امریکا: د دې وخت دی چې په غزه کې پر اوربند هوکړه وشي
۱۴۰۳ شهریور ۱۴, چهارشنبه
امریکا متحده ایالاتو وايي د دې وخت رارسېدلی چې په غزه کې د جګړې د پای ته رسولو له پاره د اسرائيل او حماس تر منځ یوه هوکړه «نهايي» شي. نتنیاهو ویلي دي چې هغه به فشارونو ته تسلیم نشي.
د امریکا د خارجه وزارت ویاند، متیرو میلر، سه شنبه وویل چې راتلونکو ورځو کې به له مصر او قطر سره په غزه کې د اوربند پر مسئله کار پيل کړيانځور: Celal Gunes/Anadolu/picture alliance
اعلان
د امریکا د بهرنیو چارو وزارت ویاند متیو میلر، د سه شنبې په ورځ وويل چې واشنګټن به په «راتلونکو ورځو کې» له منځګړو هيوادونو قطر او مصر سره «ېوې نهايي هوکړې له پاره د فشارونو پر ډېرولو» کار وکړي.
ميلر دا خبرې وروسته له هغې کړې چې د اسرائيل صدراعظم بنیامین نتانیاهو د ټولو داخلي او نړيوالو فشارونو او د شپږو اسرائيلي یرغمل شوو مړو د موندلو باوجود، له حماس سره په غیر مستقیمو مذاکراتو کې «امتیازات» رد کړل.
امریکا متحده ایالاتو د سه شنبې په ورځ د حماس د شپږو مشرانو پر ضد د «تروریزم» او نورو تورونو یوه مجموعه افشا کړه. دغه شپږ کسان په اسرائيل کې د اکتوبر ۷مې حملې سره تړاو لري، هغه حمله چې په غزه کې ېې د جګړې اور بل کړ او تر اوسه ادامه لري.
سربېره پر دې چې اسرائيلیان د یرغمل شوو د آزادولو له پاره سخت په غوسه دي او د دغه مقصد له پاره ېې پر حکومت د فشار واردولو په موخه پراخ اعتراضونه کړي، خو صدراعظم نتانیانو وايي چې هغه به «فشارونو ته تسلیم نه شي.»
په تل ابیب کې د نتنیاهو د حکومت پر ضد یوه اعتراض کوونکي، جانتان ایدان د سه شنبې په ورځ وويل چې د اسرائيل صدراعظم «زموږ د یرغمل شوو د ژوندي بېرته راستنېدو له پاره له حماس سره یوې هوکړې ته د رسېدو چانس زموږ چانسونه له منځه وړي.»
د اسرائيل صدراعظم بینیامن نتینیاهو وايي چې دی به «فشارونو ته تسلیم نه شي.»انځور: Ohad Zwigenberg/AP/picture alliance
پر اسرائيل د نړېوالو فشارونو په لړ کې بریتانيا د دوشنبې په ورځ وويل چې دغه هېواد به اسرائيل ته خپل ځينې پوځي صادرات په تعویق کې واچوي. بريتانیا په دې ارتباط د ېو «ښکاره خطر» په استناد ويلي دي چې له هغو کېدای شي د بشردوستانه نړېوالو قوانینو خلاف مواردو کې استفاده وشي.
د اسرائيل صدراعظم د دوشنبې په ورځ وويل چې «جنګي مسایلو ته د رسېدګۍ له پاره» د غزې او مصر د سرحدونو په اوږدو کې د فيلادلفي دهلیزونو کنټرول ته اړتیا ده، تر څو له هغې استقامته د حماس د بیا مسلح کېدو مخه نیول شوي وي. په سبا ېې د سه شنبې په ورځ مصر دغه ادعا رد کړې ده چې له غزې سره سرحد ېې د حماس د وسله والو اهدافو له پاره کارول کيږي.
مصر پر نتنیاهو تور ولګاوه «چې د عامه اذهانو د انحراف او د اوربند یوې هوکړې ته د رسېدلو له پاره» پلمې جوړوي.
د ویلو ده چې تر دې مخکې هم امریکا متحده ایالاتو د قطر او مصر په منځګړيتوب د غزې شخړې د حل او اوربند له پاره هڅې درولودلي خو کومه د پام وړ پایلې نه درلودلې.
(AFP)mks/nz
له آرشیف څخه (18.04.2024):
غزه: په زرونو کسان بېرته شمال ته مهاجرت کوي
د اسرائيلي پوځ د خبرداريو سربېره بيا هم په زرونو فلسطينيان د محاصره شوې غزې د ساحل په اوږدو له سويل څخه بېرته شمال ته مهاجر شوي دي.
انځور: Ramadan Abed /REUTERS
له سويل څخه شمال ته مهاجرت
په زرونو فلسطينيان په غزه کې په پښو د ساحل تر څنگ سړک باندې له سويل څخه د شمال پر لور په حرکت کې دي. هغوی د اسرائيلي پوځ د خبرداريو باوجوده له جنوب څخه و شمال ته بېرته ستانه شوي دي. اسرائيلي پوځ خبرداری ورکړی چې د غزې شمال تر اوسه لا د فعالې جگړې سيمه ده. خو له شمال څخه د عسکرو د تخلیې هيلې او په سويل کې د پوځي عملياتو اندېښنې هغوی شمال ته په مهاجرت مجبور کړي دي.
انځور: Yasser Qudihe/Middle East Images/IMAGO
ويجاړې شوي سيمې
د ۲۰۲۳ کال د اکتوبر په ۷مه نېټه د حماس د ترهگریز بريد په جواب کې اسرائيلي پوځ په غزه کې عمليات پېل کړل چې په نتيجه کې يې د غزې پراخې سيمې په بشپړه توگه ویجاړي شوې. د سيمې له تقريبا ۲،۳ مليون انسانانو څخه نيمه برخه يې و شمال ته مهاجره شوه. خو زيات شمېر انسانانو اوس بېرته له سويل څخه د شمال پر لور و خان يونس ته حرکت کړی دی چيرې چې زيات ودانۍ په بده توگه ويجاړې شوي دي.