د خلیج ټایمز په نوم د متحده عرب اماراتو یوې انګلیسي ژبې انترنتي ورځپاڼې په خپل یوه تازه رپوټ کې د متحده عربي اماراتو د اقامې په قوانینو کې د تغیراتو خبر ورکړی دی. د دغه رپوټ له مخې، دغه تغیرات د دې خليجي هیواد کابیني تائید کړي او دا چې له دې وروسته په دغه عربي هیواد کې بهرني زده کوونکي کولی شي چې د خپلې کورنۍ غړي متحده عرب اماراتو ته راولي.
د یادې ورځپاڼې په حواله، متحده عربي امارات په سیمه کې د زده کړې له پلوه یو له غوره هیوادونو څخه شمیرل کیږي. رپوټ زیاتوي چې په دغه هیواد کې له ۷۷ ډیر پوهنتونونه فعالیت لري چې پکې په لسهاوو زره زده کوونکي په زده کړو بوخت دي.
د نویو قوانینو له مخې، تر دې وروسته په متحده عرب اماراتو کې میشت بهرني زده کوونکي په هغه صورت کې چې د خپلې کورنۍ د غړو د راوستلو او د ژوند د مصارفو د پوره کولو امکانات ولري، کولی شي چې د کورنۍ غړي را وغواړي او ګډ ژوند ولري.
د متحده عرب اماراتو د ولسمشر مرستیال هم د ټویټر د یوه پیغام له لارې په قوانینو کې د تغیراتو خبر ورکړی دی. متحده عرب اماراتو په دې وروستیو کې د سیلانیانو د راجلبولو په خاطر، په ورته اقداماتو لاس پورې کړی دی.
زموږ له آرشيف څخه:
د نړیوال اقتصادي فورم د رپوټ په اساس متحده عربي امارات په نړۍ کې تر ټولو ښه سړکونه لري. له همدې امله د اماراتو د سړکونو شبکې ته له يو څخه تر ۷ پوري تر ټولو ښه يعني ۷ نومرې ورکول شوي:
انځور: picture-alliance/J. Schwenkenbecher ۱- متحده عربي اماراتو د نړیوال اقتصادي فورم په درجه بندۍ کې د ښو سړکونو درلودلو له امله نږدې تر ټولو لوړه درجه یا ۶،۴ نومرې ترلاسه کړي دي.
۲- سینګاپور په دې درجه بندۍ کې ۶،۳ نومرې ترلاسه کړي دي.
۳- سویس په دې درجه بندۍ کې ۶،۳ نومرې ترلاسه کړي دي.
۴- هانګ کانګ په دې درجه بندۍ کې ۶،۲ نومرې ترلاسه کړي دي.
۵ - هالنډ په دې درجه بندۍ کې ۶،۱ نومرې ترلاسه کړي دي.
۶- جاپان ۶،۱ نومرې ترلاسه کړي دي.
۷- فرانسه په دې درجه بندۍ کې ۶،۰ نومرې ترلاسه کړي دي.
۸- د نړیوال اقتصادي فورم د رپوټ په اساس پرتګال د ښو سړکونو شبکې درلودلو په درجه بندۍ کې له ۶،۰ نومرو سره په اتم مقام کې ځای نیولی دی.
۹- د نړیوال اقتصادي فورم د رپوټ په اساس اتریش د ښو سړکونو شبکې درلودلو په درجه بندۍ کې ۶،۰ نومرې ترلاسه کړي.
۱۰- امریکا ۵،۷ نومرې ترلاسه کړي.
انځور: picture-alliance/dpa/EPA/R. B. Tongo ۱۲- سویلي کوریا ۵،۶ نومرې
۱۴- عمان ۵،۵ نومرې ترلاسه کړي دي
۱۵- آلمان ۵،۵ نومرې ترلاسه کړي دي
۱۶- هسپانیي هم ۵،۵ نومرې ترلاسه کړي دي.
۱۷- عربي هیواد قطر هم د نړیوال اقتصادي فورم په درجه بندۍ کې ۵،۵ نومرې ترلاسه کړي دي.
۱۸- سویډن هیواد هم د نړیوال اقتصادي فورم په درجه بندۍ کې ۵،۵ نومرې ترلاسه کړي دي.
۱۹- کرواسیا یا کروایشیا هم ۵،۵ نومرې ترلاسه کړي.
۲۰- په دې درجه بندۍ کې لوګزامبورګ هم ۵،۵ نومرې ترلاسه کړي دي.
