«په افغانستان کې ناچاودو توکو ۶۴ کسانو ته مرګ ژوبله اړولې»
۱۴۰۳ بهمن ۹, سهشنبه
د ملګرو ملتونو د بشري حقونو په دې رپوټ کې چې د دوشنبې په ورځ خپور شوی دی او په هرو دريو مياشتو کې یې تازه کوي، راغلي دي چې په افغانستان کې له جګړې پاتو ناچاودو توکو له کبله ۶۴ کسانو ته مرګ ژوبله اوښتې ده چې ۴۷ ماشومان هم پکې شامل دي.
رپوټ د دغه توکو له کبله په دوامداره توګه موجود ګواښ روښانه کوي چې افغان ماشومان یې تل قرباني کيږي.
اړونده موضوع: پکتیا: په چاودنه کې شپږو ماشومانو ته مرګ ژوبله اوښتې
د دوشنبې په ورځ هم سيمه ایزو رسنيو د افغانستان په ختیځ پکتيا ولایت کې د يوه ۸ کلن ماشومان د وژل کیدو او پنځو نورو د ټپي کیدو خبر ورکړ.
پېښه د پکتیا په ځاځي اريوب ولسوالۍ کې هغه مهال رامنځته شوې چې ماشومانو د لوبو پر مهال د لسیزو له شخړې را پاتې د هاوان يوه مرمۍ په يوه ډبرو ويشتلې وه. د دريو ټپي شويو ماشومانو روغتيايي وضعيت د انديښنې وړ دی.
د ۲۰۲۴م کال په اکتوبر میاشت کې په يوه ورته پېښه کې درې ماشومانو هغه وخت ووژل شول چې د کچالو حاصلاتو ټولولو پر وخت یې دغه ناچاوده توکی په بیلچه وهلی وو.