د ترکیې خارجه وزیر، چاووش اوغلو په دغه غونډه کي سیاسي حل د افغانستان د جنګ د ختمیدو یوازنی لار وبلله او د سولي په لار کي یې د پاکستان او افغانستان پر همکارۍ ټینګار وکړ. چاووش اوغلو همدارنګه وویل، چي کوښښ کوي، په ترکیه کي د سولي د مذاکراتو تر شروع کیدو دمخه د دغو درو هیوادونو د دولتي او حکومتي مشرانو سرمشریزه جوړه کړي.
د پاکستان خارجه وزیر شاه محمود قریشي د استانبول په کنفرانس کي د طالبانو نه علاقه مندۍ ته په اشارې سره وویل، چي معتقده دی، دغه ځنډ مؤقتي دی. هغه امیدواري ښکاره کړه، چي تر کوچني اختر وروسته به په ترکیه کي د سولي مذاکرات دایر او ذیدخل اړخونه به هراړخیزي سولي ته د رسیدو پخاطر بیرته د خبرو میز ته راوګرزي.
د دغي درې اړخیزي غونډي په اخره کي په یوه ګډه اعلامیه کي خارجه وزیرانو په افغانستان کي د تشدد ډیریدل وغندل او د سولي د مذاکراتو د کامیابه کیدو او یوې مناسبي فضأ د رامنځته کیدو پخاطر يې د دایمي، جامع اوعاجل اوربند غوښتنه وکړه.
استانبول کې د عثماني امپراطورۍ د وخت تاریخي بازار
د ترکیې په استانبول ښار کې تاریخي ستر بازار «قپالي چارشو» د نړۍ یو له پخوانیو بازارونو څخه دی. د دې بازار بنسټ په ۱۹۵۴م کال کې د عثماني امپراطورۍ پر مهال ایښول شوی وو. په دغه بازار کې د بیلا بیلو توکو دوکانونه شته.
انځور: DW/S. Raheem
د دغه بازار چې د بیلا بیلو توکو د خرڅلاو دوکانونه لري یوه ځانګړتیا دا ده چې سر یې پټ دي. دغه بازار په ۳۱۰۰۰ متر مربع ساحه کې جوړ شوی دی.
انځور: DW/S. Raheem
په دغه بازار کې د وریښمو کالیو، بوټانو، سینګار توکو، قالین، ساعتونو جوړولو، د موسیقۍ آلاتو او له شیشې څخه د جوړو شوو شیانو کاروبار له پیړیو راهیسې له یوه څخه بل نسل ته انتقالیږي.
انځور: DW/S. Raheem
دغه ستر بازار د جوړیدو راهیسې په مختلفو وختونو کې د بیلابیلو زیانونو سره مخامخ شوی دی. په شپاړلسمه میلادي پیړۍ کې یوې زلزلې دغه بازار ته سخت زیان واړوه. خو د بازار د چارو سمبالونکو تر ډیره کچه د دغه بازار د اصلي بڼې د ساتلو هڅې کړي دي.
انځور: DW/S. Raheem
د اټکلونو له مخې هره ورځ دغه بازار ته ۳۰۰ زرو پورې کسان ورځي. په دغو کسانو کې د ځایي خلکو سربیره ډیر شمیر سیلانیان هم شامل وي.
انځور: DW/S. Raheem
بازار ته پیردونکي په ځانګړې توګه د ترکي سوغاتونو د رانیولو له پاره ځي، چې په کې بیلا بیل ډول خواږه خواړه او همداشان نور توکي شامل دي.
انځور: DW/S. Raheem
د دغه پخواني بازار یوه په زړه پورې خبره هغه مهال د خدماتو وړاندې کول دي. په دغه څه کې د اوبو نلونه دي چې اوس هم بازار ته راتلونکي کسان د خپلې تندې ماتولو له پاره ترې اوبه څښي.
انځور: DW/S. Raheem
بازار ته د ننوتلو او له هغې څخه د راوتلو له پاره ۲۱ دروازې دي چې په بیلا بیلو نومونو، نومول شوي دي. په اصل کې دغه بازار له لرګي څخه جوړ وو. خو د اور لګیدنې د یو شمیر پيښو وروسته سلطان مصطفی دریم، قسما له تیږو څخه د دغه بازار د جوړولو امر وکړ.
انځور: DW/S. Raheem
په بازار کې د ښځو له پاره د دستکولو د دوکانو کمې نه شته. په دغو دوکانونو کې اصلي او مصنوعې څرمنې او همداشان د لاسي کار بیلا ډول دستکولې شته.
انځور: DW/S. Raheem
په بازار کې د سرو زرو، قیمتي ډبرو او ګاڼې دوکانونه هم شته. په ټوله کې دغه بازار له درو زرو څخه زیات دوکانونه لري.
انځور: DW/S. Raheem
د ځایي کسانو په لاس جوړ شوي څادرونه هم د خریدارانو توجه ځان ته رااړوي.
انځور: DW/S. Raheem
دغه بازار ته راتلونکي خریداران له دوکاندارانو سره چنې هم وهي، څو بیه راټیټه کړي او زیاتره مهال په دې کار بریالي کیږي هم.
انځور: DW/S. Raheem
په بازار کې د کورنو د سینګارولو له پاره هم بیلا بیل ډول سینګار توکي موندل کیږي.
انځورونه/لیکوال: شکور رحیم، استانبول
