جرمونهآلمان
آلمان: د وسلو د تفتیش پر مهال دوه دولتي کارکوونکي وژل شوي
۱۴۰۵ مهر ۱۸, شنبه
اعلان
د آلمان په بایرن ایالت کې تر دغې پیښې وروسته پولیسو وویل چې دواړو وژل شویو کسانو د نیومارکت اِن دیر اوبیرپفالڅ سیمې په اداري دفتر کې کار کاوه.
د پولیسو په وینا هغوی د پنجشنبې په ورځ د برنګاو کلي یوه کور ته ورغلي وو، څو د قانوني وسلو د ساتنې او د خوندي زیرمه کولو څرنګوالی وڅیړي.
پولیس باور لري چې شکمن کس د تفتیش پر مهال پر دواړو دولتي کارکوونکو ډزې کړې دي.
د پېښې شاهدانو د پنجشنبې په ورځ د ماسپښین شاوخوا دوې بجې د ډزو غږونه اوریدلي وو. له دې وروسته پولیسو په سیمه کې پراخ عملیات پیل کړل.
د پولیسو چارواکو د ۴۵ کلن کارکوونکي جسد د کور بهر وموند، خو د ښځې جسد وروسته د ودانۍ دننه وموندل شو.
د پولیسو په باور، دواړه قربانیان له ډزو لږ وروسته مړه شوي وو.