناسب میکانیزم ته تيار دي.»
ټيک ټاک چې د چينايي شرکت، بايت ډانس ملکيت دی، ويلي دي چې «دوی په هغو سيمو کې چې دغه آپلکيشن په کې کارول کيږي د قوانينو عملي کولو ته ژمن دي.»
ټيک ټاک ټولنيزې رسنۍ په يوې اعلاميه کې ويلي دي: «موږ د پاکستان د مخابراتو له سازمان سره په منظم ډول په ارتباط کې يو او د هغوی سره په ګډه کار کوو. موږ اميد لرو، داسې يوې نتيجې ته ورسيږو چې وشو کړای خپل متحرک او تخليقي آنلاين خدمات په دغه هیواد کې جاري وساتو.»
دا په داسې حال کې ده چې يوه مياشت مخکې د پاکستان په ګاونډي هيواد، هندوستان کې هم ټيک ټاک آپلکيشن بند کړل شو. يو کال مخکې بنګله ديش هم د فحشاوو د مخنيوي د يوې برخې په توګه دغه اقدام کړی وو او په ۲۰۱۸م کال کې اندونيزيا هم ټيک ټاک ته لاسرسی ناڅاپي بند کړی وو.
دویچه ويله/م.ک.ص./م.ق.ن.
زموږ د آرشيف دغه انځوريز البوم هم کتلای شئ:
د «پاکستان فیشن ویک» درې ورځنی نندارتون
په کراچۍ ښار کې د «پاکستان فیشن ویک» په نامه د جامو په درې ورځني نندارتون کې مشهورو طراحانو خپلې نوي ډیزان کړي جامې نندارې ته وړاندې کړې. د نمایش پر مهال یو شمیر مشهورې څیرې هم د سټیج پر مخ را څرګندې شوې.
انځور: Dragonflyد پاکستان د کرکیټ ملي لوبډلې پخوانی لوبغاړی وسیم اکرم هم د فیشن اونۍ په مراسمو کې د شیزا خان له پاره په سټیج را څرګند شو.
د وسیم اکرم ښځې شنیرا اکرم په دې فیشن شو کې د صبا اسد ډیزاین کړې کم رنګه جامې پر تن کړې وې او پر ستیج را څرګنده شوه.
د پاکستان مشهورې هنرمندې ثروت ګیلاني د یاسمين زمان له خوا له پخمل ټوکر څخه د ډیزاین شويو جامو نندارې په وړاندې کولو سره د سټیج رونق لا پسې زیات کړ.
د پاکستان د تلویزوني سیریالانو مشهورې لوبغاړۍ ساره خان د دیپک پرواني له خوا په سور او طلایي رنګونو کې د جوړو شویو جامو نمایش وړاندې کړ.
د پاکستاني ډرامو یوې بلې مشهورې لوبغاړې او هنرمندې عایزه خان د الکرم له خوا د سور رنګه بخملي جامو نمایش وړاندې کړ.
د پاکستان د کامیابه فلم «جواني پهر نهي آني» مشهورو لوبغاړو فهد مصطفی او ماورا حسین د زینت چهوټاني له خوا د ډیزان شویو جامو نمایش وړاندې کړ.
د فواد خان میرمنې صدف فواد د ډیزانرې په توګه کار پیل کړی. د هغې له خوا د «پرواز هی جنون» فلم هانیه عامر او د «خاني» فیروز خان پر ستیج را ښکاره شول.
د انستګرام له مشهورو څیرو څخه حنا الطاف د زلبیري له خوا آتشي رنګه جامې انتخاب کړې وې.
نعمان عارفين چې په دې وروستیو کې د بریتانوي شهزاده ولیمز له پاره یې شیرواني تیاره کړې وه، په فیشن ویک کې خپل نوي ډیزانونه نمایش ته وړاندې کړل.
ډیزاینر عالمګیر د نارينه و د جامو له پاره د پاکستاني هنرمندانو شهزاد شیخ، علي سفینه، اسد صدیقي، آغا علي او فهد مرزا انتخاب کړی وو.
د مشهورې ډیزاینرې هما عدنان له پاره په کراچۍ کې د امریکا جنرال قونسل دیریان ارکي، پر ستیج را ښکاره شو او د پاکستاني جامو نمایش یې وړاندې کړ.
د هنرمندې سنبل اقبال له خوا د عایشه ابراهیم د ډیزان کړو جامو نمایش وړاندې شو.
د بوهیم له خوا د معرفي شوي یو کولیکسیون د نمایش له پاره صبور علي را څرګنده شوه. صبور علي د پاکستان د تلویزوني ډرامو یوه مشهوره لوبغاړې ده.
د پاکستان له مشهورو ډرامو څخه د یوې ډرامې (همسفر) منفې کردار نوين وقار د پنک ټری، له خوا دا رنګارنګه لباس انتخاب کړی وو.
