د ژغورنې خدماتو ادارې په حواله د اوکراین په پلازمېنې کیف کې د روسیې د شدیدو شپنیو عملیاتو په ترڅ کې لږ تر لږه ۴ تنه وژل شوي او د درو ماشومانو په ګډون ۱۶ تنه ټپیان شوي دي. د چملنیتسکي په سیمه کې هم ۴ تنه وژل شوي او د اوکراین په سویل میکولاایف کې هم د یوه کس د وژل کیدو خبر ورکړل شوی دی.
چارواکو سهار وختي په پلازمېنه کیف کې د «لسګونو بې پیلوټه الوتکو» د بریدونو خبر ورکړ او په تعقیب یې د احتمالي توغندیز برید ترسره کیدو له کبله خبرداری ورکړ.
د کیف ښاروال ویتالي کلیچکو وویل چې پر ښار برید شوی، خو د هوایي دفاع سیستم فعاله دی. کلیچکو له خلکو څخه وغوښتل چې په امنو ځایونو کې پاتې شي. د فرانس پریس خبري آژانس خبریالانو د چاودنو غږونه اوریدلي دي.
د کیف د پوځي ادارې مشر تیمور تکاشنکو، د تلګرام له لارې وویل چې د دښمن په لسګونو بې پیلوټه الوتکې د پلازمېنې کیف په فضا کې موجود دي: «د کیف او شاوخوا په فضا کې یو شمیر ډرونونه لادمخه ویشتل شوي دي.»
نوموړي خبرداری ورکړ چې یو شمیر ډرونونه اوس هم د پلازمېنې د پاسه د حرکت په حال کې لیدل کیږي او د یوه ډرون پارچې د استوګنې پر یوې پنځه پوړیزې ودانۍ غورځیدلي دي.
د کیف په لویدیځ کې د خملنیتسکي سیمې د امنیه قوماندان مرستیال د ۴ کسانو د وژل کیدو او یو تن د ټپي کیدو خبر ورکړی دی.
مسکو کې پوځي پریټ؛ پوتین وايي په اوکراین کې بریا د مسکو ده
د مسکو په سره ميدان کې پر نازي آلمان باندې د بريا د ۸۰يمې کلیزې په مناسبت رسم ګذشت ترسره شوه. پوتين، په دې ترڅ کې په اوکراين کې د مسکو د بريا خبره وکړه. د دغه پوځي پريټ نور جزيات د انځورونو په دې ګالري کې کتلی شئ:
انځور: van Sekretarev/Host agency RIA Novosti/Handout/REUTERSد دويمې نړيوالې جګړې يادون او سياسي او اديالوژيکي اهداف
د می نهه نیټه چې هر کال د روسي کورنيو له لوري د «بريا د ورځې» په توګه د شخصي یادونو سره لمانځل کيږي، خو حکومت تل هڅه کوي چې دا ورځ د خپلو سياسي موخو له پاره وکاروي. دا څرګندونې په خټه روسی کارپوه اليکس يوسپوف، وکړي. د روسیې ولسمشر ولاديمير پوتين، د جمعې په ورځ د می ۹مه د مسکو په سره مېدان کې د پوځي پریټ پر مهال پر اوکراين د بريا خبره وکړه.
د يو شمیر کارپوهانو په آند پوتين، هڅه کوي چې دا پريټ تر ډېره بريده «نړيوال ښکاره» کړي او نړيوال مشران به هم دلته د دغه بريا د لمانځلو په موخه راځي. خو پوتين هڅه کوي د هغوی له حضوره څخه د يوه ابراز په توګه ګټه پورته کړي. په دې انځور کې له پوتین سره له پوځي پريټ څخه د کتنې پر مهال د هغه نژدې متحدینو له هغې جملې څخه ېې چینايي سیال شی جین پینګ، هم حضور درلود
په انځور کې د رهبرانو په ډله کې د چین ولسمشر شي جین پينګ، د تاجیکستان ولسمشر امامعلی رحمانوف، او د سلواکیا صدراعظم رابرت فیتسو، هم لیدل کیږي.
پوتین له خپلو کلیدي متحدینو سره په دوهمه نړېواله جګړه کې د نازي آلمان پر ضد د پخواني شوروي اتحاد د بریا ۸۰مه کلیزه لمانځي. له کيڼ څخه ښي پر لور: د روسیې ولسمشر ولادیمیر پوتین، د چین ولسمشر شي جین پینګ، د قزاقستان ولسمشر صدر جباروف، د قزاقستان ولسمشر قاسم جومارت توقایف، د بلاروس ولسمشر، الکساندر لوکاشینکو او د ارمنستان صدراعظم نیکول پاشینیان.
