د وسلو او پوځي تجهيزاتو ايډکس (International Defence Exhibition & Conference) نندارتون په خپل ډول کې تر ټولو ستر نندارتون دی چې په منځني ختيځ کې پرانیستل شوی دی.

دغه نندارتون د يکشنبې په ورځ (د فبروري ۲۱مه) پرانیستل شو. تر پرانیستنې مخکې، د متحده عربي اماراتو د پوځ جنګي الوتکو نمايشي پروازونه وکړل.

په ابوظبي کې د وسلو دغه ستر نندارتون چې د فبروري پر ۲۱ پرانیستل شو، د فبروري تر ۲۵مې به ادامه لري. متحده عربي اماراتو په لومړۍ ورځ له صربستان او سويلي افریقا سره د توپخانې او بې پيلوټه الوتکو د رانيولو قراردادونه وکړل.

د کرونا وبا ته په کتو، سپارښتنه شوې چې نندارتون ته راغلي کسان بايد یو د بل ترمنځ فزيکي واټن (لږ تر لږه دوه متره) رعایت کړي. خو دغه کار په ټولو مواردو کې ممکن نه دی.

د کرونا وبا پر وخت د منځني ختيځ هیوادونو په عوايدو کې کمښت راغلی دی. په دې سره د دغو هیوادونو پوځي لګښتونه هم عملاً لږ شوي دي.

سربيره پر دې چې د منځني ختيځ هيوادونو عواید د کرونا پر وخت لږ شوي، خو متحده عربي اماراتو د نندارتون په لومړۍ ورځ د يو ميليارد او ۳۵۰ ميليونه ډالرو په ارزښت وسلې رانيولې.

د نړۍ د مختلفو وسلې توليدونکي هيوادونه هيله مند دي چې د دغه نندارتون له لارې وشي کړای په منځني ختيځ کې د خپلو پوځي تولیداتو د خرڅلاو کچه لوړه کړي.

چین چې په نړۍ کې په تسليحاتي برخه کې دوهم لوی صادرونکی هیواد دی، د ابوظبي په نندارتون کې د «فایر دراګون» بالستيکي توغندي له یوې واقعې نمونې سره حضور لري.

د ابوظبي په نندارتون کې سپکې وسلې هم نندارې ته ايښودل شوي. د متحده عربي اماراتو د پوځ افسران د يوه توپک ننداره کوي.

د ابوظبي په نندارتون کې روسيه تر ټولو رنګين رول لري. په نندارتون کې د روسي د وسلو تولیدونکی حکومتي شرکت (Rosoboronexport) ته د ځانګړی شوي ځای یوه څنډه ليدل کيږي.

چين، روسيه، امريکا متحده ايالات او یا هم آلمان په نړۍ کې د وسلو تر ټولو ستر توليد کوونکي هیوادونو شمیرل کيږي. خو د ابوظبي د وسلو په نندارتون کې د جنوبي کوريا په څير هیوادونو هم ګډون کړی تر څو د خپلو پوځي توليداتو خرڅلاو ته بازار پيدا کړي. په انځور کې يو زره پوښ لیدل کيږي.