ملګرو ملتونو او د کاتوليکي کليسا د روحانيونو له خوا د جنسي تېري د قربانيانو اتحاديې پر پاپ فرانسيس ږغ کړی دی چي په درو سترو وچو کي دي د خيمېنس بېلو په تړاو دوسيې کتل کېدنې ته پرانيزي. له پاپ څخه غوښتنه سوېده چي ټولي هغه دوسيې بايد وپلټل او ميدان ته سي، چي ورڅخه څرګنديږي چي کوم کس کله د خيمېنس بېلو له خوا پر ماشومانو د جنسي تېري له قضيو څخه خبر سوی او کوم اقدام يې کړی دی.
د ختيځ تيمور پر پخواني اُسقف خيمېنس بېلو تور دی چي پر ماشومانو يې جنسي تېري کړي دي. هالنډۍ ورځپاڼي «دې ګروينه امستردام» تېره اونۍ يو راپور خپور کړ چي له مخي يې بېلو تورن سوی دی چي په ۹۰ مه لسيزه کي يې پر يو شمير صغير هلکانو جنسي تېری کړی ؤ. د يادي ورځپاڼي په راپور کي د شاهدانو خبري هم راوستل سوي دي. دغه شاهدان کيسه کوي چي د بېلو له خوا ورباندي جنسي تېری سوی دی.
رپوټ: آلماني کشیشانو له زرونو ماشومانو څخه ناوړه جنسي استفاده کړې
د نوبل د سولي جايزه
خيمېنس بېلو ته په ۱۹۹۶ میلادي کال کې د سولې نوبل جايزه ورکول سوه. هغه زيات کالونه د ختيځ تيمور د بحران د سوليز حل لپاره سوليزه مبارزه وکړه. واټيکان د پنجشنبې په ورځ (د ۲۰۲۲ کال د سپتمبر ۲۹ نېټه) وويل چي د دغې قضيې په هکله معلومات لري. بېلو په ۲۰۰۲ م کال د ختيځ تيمور د اپوستوليک اداره کوونکي په توګه له خپلي دندې مستعفي سوی ؤ. د هالندۍ ورځپاڼي د راپور له مخي په همدغه کال د بېلو پر ضد تورونه رابرسېره سوي ول. د واټيکان په وينا بېلو په ۲۰۰۳ م کال و پورتګال ته او بيا يو کال وروسته و موزمبيک ته ولاړ او هلته يې د مرستندويه مذهبي کشش په توګه کار کاوه. څلور اويا کلن بېلو اوس بېرته په پورتګال کي ژوند کوي.
د واټيکان وياند ماتيو بروني ويلي دي چي د واټيکان د روحانيونو شورا په ۲۰۱۹ کال په لومړي ځل له يادې قضيې لپاره دلچسپي وښودله. په وينا يې دغې شورا د ۲۰۲۰ کال په سپتمبر کي پر بېلو ځانګړي محدوديتونه ولګول. په دغو محدوديتونو کي د حرکت لپاره د ساحې تعين، د خپلې دندې د نه تر سره کولو محدوديت او په خپله رضا د کم سن کسانو سره تماس نيول شامل دي. وياند ويلي دي چي اُسقف بېلو ياد محدوديتونه په رسمي توګه پر ځان ومنل.
د هالند يادي ورځپاڼي ويلي دي چي بېلو پر تليفون د دغې موضوع په هکله ورسره خبري ونکړې.
د مسيحي روحانيونو له خوا د جنسي تېري د قربانيانو سازمان شک ښودلی دی چي ښايي مسؤل کاتوليکي چارواکي او ادارې له ۲۰۱۹ کال څخه تر مخه هم په دغه قضيه خبر ول. له دې کبله هغوی غواړي چي اړونده ټولې د کليسا دوسيې دي کتلو ته حاضري کړل سي.
آ./ا.ا./ا.خ.ح.
چرسي امريکايي ښځينه «راهبانې»
د هند او برصغير په هيوادونو کي د چرس څکوونکو زيات شمېر ملنګانو انځورونه ښايي زياتو خلکو ليدلي وي. خو اوس په امريکا کي د ښځينه «راهبانو» انځورونو په نړيواله توګه توجه ځان ته جلب کړې. په اړه يې انځوريز راپور دلته وګورئ: انځور: Reuters/L. Nicholson د ځان او خريدارانو له پاره د امريکا د متحده ايالاتو د کاليفورنيا سنټرل وېلي نومي ځای د ميوو د کرهڼي له پاره ډېر مشهور دی. خو دغه ځای په تيرو نژدې وختونو کي د داسي ښځينه راهبانو له کبله هم مشهوره سوی، چي د بنګو بوټی کري. هغوی له دغو بوټو کانابيس يا چرس جوړوي، د ځان لړ خريدارانو له پاره.
