د کرونا ناروغۍ او په اوکراین کې د روسیې له جګړې وروسته د لوږې ستونزه زیاته سوې ده.
زموږ ديوټيوب کانال هم درسره تعقيب کړئ
په راپور کې راغلي دي چې د کرونا وبا او په اوکراین کې د روسیې د جګړې پایلو دغه وضعیت لا پسې خراب کړی دی. اوس د نړۍ نفوس شاوخوا اته ميلیارده وګړي دي.
اړوند مطالب: د نړيوالې لوږې له کبله د مرستندويه سازمانونو خبرداری
ملګرو ملتونو یو هدف ټاکلی چې تر ۲۰۳۰م کاله پورې به په نړۍ کې هیڅوک له لوږې سره مخامخ نه سي. خو د خوراکي توکو د عرضې او تغذيې د ستونزې په اړه له اوسني راپور څخه دې نتيجې ته رسيږي چې دا کار د اوسني بهير سره نه سي تر سره کيداى.
This browser does not support the video element.
دا راپور د ملګرو ملتونو د خوړو او کرنې سازمان (اف ای او )، د کرنې پراختیا نړیوال وجهي صندوق (ای اف ای ډي)، د ملګرو ملتونو د ماشومانو وجهي صندوق (یونیسف)، د خوړو نړیوال پروګرام (ډبلیو اف پې) او د روغتیا نړیوال سازمان( ډبلیو ایچ او ) له خوا چمتو سوی دی.
د ملګرو ملتونو سرمنشي انتونیو ګوتریش له همدې امله «په ټوله نړۍ کې د نورو او بیړنیو هڅو» غوښتنه وکړه.
اړوند مطالب :افغانستان کې سخته لوږه، شمېر تر ۱۵ میلیونو واوښت
د نوي راپور په سریزه کې چې اوس د پنځو سازمانونو مشرانو لیکلی ممکن تر ۲۰۲۳م کاله پورې به د لوږې له امله د مړو سوو کسانو شمیر ۶۰۰ میلیون ته ورسیږي. همدارنګه د ملګرو ملتونو راپور ښيي چې تېر کال ۲،۴ میلیارده کسان؛ د نړۍ نږدې ۳۰ سلنه نفوس خوراکي توکو ته دایمي لاسرسی نه لري.
زموږ له آرشیف څخه:
د افغانستان یو انځور د «ورلډ پریس فوتو» د جایزې ګټونکو په قطار کې
د افغانستان یو انځور چې د خلکو لوږه او ناوړه وضعيت ښکاره کوي، په هغو عکسونو کې شامل دی چې د «ورلډ پریس فوتو» جایزه یې ګټلې ده. د اوکراین جګړې یوه انځور د کال د انځور جایزه وګټله. انځور: Mads Nissen/Politiken/Panos Pictures د کال انځور: «د ماريوپول محاصره» هغه وخت چې د اوکراین بندري ښار ماریوپول د روسیې د بریدو ښکار شو، لسګونه زره غیر نظاميان ووژل شول، ټپیان شول او یا هم تیښتې ته اړ شول. د «ورلډ پریس فوتو» پریکړه کونکي کمیټې د عکاس مالولیتکا دا عکس چې پکې يوه ميندواره ښځه ښکاري چې له بمبارۍ وروسته له زیږنتون څخه په ټپي حالت کې لیږدول کيږي، د «کال انځور» انتخاب کړ. دغه مور یو ماشوم دنیا ته راوړو، خو په خپله نیم ساعت وروسته مړه شوه.
انځور: Evgeniy Maloletka, Associated Press
د کال کیسه: «په افغانستان کې د سولې بيه» مدس نیس د طالبانو تر واکمنۍ لاندې د افغانستان خلکو تریخ حالت او د نړیوالو مرستو کمښت د ۹ عکسونو په یوه لړۍ کې څرګند کړی. دا عکس د ۱۵ کلن خلیل احمد ټپ ښیي، چې مور او پلار یې د خپلو ۱۱ نورو ماشومانو د ژغورنې لپاره د نوموړي پښتورګي پلورلي.
انځور: Mads Nissen/Politiken/Panos Pictures د اوږدمهاله پروژې جایزه: «اقلیم بحران» انوش بابیجانیان څلور کال وخت پرې تېر کړی څو په منځنۍ اسیا کې د پخواني شوروي اتحاد په څلورو جمهوریتونو کې د اقلیم د بحران او د اوبو د خراب مدیریت ټولې اغیزې مستندې کړي. هغه دا کار په تاجیکستان، قرغیزستان، ازبکستان او قزاقستان کې ترسره کړی دی. د ارال جهيل ۹۰ سلنه اوبه له لاسه ورکړي دي. دا عکس د دې جهيل په بستر کې د پسرلي ګرمه ورځ ښیي.
انځور: Anush Babajanyan/VII Photo_National Geographic Society د خلاص فارمټ جایزه: «دلته دروازې ما نه پیژني» د مصر په اسکندریه کې د المکس کلي د کب نیولو اوږد دود لري. خو د دې کلي اوسېدونکي د سمندر د سطحې د لوړېدو او په املاکي پروژو کې پانګونې له امله بې ځايه کړل شوي دي. عکس اخیستونکي محمد مهدي د ځايي اوسېدونکو په همکارۍ یوه وېبپاڼه جوړه کړې ده چې د هغوی عکسونه پکې ثبتوي.
انځور: Mohamed Mahdy څلور نړیوال ګټونکوي د سیمه ییزو ګټونکو له کتار څخه د «ورلډ پرس فوتو» څلور ګټونکي د هغو کسانو له منځه انتخاب شوي دي، چې مخکې یې په سیمه ییزه کچه دغه جایزې ګتلې وې. یو له هغو څخه دا عکس د الیساندر چینکو له لورې «الپاکویروس» یا د الپاکا نسل کوونکي تر سرلیک لاندې دی. دا حیوان د تودوخې پر وړاندې ډېر حساس دی. د اقلیم بدلون له امله د تودوخې زیاتوالی د دې حیواناتو د یو شمېر د له منځه تللو لامل شوی دی.
انځور: Alessandro Cinque/Pulitzer Center/National Geographic
سربیره پردې، راپور ورکړل سوی چې په ۲۰۲۱م کال کې ۳.۱ ميلیارد خلک (د نړۍ ۴۲ سلنه نفوس) نسوای کولی چې صحي خواړه وخوري.
na/pa (dpa)
