نوموړي سازمان ویلي دي چې اقلیمي بدلونونه، د سیلابونو بیړنۍ اغیزې او له ګاونډیو هیوادونو ایران او پاکستان څخه د مهاجرو بیرته ستنیدنه د دې سبب شول چې په دومره لوړ شمیر کې ماشومان له لوږي سره مخامخ شي.
د یمن ماشومان له زور زیاتیو او لوږې سره په مبارزه کې
یونیسف وايي چې زور زیاتي، بې کوره کیدل، وچکالي او روغتیايي آسانتیاوو ته نه لاس رسی هغه څه دي چې د یمن خلک ورسره لاس او ګریوان دي. د یمن نږدې یو نیم میلیون وګړي له خوارځواکۍ سره مخامخ دي.
د نړیوال خوراکي پروګرام د مسوولینو له ډلې څخه بتینا لوشر همدا راز وایي چې په یمن کې تر یو میلیون ډیرې میرمنې میندواره دي او یا هم خپلو ماشومانو ته شیدې ورکوي، یوازې د نړیوالو مرستو پر مټ خپل ژوند ته ادامه ورکولی شي.
انځور: Getty Images/AFP/A. Hyder
مالي مرستې
په یمن کې ناورین د دې سبب شوی چې سعودي عربستان د دې هیواد د وضعت د ښه کولو له پاره ۲ میلیارده ډالر مرسته وکړي. خو ګڼ شمیر مرستندویه سازمانونو بیا له عربستانه غوښتي چې یمن ته د مرستو د رسولو ټولې لارې پرانیزې.
انځور: picture alliance/AP Photo/H. Mohammed
د لارو تړل کیدل
د سعودي عربستان په مشرۍ پوځي ائتلاف د ۲۰۱۷م کال په نوامبر میاشت کې د یمن په شمال کې د حوثي یاغیانو تر ولکې لاندې سیمو کې د مرستو د رسولو ټولې لارې تړلي دي. خو ریاض د نړیوالو تر زیاتو فشارونو وروسته ځینې بندري لارې بیرته پرانیستلې تر څو د مرستو رسول ممکن شي.
