اوسمهال د هند د نفتو دولتي شرکت بهارت پیټرولیم یوازې د راتلونکې می میاشتې له پاره دوه میلیونه بوشکې نفت له روسیې رانیولي دي. دغه هندي شرکت ویلي دي تر دې وړاندې دوی د ورځې ۳۱۰ زره بوشکې نفت له روسیې څخه رانیول. د هندوستان بهارت پټرولیم، هندوستان پیټرولیم، انډین اویل، نیارا انرژي هم د هغه هندي شرکتونه دي چې له روسیې څخه لا هم نفت را نیسي.

د یونان د نفتو تر ټولو ستر شرکت هم د خپلي اړتيا نیږدې ۱۵ سلنه نفت له روسیې څخه اخلي. دغه شرکت د روانې میاشتې په لومړیو کې د خپلې تقاضا د پوره کولو له پاره لا ډیر نفت له سعودي عربستان څخه رانیول.

د ایټالیا د نفتو د تصفیې تر ټولو ستر شرکت لوک اویل لا هم له روسیې څخه نفت رانیسې او تصفیه کوي.

آلمان هم لا تر اوسه پورې له روسیې څخه د نفتو پر وارداتو بندیز نه دی وضع کړی. په آلمان کې د نفتو د تصفیې تر ټولو ستر شرکت میرو د خپل اړتیا وړ نیږدې ۱۴ سلنه نفت له روسیې ترلاسه کوي. په آلمان کې د پي سي کې په نامه د نفتو د تصفیې بل ستر شرکت هم خپل د اړتیا وړ نیږدې ۵۴ سلنه نفت له روسیې رانیسي او دغه نفت د دروږبه پايپ پر مټ دغه هیواد ته رسیږي.

د هنګري د نفتو تر ټولو ستر د تصفیې شرکت چې په کرواسیا، هنګري او سلواکیا کې فعالیت لري لا هم له روسیې څخه نفت رانیسي. دغه هیواد له روسیې څخه د نفتو پر وارداتو له بندیز سره مخالفت کړی دی.

د لوک اویل په نامه د بلغاریا د نفتو د تصفیې شرکت هم له روسیې څخه په نورمال ډول خپل نفت رانیسي او دغه ستر شرکت خپل د اړتیا وړ نیږدې ۶۰ سلنه نفت له روسیې ترلاسه کوي.

د اندونیزیا د پرتمینا په نامه د نفتو د تصفيې شرکت هم غواړي له روسیې څخه نفت رانیسي او خپل کمښت پرې پوره کړې. دغه شرکت د نفتو د تصفیې نوې کارخانه جوړه کړې او غواړي نفت ورته له روسیې څخه وارد کړي.

د پولنډ تر ټولو ستر د نفتو د تصفیې شرکت له روسیې سره له تازه تړونونو ډډه کړې، خو د روان میلادي کال تر پایه پورې به له روسیې څخه د نفتو وارداتو ته ادامه ورکړي. دغه شرکت په لیتوانیا، پولنډ، چیک جمهوریت کې فعالیت لري او د روسیې له نفتو خورا ډېره ګټه ترلاسه کوي.

د سینوپیک په نامه د چین تر ټولو ستر دولتي شرکت چې د نفتو د تصفيې په برخه کې فعالیت کوي لا هم له روسیې څخه خپل د اړتیا وړ نفت رانیسي. د راتلونکو تړونونو په هکله له روسیې سره کار کولو ته لیواله دی.

د ونډو په بازار کې د امریکايي شرکت اپل ارزښت، شاوخوا ۲۳۰۰ ميليارده ډالر اټکل کيږي. په دې حساب، اپل د نړۍ تر ټولو قیمتي شرکت دی. د دغه شرکت ونډې یوازې په ۲۰۲۰م کال کې ۸۰ سلنه رشد درلود. اپل وتوانيد چې د سعودي عربستان د نفتو آرامکو شرکت څخه چې د نړۍ تر ټولو قمیتي شرکت وو، دغه ځای ونیسي.

د سعودي عربستان د نفتو آرمکو شرکت، د نړۍ يوازينی شرکت دی چې د تکنالوژۍ په برخه کې فعاليت کوي. د آرمکو شرکت د ونډې ارزښت ۱۸۷۰ ميليارده ډالره اټکل کيږي. په دې ترتيب د سعودي عربستان د نفتو دغه شرکت، د نړۍ دوهم تر ټولو قيمتي شرکت دی.

مايکروسافت د ونډو په نړيوال بازار کې د ۱۶۹۰ ميليارده ډالرو ونډې په لرلو، د نړۍ دريم تر ټولو قیمتي شرکت دی. خو د سعودي عربستان د آرمکو شرکت سربيره، دوه چینايي شرکتونه، تنسنت او علي بابا هم د نړۍ د تر ټولو قیمتي شرکتونو په ډله کې راځي. دغه شرکتونه د امريکا د تکنالوژۍ شرکتونو په اختیار کې دي.

د امريکا د راکړې ورکړې او انتقالاتو شرکت، امازون د ۱۶۷۰ ميليارده ډالرو په درلودلو، د نړۍ په بازارونو کې څلورم ځای لري. د دغه شرکت مشر جف بيزوس ته د نړۍ تر ټولو بډايه شخصیت ويل کيږي.

د الفابت شرکت، چې د امریکايي ګوګل شرکت مور ده، خپلې پیسې له انترنيټ څخه په لاس راوړي. الفابت د ۱۱۹۰ ميليارده ډالرو ونډې په درلودلو، د نړۍ پنځم تر ټولو قیمتي شرکت دی. د نړۍ په لسو تر ټولو قيمتي شرکتونو الفابت تر ټولو وروستی شرکت دی چې سرمايه يې تر ۱۰۰۰ ميلياردو ډالرو پورته ده.

تسلا شرکت چې قيمتي موټرونه توليدوي، د ۶۳۱ ميليارده ډالرو په درلودولو تر درو شرکتونو، فیسبوک، تنسنت او علي بابا وروسته په نهم ځای کې قرار لري. تسلا اوس فضانوردۍ ته هم مخه کړې ده. تسلا يوازې د یوه کال په جریان کې په دې بریالی شو چې ۱۴۳ شرکتونو څخه مخکې شي او د نړۍ په لسو تر ټولو قيمتي شرکتونو کې راشي.

د نړۍ د لسو قیمتي شرکتونو په ډله کې د آلمان نوم نه ليدل کيږي. خو د نړۍ د سلو قيمتي شرکتونو په کتار کې د سافت ويئر آلمانی شرکت، ساپ شتون لري. دغه شرکت چې ۱۶۰ ميليارده ډالره سرمايه لري، د نړۍ ۷۱م قيمتي شرکت دی.

د نړۍ د ۱۲۹م تر ټولو قیمتي شرکت له پاره ۱۰۰ ميليارده ډالرو ته اړتيا ده چې دغه ارزښت آلماني شرکت فولکس واګون لري. دغه آلماني شرکت له مالي لحاظه تيرکال يو ښه کال درلود. فولکس واګون موټر توليدوي.

مرسديز بنز شرکت د نړۍ د ونډو په بازار کې د ۷۶ ميليارده ډالرو په درلودلو، د نړۍ ۱۸۲م تر ټولو قیمتي شرکت دی. دغه نامتو آلمانی شرکت موټر توليدوي.