نهه کلن دونگ د چين په سويل لوېديځ کي په دغه وړه کوټه يا خونه کي د خپل مور پلار، خور او نيکه سره يوځای اوسيږي. د دونگ کورنۍ بې وزله ده او په خپل کوچني پټی کي د وريژو او شکر گني په کرهڼه خپل ژوند پر مخ بيايي. د دغه هلک ارمان دی چي يو وخت پوليس سي او غله ونيسي.

هېريسن د امريکا د متحده ايالاتو په نيو جرسي کي ژوند کوي. دغه اته کلن ځان ته يوه لويه د خوب خونه، خپل تلويزيون، خپل تشناب او د لوبو کولو لپاره ښه ډېر سامان لري. هېريسن د خپل مور او پلار يوازنی زوی دی او خصوصي ښوونځي ته ځي. دغه هلک غواړي چي د حيواناتو ډاکټر سي.

څلورکلنه کايا د جاپان په ټوکيو ښار کي د خپل مور او پلار سره ژوند کوي. د کايا په خونه کي د دېوال سرتاخونه د لوبو له سامان څخه ډک دي. د کایا مور هغې عموما په مياشت کي درې ځله پخپله نوي جامې گنډي. دغه انجلۍ غواړي چي د طنز او هنر ستورې سي او د جاپان ځانگړي کارتوني رسامۍ وکhttp://cms.dw.com/cda/image/59970781_401.jpgړي.

په نړۍ کي هر ماشوم خپل بستر نه لري. اندرا د نيپال په کتمندو کي د خپلي کورنۍ سره په يوه خونه کي ژوند کوي. دغه اوه کلنه ماشومه د خپلو نورو خوېندو سره يوځای پر مځکه پر توشکه بيديږي. اندرا له څلورکلنۍ راهيسي د گرانټ د اخراج په يو کان کي کار کوي. د هغې ارمان دی چي يو وخت رقاصه سي.

شيرپ لس کلن دی او د نيپال په يوه بودايي خانقاه کي د ۷۹ نورو هلکانو سره ژوند کوي. هغه نورو هلکانو سره يوځای د راهب په توگه روزنه ويني. دوی ټول په دوه منزله بسترونو کي ژوند کوي او ډېر لږ سامان لري. د شيرپ مور او پلار هغه دلته لېږلی دی ځکه چي غوښتل یې چي خپل يو زوی راهب کړي ځکه په عقيده يې د هغوی د خوشبختۍ سبب به سي.

ياسمين اوه کلنه ده او د امريکا متحده ايالاتو په کينټکي کي د خپل مور او پلار سره په يو لوی کور کي ژوند کوي. د هغې مور او پلار د ماشومانو د ښکلا په څو سياليو کي خپله لور نندارې ته وړاندي کړې ده. ياسمين څو ځله «د ښکلا ملکه» سوې او اړونده د ښکلا تاجونه يې گټلي دي. هغه هره ورځ د سياليو لپاره تمرين کوي او گراني جامې اغوندي. د هغې د مور او پلار دغه شوق ورته په زرونو ډالره تماميږي.

اهاکوهيټ په برازيل کي د کاراهو په نوم قبيلې غړی دی او پر چټايي يا بوريا پر مځکه بيديږي. د هغه پر بدن د سور رنگ کرښي د هغه قبيلوي دودونو څخه يو دود دی. د دغه اته کلن هلک قبيله په دې باور ده چي مځکه د لمر او سپوږمۍ له خوا جوړه سوېده. اهاکوهېټ له نژدې سيند څخه اوبه راوړي او کرهڼه کوي.

يولس کلنه تای د برازيل د ريو دي جينېرو په ښار کي د استوگنې د يوې ودانۍ په دريم منزل کي ژوند کوي. د هغې مور او پلار ډېر بډای نه دي خو ژوند يې ښه پر مخ ځي. تای د برازيلي پاپ ستوري فيلپ ډيلان مينه واله ده او د خوب په خونه کي يې د هغه انځورونه لگولي دي. (صوفیا پرینزین)