لومړی آيفون د ۲۰۰۷م کال په جون میاشت کې معرفي شو. نوم يې «آیفون» وو، چې په توليد سره يې د ايپل شرکت هم مشهور شو. د دغه موبايل کمره دوه ميګا پکسله وه او د ټچ سکرين قابليت او ځينې نورې وړتياوې يې هم درلودې. دغه موبايل په مارکيت کې د یو «انقلابي» توليد په څير ثابت شو.

ايپل شرکت د ۲۰۰۸م کال د جولای مياشتې پر ۱۱مه، تري جي آیفون راويست. د دغه ګرځنده تيليفون تر ټولو مهم خاصيت دا وو چې «تري جي» انترنيت سره يې جوړښت درلود چې هغه وخت ډيره لویه خبره وه.

د ۲۰۰۹م کال په جون مياشت کې اپيل خپل دريم ماډل ګرځنده تيليفون «آيفون تري جي ايس»معرفي کړ. د دغه تيليفون کامره درې ميګاپکسله وه او د ويډيو ريزوليوشن يې ۴۸۰پی وو. دا د مخکنيو ماډلونو په پرتله ډير قوي موبايل وو.

يو کال وروسته، د ۲۰۱۰م کال د جون میاشتې پر ۳۱مه «آیفون څلور» معرفي شو. د آيفون څلور کامره پنځه ميګاپکسله او د ويډیو ريزولوشن يې تر ۷۲۰ پکسل پورې وه. دا لومړنی ګرځنده تيليفون وو چې په ايچ دي کیفت ويډيو اخیستونکې کامره یې درلوده.

آيفون څلور ایس، د ۲۰۱۱م کال د اکتوبر میاشتبې پر ۱۴مه معرفي شو. دا له مخکيني ماډل څخه ډير پرمختللی وو. کامرې ېې ۸ ميګاپيکسله عکس او ۱۰۸۰ پيکسله ويډيو اخیستله.

دغه ماډل آيفون د ۲۰۱۲م کال د سپتمبر پر ۲۱مه راووت. د دغه تيليفون د مخې کامرې د عکس اخیستلو وړتيا ۱ اعشاريه ۲ او د شا کامره يې ۸ ميګا پکسله وه په داسې حال کې چې تر۱۰۸۰ میګا پکسله پورې ويډيو يې اخيستله.

ايپل شرکت د ۲۰۱۳م کال په د سپتمبر پر شلمه، پنځه سي او پنځه ايس ماډل آیفون راويست.

د ايپل شرکت د ۲۰۱۴م کال د سپتمبر پر ۱۹مه دوه ماډله تيليفونونه «آیفون شپږ او آیفون شپږ پلس» معرفي کړل. له هغه وخته تر اوسه د نړۍ په بازارونو کې ۱۶۹،۲۲ ميليونه دغه ماډل تيليفونونه خرڅ شوي دي.

د ۲۰۱۵م کال د سپتمبر پر ۲۵مه ايپل د آيفون شپږ دوه ورژنه «شپږ ايس او شپږ ايس پلس» معرفي کړل. دغه ماډل تيليفونونه ډير کامياب وختل او خلکو خوښ کړل. په مجموعي توګه د دواړو ماډولو څخه ۲۳۱.۲۲ ميليونه خرڅ شول.

ايفون ايس آی، آیفون ۷ او آيفون ۷ پلس، په ۲۰۱۶م کال راووتل. دا وخت په بازار کې د ايپل دغو توليداتو ته تقاضا ډيره زیاته شوې وه. ايپل هم تقاضاو ته په کتو، خپلو مختلفو مشتریانو له پاره په مختلفو ورژنونه کې تيليفونونه راويستل.

په ۲۰۱۷م کال کې هم درې ماډله ايفونونه راووتل. آيفون ايکس، آيفون اته او آيفون اته پلس. ايپل په دغو ماډلونو کې د غږ ځانګړی اسيستانت هم معرفي کړ چې مختلف فعالیتونه يې د غږ له طریقه تنظیموي.

ايبل شرکت خپل دغه درې ماډله تيليفونونه دوه کاله مخکې (۲۰۱۸م کال) راويستل. ايپل شرکت معمولا په خپل نوي ماډل آیفونونو کې د هغو امکانات لوړ کړي دي. د دغه ماډل آيفونونو مجموعي خرڅلاو ۲۱۷.۷۳ ميليونه وو.

دغه درې ماډله آيفون تيليفونونه په ۲۰۱۹م کال کې راووتل. ايپل د دغو تيليفونو کامرو ته نوره توجه ډيره کړه، ځکه په يوټيوب، ټيک ټاک او فیسبوک په څير ټولنیزو رسنيو کې د ويډيوګانو د خپريدو دود ډير شو چې ايپل هم د مشتریانو تقاضا ته په کتو د لا ښو ويډیو اخیستلو له پاره د کامرو کیفیت لوړ کړ.

د ۲۰۲۰م کال د اکتوبر پر ۱۳مه ايپل خپل آيفون ۱۲ هم معرفي کړ. زياته شوې چې د دغه ماډل ټيلفون ۳ نور ورژنونه (آيفون ۱۲ کوچنی، پرو او تري ډي) به هم په نژدې راتلونکې کې بازار ته راووځي.