د آلمان پولیسو د سه شنبې په ورځ، د اپریل په ۲۵مه نيټه د آلمان دوه سوریایي ورونه ونیول چې غوښتل یې د ځان وژونکو کمربندونو سره په ملکي خلکو برید وکړي.له دغو دوو وروڼو څخه یو یې په هامبورګ او بل یې د بایرن ایالت په آلګاو کې نیول سوی دی.
دواړه ورونه په دې تورن دي چې په ځانمرګو کمربند کې ځای پر ځای سوي چاودېدونکو توکو په مرسته یې پر ملکي وګړیو د برید پلان درلود. د څارنوالۍ دفتر او د فدرالي جنایي پولیسو په وینا، اصلي شکمن ۲۸ کلن دی او د هامبورګ محکمې د هغه د نیولو امر صادر شوی دی.
د دغه کس ۲۴ کلن ورور هم له هغه سره په همکارۍ تورن دی. د آلمان د خبري آژانس د خبر له مخې دغه شکمن کس د خپل اپارتمان د تلاشۍ پر مهال له مقاومت پرته ونيول سو.
د ریخ د اتباعو په وړاندې برید / بد لوبینسټین، تورینګیا 12/7/22انځور: Fricke/NEWS5/AFP په هامبورګ کې د مشر ورور اپارتمان او درې نورې اړیکې پلټل سوي او په پراخه کچه اسناد او شواهد ترلاسه سوي دي؛ کیمیاوي توکي او ګرځنده تلیفونونه هم په نیول سوو توکو کې شامل دي.
اړوندمطالب:رپوټ: په آلمان کې د اسلامي افراطیانو شمیر زیات شوی
په دې عملیاتو کې ۲۵۰ پولیسو برخه لرله، د آلمان د خبري آژانس د خبر له مخې د بایرن ایالت د الګاو په کمپتن ښار کې د پلټنې پر مهال د پولیسو ځانګړي ځواکونو هم حضور درلود.
دغه دوه سوريايي تبعه په ۲۰۱۵ م کال کې په جلا جلا توګه آلمان ته راغلې دي. ۲۸ کلن تورن څو اونۍ وړاندې د ebay له لارې چې د آنلاين پلور يوه انترنت پاڼه ده، چاودیدونکو توکو د تولید لپاره د خامو موادو په رانيولو لاس پوری کړی وو. د څارنوال په وینا، په کمپتن کې د دې کس ورور هم دغه جنایت ته هڅولی و.
د دغو دوو کسانو د نیولو امر د سه شنبې په ورځ د «ترهګرۍ د تمویل» په تور صادر سو.
تر اوسه د دغه برید هدف نه دی په ډاګه سوی. یوازې دا معلومه ده چې دغه ۲۸ کلن کس اراده درلوده چې ځان د ځان وژونکي کمربند سره والوځوي او پدې وسیله «د امکان تر حده ډیری کافران ووژني.»
This browser does not support the video element.
یوه اونۍ وړاندې د دویسبورګ برید
یوه اوونۍ وړاندې د جرمني د نارت راین ویسټفالین ایالت په دویسبورګ ښار کې پر یوه ورزشې صالون خونړۍ برید وسو، چې په ترڅ کې یې څلور کسان ټپیان سول. اوس داسې نښې نښانې سته چې دا برید له اسلامپالو انګیزو سره اړیکې ولري او تروریستي دی.
د دغه برید په تړاو یو سوریایي تبعه نیول سوی دی. د دوسلدورف د څارنوالۍ ویاند د دغه خبر د اعلانولو پر مهال د سه شنبې په ورځ وویل چې اړوندو چارواکو د دوسیلډورف څارنوالۍ ته د تحقیقاتو دنده سپارلې ده.
اړوند مطالب:په آلمان کې د پناه غوښتونکو پر استوګنځایونو بریدونه زیات شوي
له دې مخکې د RTL تلویزوني چینل د شکمن په ګرځنده تلیفون کې د اسلام پالو د معلوماتو کشفولو اعلان کړی و.
د دغه برید په ترڅ کې د ۲۱ او ۳۲ کلونو ترمنځ څلور تنه سخت ټپیان سوي دي. د پولیسو په وینا په دغه برید کې ټپي سوی یو ۲۱ کلن ځوان د مرګ له ګواښ سره مخ دی.
د پولیسو ځانګړو ځواکونو د سپورت تالار د ماشینګڼو سره محاصره کړ. د برید له سیمې یو کس تښتیدلی او تر دې دمه دا نه ده روښانه سوی چې ایا هغه د دوی ملګري وو او که څنګه.
څو ورځې وروسته د شنبې په شپه د (اپریل په ۲۲مه) د دغه برید شکمن کس د پولیسو له خوا په خپل کور کې ونیول سو. هغه ۲۶ کلن سوریایي دی. د هغه دوو پیژندونکو پخوا پولیسو ته د هغه په اړه معلومات ورکړي وو.
په آلمان کې ترهگریزو پیښو ته کتنه
تر اوسه پورې لا په برلین کې د رامنځ ته شوې پیښي په اړه معلومات نه سته چي ايا دا يو ترهگریز عمل دی که نه. خو له ډیرې مودې راهیسې آلمان د ترهگرو بریدونو تر هدف لاندي دی. په انځورونو کې په آلمان کې شوو پیښو ته کتنه شوې ده. انځور: picture-alliance/dpa/A. Gebert د ۲۰۱۶م کال اکتوبر میاشت، لايپڅیگ سوریایي جبار البکر وروسته له هغې پولیسو ونیو چې د خپل هیواد خلکو یې پولیسو ته خبر ورکړ. دغه ۲۲ کلن چاودیدونکي توکي چمتو کړي وو او د پولیسو د وینا له مخې غوښتل یې د برلین په هوایي ډگر برید وکړي. البکر، تر نیول کیدو لږ څه وروسته په لایپڅیگ کې په زندان کې خپل ځان وواژه.