انځور: Reuters/L. Nicholson د کاليفورنيا دغه دوې ښځينه راهبانې د کاتوليکي کلېسا سره هيڅ اړيکي نه لري. دغه راهبانې وايي: «موږ د دين پر ضد يو او له همدې کبله موږ هيڅ دين نه لرو. موږ د عيسوي دين څخه پر تر مخه د وخت لمانځنې کوو.»
انځور: Reuters/L.Nicholson د دې څخه تر مخه چي کېټ (انځور) يوه چرسي راهبه سي، هغې د «والسټريټ قبضه کړئ» په څېر غورځنګونو غړې وه. کېټ او د هغې خور د ياد غورځنګ له پاره د احتجاجونو پر وخت د راهبانو جامې په اغوستې چي له کبله يې هغوی ته د «قبضه وکړئ راهبانې» خطاب کېدی.
انځور: Reuters/L. Nicholson د کاليفورنيا دغه راهبانې وايي چي د بنګو د بوټو بېل اقسام په خپله ساتي او پالي يې.
انځور: Reuters/L. Nicholson د دغو ښځو په خبره دوی زيات وخت کارونه په لاس کوي او په وينا يې د بوټو په چاڼ کي زيات احتياط کوي.
انځور: Reuters/L. Nicholson کېټ په خپله د بنګو د بوټو په تړاو زیات معلومات لري او دغه معلومات د خپلو همکارانو سره شريکوي او هغوی ته ښوونه کوي.
انځور: Reuters/L. Nicholson د کېټ او د هغې د همکارانو يخچال هميشه د بيلو بنګو بوټو له حاصل څخه ډک وي.
انځور: Reuters/L. Nicholson سيسټر فريا د بنګو څخه يو ډول خاص مايع جوړوي. د هغې په وينا دغه مايع درد ختموي او د زخم په ژر رغېدلو کي کومک کوي. د راهبانو په وينا هغوی له بنګو او چرسو څخه طبي مصنوعات جوړوي البته پکښي نشيي مواد ډېر کم وي.
انځور: Reuters/L. Nicholson دغې مېرمني چي ځان ته د «سيسټرز آف د وېلي» يا د « د درې ښځينه راهبانې» خطاب کوي، په ۲۰۱۵ کال يې له بنګو او چرسو څخه د طبي او ښکلا د مصنوعاتو په جوړولو لاس پوري کړ. د کېټ په وينا هغوی په ۲۰۱۶ کال کي د ۷۵۰ زرو ډالرو په ارزښت خپل جوړ سوي د چرسو او بنګو مصنوعات جوړ کړي دي.
انځور: Reuters/L. Nicholson د کاليفورنيا تر څنګ د امريکا په متحده ايالاتو کي تر شلو زيات نور ايالتونه سته چيري چي د طبي اړتياؤ له پاره د بنګو او چرسو استعمال او د صنعت اجازه سته. کېټ وايي چي له کاتوليکانو څخه بعضي له «کرکي ډک» تليفونه سوي، خو نو په ټولنه کي د ننه د دوی په وړاندي مشکل نسته.
انځور: Reuters/L. Nicholson د دونلد ترمپ حکومت وايي چي د کانابيس يا بنګو او چرسو د اجازې پر ضد دی. خو د کاليفورنيا بنګ بوټي کرونکي راهباني وايي چي د حکومت دغه دريځ دوی دې ته هڅوي چي لا خپل کار ته پراختيا ورکړي.
انځور: Reuters/L. Nicholson راهبه کېټ وايي: «ټرمپ پر موږ سور اور جوړ کړی دی... موږ به بل هيواد ته ولاړ سو. ټرمپ ته زموږ جواب کاناډا دی.» کېټ او د هغې ملګري د بنګو او چرسو خپل مصنوعات د انټرنټ له لاري پلوري. (راپور: نادين برګاوين)
انځور: Reuters/L. Nicholson
