د امریکا ولسمشر دونالد ترمپ ولادیمیر پوتین ته خبرداری ورکړ چې په اوکراین کې د جګړې نه پای ته رسولو په صورت کې به له «ډیرو جدي پایلو» سره مخامخ شي.
ترمپ د دې پوښتنې په ځواب کې چې که پوتین د جمعې په ورځ په الاسکا کې د جګړې پای ته رسولو سره موافقه ونه کړي، نو له پایلو سره به مخامخ شي، وویل: «هو همداسې به وي...»
خو هغه تشریح نه کړه چې له ډیرو جدي پایلو څخه یې هدف د تعرفو وضع کول او یا هم نورې پایلې دي.
ترمپ همدارنګه یو ځل بیا د اوکراین د ولسمشر ولادیمیر زیلنسکي او ولادیمیر پوتین ترمنځ د لیدنې کتنې احتمال مطرح کړ. هغه وویل چې د زیلنسکي او پوتین د لیوالتیا په صورت کې به هغه پخپله هم په دې ناسته کې ګډون وکړي.
د امريکا ولسمشر اراده لري چې د جمعې په ورځ په انکورج کې، چې د الاسکا تر ټولو لوی ښار دی، له پوتين سره ملاقات وکړي او د روسیې د یرغلیزې جګړې پای ته رسولو له پاره لارې چارې ومومي، چې شاوخوا درې نیم کاله مخکې شروع شوې ده.
ترمپ وویل چې په لومړۍ لیدنه کتنه کې غواړي عمومي شرایط درک کړي او په ورته وخت کې یې اعتراف وکړ چې شاید وبه نه توانیږي چې پوتین پر اوکراین د بریدونو له دوام څخه منع کړي.
د اوکراین ولسمشر او اروپایي هیوادونه د جمعې ورځې ناستې ته نه دي وربلل شوي. له همدې امله د المان صدراعظم فریدریش میرڅ له زیلنسکي او نږدې اروپايي متحدینو سره یې د چهارشنبې په ورځ یوه مقدماتي غونډه رابللې وه، څو ترمپ ته خپل مهم پيغامونه واستوي.
ترمپ دغه مقدماتي غونډې چې پخپله یې هم په کې حضور درلود ډیر دوستانه وبللې.
اوکراین ته د امریکا امنیتي ضمانتونه
دونالد ترمپ ظاهراً له اوکراین سره د امنیتي ضمانتونو په برخه کې ژمنې کړي دي. د پولیتیکو نشریې د رپوټ پر بنسټ دغه اطلاعات د څو ناپيژندل شوو سرچینو په اساس مطرح شوي دي.
د جګړې ۱۰۰۰ ورځې؛ اوکراین ته دغه جګړه په کومه بیه تمامه شوه؟
This browser does not support the video element.
د دغه رپوټ پر بنسټ ترمپ دغه څرګندونې د چهارشنبې په ورځ د المان د صدراعظم فریدریش مرڅ په نوښت د اروپایي هیوادونو او امریکا ترمنځ د یوه ویډیوي کنفرانس په ترڅ کې کړي دي. دغه مجازي غونډه په الاسکا کې د امریکا او روسیې د ولسمشرانو د غونډې په درشل کې ترسره شوې ده.
دونالد ترمپ ونه ویل چې له امنیتي ضمانتونو څخه یې دقیق هدف څه دی. د یاد رپوټ په اساس او د یوه بریتانوي دیپلومات په نقل ترمپ ظاهراً موندلې ده چې د امریکا امنیتي ضمانتونه باید د روسیې او اوکراین ترمنځ د جګړې پای ته رسولو له پاره د هر ډول احتمالي موافقې یوه برخه وي.
متحده ایالات اراده لري چې د اوکراین ملاتړ وکړي چې کیف وکولی شي د مسکو د تیري په مقابل کې د دفاع نقش ولوبوي. سره له دې د امریکا حکومت په وار وار د لا زیاتو تجهیزاتو مستقیم لیږد یا د امریکایي پوځیانو ښکیلتیا رد کړې ده.
د دې پرځای واشنګټن امادګي لري چې اوکراین ته وسلې واستوي، خو پیسې یې باید اروپايي هیوادونه ورکړي.
د امریکا ولسمشر په الاسکا کې له پوتین سره د ناستې په درشل کې د روسیې پر وړاندې یو شمیر بندیزونه په موقت ډول لغوه کړي دي.
د امریکا د مالیې وزارت اعلان کړی دی چې څو بندیزونه د اګست تر ۲۰ نیټې پورې ځنډول شوي دي. خو په ورته وخت کې ټینګار شوی دی چې هیڅ کنګل شوي شتمنۍ به ازادې نه شي او د بندیزونو ځنډول یوازې د ترمپ او پوتین په ملاقات کې د سهولت رامنځته کولو په موخه صورت نیولی دی.
