اوکراین د روسیې د چاودیدونکو توکو پر فابریکې برید کړی
۱۴۰۴ مهر ۳۰, چهارشنبه
د اوکراین د پوځ په حواله د «سټورم شیډو» توغندي د روسیې له هوایي دفاع سیستم څخه په تیریدو هدف ته ځان رسولی دی.
زیاته شوې ده چې یو هوايي برید د مسکو په سویل ختیځ ۵۰۰ کیلومترې کې په سارانسک ښار کې د چاودیدنکو موادو یوه فابریکه په نښه کړې ده. په دې کارخانه کې د انسان ضد ماینونه او چاودیدونکي مواد تولیدل. د دې برید نور جزیات لا نه دي خپاره شوي.
د اوکراین ولسمشر ولادیمیر زیلنسکي، اوس د سویډن په دوره تللی دی چیرې چې هغه د دفاعي صادراتو د یوه تړون په هکله پر خبرو اترو بوخت دی.
زیلنسکي د امریکا متحده ایالاتو د ولسمشر دونالد ترمپ د اوربند د طرحې ملاتړ کړی دی، خو د روسیې د ولسمشر ولادیمیر پوتین پر رضایت یې شک ښودلی دی.
د اوکراین ولسمشر ویلي دي چې هغه د امریکا د ولسمشر د هغه وړاندیز ملاتړ کوي چې له روسیې سره دې مذاکرات د جګړې د اوسنۍ جبهې پر اساس وشي، خو په ورته وخت کې هغه پوښتنه مطرح کړې ده چې ایا د روسیې ولسمشر ولادیمیر پوتین به له دې موضوع سره موافقه وکړي که څنګه؟
زیلنسکي اوسلو ته د یوه لنډ سفر پر مهال له خبریالانو سره په خبرو کې وویل: «ترمپ وړاندیز کړی دی چیرته چې موږ یو هم هلته دې پاتې شو او خبرې اترې پيل کړو.»