مخکې له دې چې په پریټ کې زغروال وسایط او ټانکونه وښودل شي، روسي عسکر ځانګړي پوځي مراسم ادا کوي
په دغه انځور کې د روسي فوینیکس زغروال جنګي موټر او د لنزا په نوم زغروال امبولانس لیدل کیږي چې د مسکو په سره مېدان کې د پوځي پریټ پر مهال تېریږي.
رپوټونه وايي د مسکو په پوځي پريټ کې هغه ماډل ډرونونه او ټانګونه وښودل شول چې په اوکراین جګړه کې کارول شوي دي.
د مسکو سور میدان، پياده ځواکونه
په مسکو کې د ۲۰۲۵م کال د می میاشتې په ۹مه د نازي آلمان پر وړاندې د پخواني شوروي اتحاد د بریا په مناسب پوځي پریټ. په دغه انځور کې د مختلفو پوځي واحدونو ځواکونه لیدل کيږي.
په دغه انځور کې د روسي عسکر د می نهمې پوځي پریټ پر مهال د لوژ له مخې د تېرېدو په حال کې لیدل کيږي
روسیه معمولا خپل د پوځي پريټ مراسم د مسکو په سره میدان کې ترسره کوي. روسیه په دا ډول سترو پوځي مراسمو کې خپل پوځي قوت هم نندارې ته وړاندې کوي.
روسیه په پوځي پریټ کې خپل ډول ډول توغندي هم ښيي. د آرشیف په دغه انځور کې د روسي اس-۴۰۰ ترویمف ډوله له ځمکې څخه هوا ته ويشتونکي توغندي ښودل کيږي
د بلاروس ولسمشر، الکساندر لوکاشینکو
د بلاروس ولسمشر، الکساندر لوکاشینکو چې د پوتین له نژدې متحدینو څخه دی، د می په ۹مه له پوتین سره د روغبړ پر مهال
د مصر ولسمشر، عبدالفتاح السیسي
دوهمه نړېواله جګړه کې د نازي آلمان پر وړاندې د پخواني شوروي اتحاد د بریا ۸۰مې کلیزه؛ د مصر ولسمشر، عبدالفتاح السیسي هم په دغه مناسبت د می میاشتې په ۹مه په مسکو کې له پوتین سره وليدل.
د سربیا ولسمشر الکساندر ووچیچ
د سربیا ولسمشر، الکساندر ووچیچ هم مسکو ته ورغلی. هغه په سره مېدان کې د پوځي پریټ له پېلیدو مخکې د مراسمو ځای ته وروان دی.
د ونیزویلا ولسمشر، نیکولاس مادورو
د ونیزویلا ولسمشر، نیکولاس مادورو، هم د می په ۹مه په مسکو کې د روسې پوځي پريټ په مراسمو کې حضور درلود.
همدارنګه د اوکراین له سویل خرسون او میکولایو سیمو څخه هم د شپنیو بریدونو خبر ترلاسه شوی دی. د ژغورنې خدماتو ادارو د رپوټونو په حواله په میکولایو کې د استوګنې پر ودانۍ د بې پيلوټه الوتکې په برید کې یو سړی وژل شوی دی.
پر مسکو د بې پيلوټه الوتکو بریدونه
د روسیې د پلازمېنې مسکو ښاروال سرګیئ سوبیانین، ویلي چې ۱۲ ډرونونه چې د مسکو پر لور د حرکت په حال کې ول تر پيژندل کیدو وروسته را غورځول شوي دي. د روسیې د ملکي هوایي خدماتو ادارې په حواله لږ تر لږه په څلورو هوایي ډګرونو کې پروازونه محدود کړای شوي دي چې په هغو کې د مسکو تر ټولو لوی هوایي ډګر شیرمتییف هم شامل دی.
یوه شپه مخکې تر دې هم پر کیف د بې پيلوټه الوتکو او توغندیو شدید بریدونه شوي ول. د اوکرایني چارواکو په حواله روسیې له ۲۵۰ بې پيلوټه الوتکو او ۱۴ بالستیک توغندیو سره برید کړی و. د اوکراین هوایي ځواکونو اعلان وکړ چې ۲۴۵ بې پيلوټه الوتکې او ۶ توغندي یې په هوا کې خنثی کړي دي. د دغو بریدونو په پایله کې په کیف کې لږ تر لږه ۱۵ کسان ټپیان شوي ول.
د وروستیو رپوټونو په حواله روسیې تیره شپه پر اوکراین له ۶۹ توغندیو او ۲۹۸ بې پيلوټه الوتکو د برید خبر ورکړی دی. د اوکراین د هوایي خدماتو ادارې اعلان کړی دی چې ۴۵ توغندي او ۲۶۶ ډرونونه یې را نسکور کړي دي. په دغو بریدونو کې لږ تر لږه ۱۲ تنه وژل شوي دي.
ډرونونه څرنګه په اوکراین کې جګړې ته بله بڼه ورکوي؟