مسکو کې پوځي پریټ؛ پوتین وايي په اوکراین کې بریا د مسکو ده
د مسکو په سره ميدان کې پر نازي آلمان باندې د بريا د ۸۰يمې کلیزې په مناسبت رسم ګذشت ترسره شوه. پوتين، په دې ترڅ کې په اوکراين کې د مسکو د بريا خبره وکړه. د دغه پوځي پريټ نور جزيات د انځورونو په دې ګالري کې کتلی شئ:
انځور: van Sekretarev/Host agency RIA Novosti/Handout/REUTERSد دويمې نړيوالې جګړې يادون او سياسي او اديالوژيکي اهداف
د می نهه نیټه چې هر کال د روسي کورنيو له لوري د «بريا د ورځې» په توګه د شخصي یادونو سره لمانځل کيږي، خو حکومت تل هڅه کوي چې دا ورځ د خپلو سياسي موخو له پاره وکاروي. دا څرګندونې په خټه روسی کارپوه اليکس يوسپوف، وکړي. د روسیې ولسمشر ولاديمير پوتين، د جمعې په ورځ د می ۹مه د مسکو په سره مېدان کې د پوځي پریټ پر مهال پر اوکراين د بريا خبره وکړه.
د يو شمیر کارپوهانو په آند پوتين، هڅه کوي چې دا پريټ تر ډېره بريده «نړيوال ښکاره» کړي او نړيوال مشران به هم دلته د دغه بريا د لمانځلو په موخه راځي. خو پوتين هڅه کوي د هغوی له حضوره څخه د يوه ابراز په توګه ګټه پورته کړي. په دې انځور کې له پوتین سره له پوځي پريټ څخه د کتنې پر مهال د هغه نژدې متحدینو له هغې جملې څخه ېې چینايي سیال شی جین پینګ، هم حضور درلود
په انځور کې د رهبرانو په ډله کې د چین ولسمشر شي جین پينګ، د تاجیکستان ولسمشر امامعلی رحمانوف، او د سلواکیا صدراعظم رابرت فیتسو، هم لیدل کیږي.
پوتین له خپلو کلیدي متحدینو سره په دوهمه نړېواله جګړه کې د نازي آلمان پر ضد د پخواني شوروي اتحاد د بریا ۸۰مه کلیزه لمانځي. له کيڼ څخه ښي پر لور: د روسیې ولسمشر ولادیمیر پوتین، د چین ولسمشر شي جین پینګ، د قزاقستان ولسمشر صدر جباروف، د قزاقستان ولسمشر قاسم جومارت توقایف، د بلاروس ولسمشر، الکساندر لوکاشینکو او د ارمنستان صدراعظم نیکول پاشینیان.
مخکې له دې چې په پریټ کې زغروال وسایط او ټانکونه وښودل شي، روسي عسکر ځانګړي پوځي مراسم ادا کوي
په دغه انځور کې د روسي فوینیکس زغروال جنګي موټر او د لنزا په نوم زغروال امبولانس لیدل کیږي چې د مسکو په سره مېدان کې د پوځي پریټ پر مهال تېریږي.
رپوټونه وايي د مسکو په پوځي پريټ کې هغه ماډل ډرونونه او ټانګونه وښودل شول چې په اوکراین جګړه کې کارول شوي دي.
د مسکو سور میدان، پياده ځواکونه
په مسکو کې د ۲۰۲۵م کال د می میاشتې په ۹مه د نازي آلمان پر وړاندې د پخواني شوروي اتحاد د بریا په مناسب پوځي پریټ. په دغه انځور کې د مختلفو پوځي واحدونو ځواکونه لیدل کيږي.
په دغه انځور کې د روسي عسکر د می نهمې پوځي پریټ پر مهال د لوژ له مخې د تېرېدو په حال کې لیدل کيږي
روسیه معمولا خپل د پوځي پريټ مراسم د مسکو په سره میدان کې ترسره کوي. روسیه په دا ډول سترو پوځي مراسمو کې خپل پوځي قوت هم نندارې ته وړاندې کوي.
روسیه په پوځي پریټ کې خپل ډول ډول توغندي هم ښيي. د آرشیف په دغه انځور کې د روسي اس-۴۰۰ ترویمف ډوله له ځمکې څخه هوا ته ويشتونکي توغندي ښودل کيږي
د بلاروس ولسمشر، الکساندر لوکاشینکو
د بلاروس ولسمشر، الکساندر لوکاشینکو چې د پوتین له نژدې متحدینو څخه دی، د می په ۹مه له پوتین سره د روغبړ پر مهال
د مصر ولسمشر، عبدالفتاح السیسي
دوهمه نړېواله جګړه کې د نازي آلمان پر وړاندې د پخواني شوروي اتحاد د بریا ۸۰مې کلیزه؛ د مصر ولسمشر، عبدالفتاح السیسي هم په دغه مناسبت د می میاشتې په ۹مه په مسکو کې له پوتین سره وليدل.
د سربیا ولسمشر الکساندر ووچیچ
د سربیا ولسمشر، الکساندر ووچیچ هم مسکو ته ورغلی. هغه په سره مېدان کې د پوځي پریټ له پېلیدو مخکې د مراسمو ځای ته وروان دی.
د ونیزویلا ولسمشر، نیکولاس مادورو
د ونیزویلا ولسمشر، نیکولاس مادورو، هم د می په ۹مه په مسکو کې د روسې پوځي پريټ په مراسمو کې حضور درلود.