انځور: Polizei Sachsen د ۲۰۱۶م کال د جولای ۲۴، انسبخ د موسیقۍ د یوه فیستوال دخلي دروازې تر څنگ د محمد د. په نوم یوه سوریایي مهاجر خپلو چاودیدونکو توکو ته انفجار ورکړ او ډیر شمیر کسان یې ټپیان کړل. دغه کس داعش ته اوښتی وو. ویل شوي دي چې دغه کس چې روحي ناروغه هم وو د چاودنې دمخه پورې یې د موبایل تلیفون له لارې سپارښتنې تر لاسه کولې. تندلارې ډلې «اسلامي دولت» یا داعش د دغه برید مسوولیت پر غاړه واخیست.
انځور: picture alliance/AP Photo/D. Karmann د ۲۰۱۶م کال د جولای ۱۸، وورڅبورگ یوه ۱۷ کلن افغان مهاجر په یوه اورگاډي کې د تبر او چړې په واسطه پر مسافرینو برید وکړ. په برید کې یو شمیر کسان ټپیان شول چې د ځینو روغتیايي وضعیت مرگونی وو. برید کوونکی د تیښتې پر مهال د پولیسو له لوري ووژل شو. د دغه برید انگیزه هم تندلارتوب ته رسیده او برید کوونکي په دې اړه یوه ویدیویي پیغام کې څرگندونې کړې وې. داعش د دغه برید مسوولیت ومانه. څیړونکي پر دې آند دي ښایي دغه کس پخپله تندلاری شوی وي.
انځور: picture-alliance/dpa/K. J. Hildenbrand د ۲۰۱۶م کال د می میاشت، دوسلدورف د تندلارې ډلې «اسلامي دولت» یا داعش درې شکمن غړي، په نارد راین ویستفالن، برانبورگ او بادن ووتمبېرگ کې ونیول شول. چارواکو اټکل کاوه چې دغو درو کسانو په پاریس کې د بندي څلورم تندلاري سره د آلمان د دوسلدورف په مشهور زاړه ښار کې د برید پلان لاره.
انځور: picture-alliance/dpa/M. Hitij د ۲۰۱۶م کال اپریل میاشت، ایسن د المان په ایسن ښار کې د سیکهانو د عبادت ځای په یوه دخلي دروازه کې د چاودیدونکو موادو د چاودنې په ترڅ کې درې تنه ټپیان شول. یو کس سخت ټپي شوی وو. نیول شوي شکمن عاملین تنکي ځوانان ول، چې له سلفیانو سره یې اړیکي درلودې.
انځور: picture-alliance/dpa/M. Kusch د ۲۰۱۶م کال د فبرورۍ میاشت، هانوور ۱۵ کلنې مراکش الاصله آلمانۍ صفیه س. د هانوور د ریل گاډو په عمومي تمځای کې پر پولیس باندې د چړې برید وکړ. دغه پولیس سخت ټپي شو چې بیا وروسته یې جراحي عملیات تر سره کړل. د پولیسو د معلوماتو له مخې دغې ۱۵ کلنې غوښتل چې په سوریه کې د تندلارې ډلې «اسلامي دولت» یا داعش سره یو ځای شي.
انځور: Polizei د ۲۰۱۶م کال د فبروري میاشت، برلین پولیسو د یوې شکمنې تروریستي شبکې په هکله معلومات تر لاسه کړل او په یوه وخت کې يې په برلین، نارد راین ویستفالن او نیدرزاکس کې چاپې ووهلي. زیاته شوې وه چې څلورو شکمنو الجیریايي اتباعو په برلین کې یو برید پلان کړی وو. چې د معلوماتو له مخې دغه پلان په لومړنیو مراحلو کې شنډ کړی شو.
انځور: Reuters/F. Bensch د ۲۰۱۵م کال د اپریل میاشت، اوبر اورزل د هیسن پولیسو په اوبر اورزل کې یوه شکمن ښځه او خاوند چې سلفیستي شالید یې لاره ونیول چې په یوه برید د پلانولو شک پرې شوی وو. د برید هدف احتمالا د بایسکل ځغلونې یوه سیالي وه چې پولیس د هغه د لغوه کولو اعلان وکړ. د دغې جوړې د کور په تهکاوۍ کې تحقیق کوونکو داسې مواد موندلي وو چې بمب جوړولو کې ترې کار اخیستل کیده.
انځور: picture-alliance/dpa/A. Dedert
د ډويسبورګ د عامه څارنوالۍ دفتر د سه شنبې په ورځ اعلان وکړ چې د پیښې له قربانیانو څخه هیڅ یو هم چې پوښتل سوي دي مخکې یې له دې تورن سره بلدتيا نه لرله.
تورن تر اوسه د خپلو تورونو په اړه څه نه دي ويلي. یوه قاضي د قتل د هڅې په تور د هغه د نیولو امر صادر کړی دی. هغه دا مهال په موقتي توقیف کې دی او باید رواني معاينې یې ترسره سي.
اړوند مطالب:المان کې یو ایرانی د تروریستي توطیې په تور نیول شوی
ژباړه .صفت الله زاهدي
