د ملګرو ملتونو عمومي منشي انتونيو ګوتېرش د دوشنبې په ورځ ويلي دي چې په داسې حال کې چې په اوکراين کې شديده جګړه روانه ده، له دې کبله اندېښمن دی چې نړۍ د يوې لا سترې جګړې پر لور ولاړه شي.
ګوتېرش په نيويارک کې ديپلوماتانو ته وويل: «موږ ۲۰۲۳م کال د ننګونو له يوې داسې مجموعې سره پېل کړ چې موږ یې په خپل ژوند کې ساری نه دی ليدلی.» نوموړي زياته کړې: «زه هیله لرم چې نړۍ د يوې لا پراخې جګړې پر لوري ولاړه نه شي. ويره لرم چې نړۍ په پرانيستو سترګو دا کار کوي.»
پوتین: غربیان غواړي روسیه تجزیه کړي
ګوتېرش د ملګرو ملتونو په عمومي اسامبله کې د روان میلادي کال له پاره خپل لومړيتوبونه په ډاګه کړل او د ټولې نړۍ له ديپلوماتانو څخه یې وغوښتل چې «رابيدار» او «لاس په کار شي.»
که څه هم چې د اوکراين جګړې د ملګرو ملتونو د عمومي منشي د لومړيتوبو په ليست کې لومړی ځای درلود خو هغه د نورو سيمو امنيتي ګواښونو ته هم اشاره وکړه چې په هغه کې د اسرائيل او فلسطينيانو ترمنځ نښتې، د افغانستان وضعيت، ميانمار، د افريقا د ساحل سيمې او هايتي شامل دي.
شولڅ: پوتين ما او یا آلمان ته ګواښ نه دی کړی
ګوتېرش پر سياستوالو او اقتصادي مشرانو انتقاد وکړ چې له سترو کړکيچونو سره پر مخ کيدو سربیره هم پر لنډمهاله او عادي مسئلو تمرکز کوي. نوموړي په دې ترڅ کې مثالونه هم وړاندې کړل او ویې ويل چې سياستوال او اقتصادي مشران د راتلونکو ټاکنو، د قدرت ساتنې له پاره پر سياسي تاکتيکي مانورو او حتی د راتلونکې ورځې د ونډو بیې ته د فکر کولو تمايل لري.
روسيه: ناټو د هند او چين تر منځ «ستونزې» زيږوي
نوموړي زياته کړه: «دا ډول لنډمهاله فکرونه نه يوازې ډېر غیر مسئولانه بلکې غير اخلاقي هم دي.»
ب. ص/ ن. ز (AFP, AP, dpa, Reuters)
زموږ له آرشيف څخه:
په مسکو کې د برم پوځي پرېټ
روسيې په دوهمه نړیواله جګړه کې د نازي جرمني پر وړاندې د پخواني شوروي اتحاد د بریا ۷۶مه کلیزه په پوځي پرېټ ولمانځله. روسيه هرکال د می ۹ لمانځي. انځورونه يې وګورئ! انځور: Maxim Shemetov/REUTERS د پلان له مخې پوځي پرېټ د ګرينويچ پر وخت د سهار پر ۷ بجو په ځانګړو تشریفاتي مراسمو سره پیل شو.
انځور: Alexander Zemlianichenko/AP Photo/picture alliance د روسېې ولسمشر ولاديمیر پوتین هم په مسکو کې د می مياشتي د نهمې په پوځي مراسمو کې ګډون درولود او د پوځي پرېټ ننداره يې وکړه. هغه له پخوانيو پوځيانو سره د لیدنې پر مهال.
انځور: Alexei Druzhinin/AP Photo/picture alliance د روسېې دغه پوځي پرېټ په داسې وخت کي وشو چې سږکال يې له لويديځ سره اړيکې هم خړې پړې شوې دي.
انځور: Mikhail Metzel/Sputnik/REUTERS پوتین د پخوانيو جنرالونو په منځ کې په انځور کي د دوهمي نړيوالي جگړې څوتنه گډون کوونکي ښکاري. پوتين هغوی ته مبارکي ورکړله.
انځور: Mikhail Metzel/Sputnik/REUTERS دغه پوځي پرېټ د مسکو په سره میدان کې تر سره شو.
انځور: Maxim Shemetov/REUTERS همدا ډول ويل شوي ول چې د مسکو د یکشنبې ورځې په پوځي پرېټ کې د نړیوال بالیستيکي توغنديو په ګډون به ۱۹۰ ډوله وسلې وښودل شي.
انځور: Evgenia Novozhenina/REUTERS په پوځي پرېټ کې د نژدې ۸۰ پوځې الوتکو ګډون. درې جوړې الوتکې د سره میدان له سره په آسمان کې د روسې د درې رنګه بیرغ په نقش کاږولو سره تیریږي.
انځور: Shamil Zhumatov/REUTERS روسيې په دغه پوځي پرېټ کې خپل پوځي ځواک نندارې ته وړاندې کړ. روسيه د نړۍ يو قوي پوځي ځواک درولودونکی هیواد ګڼل کيږي.
انځور: Alexander Zemlianichenko/AP Photo/picture alliance زغروال روسي ټانکونه د هغو درونو وسلو له ډلې څخه ول چې د یکشنبې ورځې په پوځي پرېټ کې تیر شول.
انځور: Alexander Zemlianichenko/AP Photo/picture alliance تر پوځي پرېټ دمخه رپوټونو کې راغلي ول چې د مسکو په دغه پوځي مراسمو کې ۱۲ زره عسکر ګډون کوي.
انځور: Maxim Shemetov/REUTERS روسيې د يکشنبې ورځې په پوځې پرېټ کې د مختلفو پوځي قطعاتو سرتيري وښودل شول.
انځور: Evgenia Novozhenina/REUTERS روسيه په داسې وخت کې سږکال د نازي آلمان پر وړاندې د پخواني شوروي د بریا ۷۶مه کلیزه لمانځنه چې سږکال يې له امریکا متحده ایالات سره ديپلوماتيکي اړېکې ترینګلي شوي دي.
انځور: Sergei Karpukhin/TASS/dpa/picture alliance روسيه وايي دغه مسئله چې د لوېديځ د اندېښنې سبب شوې په اصل کې د ناټو پوځي اتحاد او اوکراين د پوځي فعالیتونو ته د ځواب په توګه د پوځي تمریناتو یوه لړۍ وه. روسيې وروسته د خپلو ځينو ځواکونو د وتلو امر وکړ.
انځور: Shamil Zhumatov/REUTERS د فرانسې خبري آژانس په حواله روسیه پلان لري چې د دوشنبې په ورځ د می ۱۰مه هم دې ته ورته پوځي پرېټونه په خپلو ځینو نورو ښارونو کې وکړي.
انځور: Yuri Smityuk/TASS/dpa/picture alliance
